أفيدونا أفادكم الله

[mshehatta14]

انا باشتري عربية بيجو 504 مو 79 من صديق دواخل المصنع و فيها باور و زجاج كهرباء و سنتر وهي Gl ووصلت معاه ل 35000 عشان الصحبية بس ناس كتير بتقولي خلي بالك من القديم بعد كدة مش هيترخص وانا مش عارف اعمل اية اشتريها ولا اصرف نظر أرجو المشورة
تحريرا في 8/5/2008

[MoToRiZeR]

انا اللي اعرفه ان قانون المرور الجديد هيقرر بإلغاء السيارات القديمة و مش هيرخصها و هيدي مهلة سنتين للناس اللي معاها سيارات قديمة سواء ملاكي او تاكسي "إعدام السيارات القديمة يعني"

رأيي اصرف نظر عشان حتي لو مش هتحتاس في الترخيص هتحتاس في بيعها عشان محدش هيشتريها و هو عارف انه مش هيعرف يرخصها

بس يا ريت تسمع اراء باقي الأعضاء ممكن يكون حد عارف حاجة انا مش عارفها

[maka]

انا اللي اعرفه ان قانون المرور الجديد هيقرر بإلغاء السيارات القديمة و مش هيرخصها و هيدي مهلة سنتين للناس اللي معاها سيارات قديمة سواء ملاكي او تاكسي "إعدام السيارات القديمة يعني"

رأيي اصرف نظر عشان حتي لو مش هتحتاس في الترخيص هتحتاس في بيعها عشان محدش هيشتريها و هو عارف انه مش هيعرف يرخصها

بس يا ريت تسمع اراء باقي الأعضاء ممكن يكون حد عارف حاجة انا مش عارفها

ياجدعان الكلام ده صح ولا لا ووقف الترخيص هيبقى لسنة كام 80 ولا 85 ولا 88

ده كده يبقى حرام اوى وكمان الحكومة بجحة و مبيهمهش حد

ولو حد متاكد من الكلام ده يقول علشان الحق ابيع

[grgabra]

المؤكد انه سيتم ايقاف الأجره (تاكسي او ميكروباص) قبل 20 سنه (1988) غير كده ما سمعتش ويتم خلال تلك الايام دراسة كيفية تعويض اصحاب السيارات

[furp]

السلام عليكم

ياباشا عموما معظم الناس دلوقتي سواء علشان موضوع الترخيص
او مش علشانه
بدأت تتجه للشراء من بداية التسعينات علي الاقل علشان كمان
سهولة البيع وكمان علي الاقل تكون العربيه فيها حيل تمشي ومتكونش قطعت النفس

يعني انا رأي سواء هيتوقف الترخيص او لا

حاول تشتري حاجه قريبه شويه علشان تريح دماغك

وربنا يوفقك

[أبو عبدالله]

انا رايي تخليك في المضمون احسن

[Ahmad Allawy]

فوق كل الكلام الكويس اللي الاخوة قفالوه..
انت ناسي موضوع الترخيص و البنزين..؟؟
العربية دي 1800 سي سي او 2000 انا مش عارف..
هتلاقي الضريبة و الترخيص بتاعها كتير قوي.. سمعت انه ممكن يعدي ال1000 جنيه في السنة..
ودجه غير ان استهلاك البنزين بتاعها عالي جدا..
خلي النقطة دي في اعتبارك..

[MoToRiZeR]

انا عرفت من واحد صاحبي صحفي ان احد الحلول المقترحة للتعويض قرض سيارة قيمته 10 الالاف جنيه و تقسيط باقي ثمن السيارة بدون فوائد نهائياَ

[yahyanaabil]

مبدئيا ان مش عارف ايه نظام القانون ده بس انا رأى بلاش منها لايباب كتبير لان موتورها اكيد بيستهلك بنزين عالى وترخيصها اغلى وكمان قطع غيار البيجو غالى انا لو مكانك حصرف نظر عنها تماما

[sherif Anton]

بلاش وابعد خالص عن القديم ... وبعدين انت عتدفع 35 الف وممكن بالفلوس دي تجيب حاجة احدث كتيييير ... العربيات القديمة دي فضلها زلطه وتطلع بره