تجربتي مع البوينتر حتى ال 31000 كيلو

[M!NA]

يا جماعة انا معايا بوينتر شكل جديد موديل ديسمبر 2006 و الحمد لله امبارح كملت بيها ال 31000
اولا العربية ديه بجد تحفة بس للأسف مظلومة جدا في مصر لمجرد انها برازيلية بنسبة 100% و البرازيل مش وحشين للدرجة ديه
و السؤال اللي هسأله و كل واحد يجاوبة بصراحة شديدة ... تثق أكتر في التقفيل المصري ولا التقفيل البرازيلي؟ ما علينا خلي كل واحد يجاوب بينه و بين نفسه عشان منزعلش حد من مشجعي الصناعة المصرية

المفيد...العربية من يوم ما استلمتها و انا كنت بستخدمها يوميا حوالي 80 كيلو (داخل المدينة) اداء زي الفل
بعد فترة جربتها في السفر... حاجات في القريب كدا... القاهرة - اسكندرية, القاهرة - بورسعيد, الفيوم, و هكذا...
الحمد لله مفيش مرة تسخن او تعمل معايا اي موقف او تعصلج في اي حاجة

المية الحمرا بتاعت التبريد عمري ما شفتها ناقصة مللي عن مستواها, الزيت كذلك, لو سبتها 4-5 ايام و رجعت تاني ادورها تشتغل فورا

لحد انهاردة مفتحتش الكبوت الا عشان أغير زيت و فلاتر و بس في كل صيانة 10000 و مرة واحدة بس غيرت تيل أمامي

البوجيهات بتتغير كل 25000 كيلو
سير الكاتينة كل 50000

و اخيرا قررت يوم 28 ابريل اروح بيها سيناء (سانت كاترين و بعدين دهب) و بالفعل رحت و بدون اي مشاكل
اجمالي الرحلة 1257 كيلو (رايح راجع)
ملحوظة: الطريق الراجع كان حوالي 600 كيلو اخدتهم مرة واحدة بدون توقف و كنا تلاتة و التكييف شغال و متوسط السرعة 120-140

استهلاك البنزين:
موفرة جداااااااا خاصة في الطوالي بتعمل حوالي 12 كيلو في اللتر بالسرعة المتوسطة (90-100)
سعة التانك 51 لتر (شامل الخزان الاحتياطي)

-عفشتها حلوة جدا و بتتحمل اوي و يكفي اني كل ما اكشف عليها في التوكيل لحد انهاردة يقولولي العفشة عندك بحالة الزيرو
-عالية عن الأرض و عمري ما حكيت في مطب حتى لما نكون 5 في العربية و رغم ارتفاعها ثابتة جدا جدا و لحد 160

العيوب:
-قطع الغيار غالية جدا بس معمرة جدا و دا عن تجربة
-لما بروح اسأل عنها تجار قطع غيار الفولكس بحس اني بسأل على حاجة عيب أو حرام
-طبعا انتو عارفين التوكيل اللي سمعته زفت

مختصر المفيد... اللي بيفكر يجيبها و عجباه أقوله هاتها بقلب جامد بس أمن عليها عشان اكصداماتها مبالغ فيها حبتين
غير كدا هتستمتع بعربية تحفة بجد, محدش هيقدر كلامي ده غير اللي بيسوق العربية ديه

بصراحة انا عارف ان الكلام ده كله او بعضه اتقال قبل كدا... لكن بجد حبيت اكون شاهد من اهلها و انقل ليكم الصورة كاملة و اي استفسار انا تحت امركو

و اسف للاطالة

يا باشا تتربى في عزك لحد مليون كيلو الفولكس فولكس ملوش حل و هتعرف الكلام لما تمشي بيها اكتر بس عيبها فعلا قطع الغيار غالي و مش متوفره

[M!NA]

شكرا يا dr_3eshoo على ردك و ربنا يباركلك في بنتك و نشوفها عاملة مليون و نص :)
هي نوعها ايه؟

شكرا يا باشا على التقييم الجميل دة

[limo]

الف شكر يا باشا على التقيم
على فكره انا كنت هشترى عربيه جول مو2001 بس 1000 سى سى
العربيه ده فعلا من جوه تحفه
شكل الفتيس تحس انها عربيه رياضيه و لون العدادات الازرق
بس الى لاخظه عليها ان صوت متورها عالى جدا مش زى باقى الفولكس +ملهاش قطع بره الوكيل الا فى محلين تقريبا عندهم حاجتها وكمان معندهمش كل حاجه
+التوكيل معندوش كل حاجه
+سعر اعاده البيع هيكون فى الارض
علشان كده صرفت نظر عنها
بس هيه عربيه لذيذه ربنا يبارك فيها

[dr_3eshoo]

بنتي هيا مش بنتي دي اختي الكبيره حبيبه قلبي بسات 99

[mohamed ibiza]

البرازيلي مش وحش باعكس مع تكنولوجيا فولكس هيبقي كويس مش وحش بس مشكلة البوينتر التوكيل و القطع الغالية ناااااااااااااااااااااار


شكرا علي التقييم و برنا يباركلك فيها:)

[M!NA]

الف شكر يا باشا على التقيم
على فكره انا كنت هشترى عربيه جول مو2001 بس 1000 سى سى
العربيه ده فعلا من جوه تحفه
شكل الفتيس تحس انها عربيه رياضيه و لون العدادات الازرق
بس الى لاخظه عليها ان صوت متورها عالى جدا مش زى باقى الفولكس +ملهاش قطع بره الوكيل الا فى محلين تقريبا عندهم حاجتها وكمان معندهمش كل حاجه
+التوكيل معندوش كل حاجه
+سعر اعاده البيع هيكون فى الارض
علشان كده صرفت نظر عنها
بس هيه عربيه لذيذه ربنا يبارك فيها

الألف سي سي منها بصراحة مجربتهاش, بس اعتقد انها ضعيفة عليها لأن ال1600 اللي معايا حاسس انها بالظبط علي أد السحب و التكييف لو كانت أقل كانت هتبقا ضعيفة جدا في نقطة من الاتنين دول أكيد

سعر اعادة البيع فعلا في الأرض.. عشان كدا بنصح اللي يجيب العربية ديه يكون فعلا مقتنع بيها عشان ميبيعهاش و يخسر فيها لأنها فعلا تحفة و ممكن تعيش معاك زي الفل لحد 200 و 300 ألف بصيانة التوكيل و بس

[M!NA]

بنتي هيا مش بنتي دي اختي الكبيره حبيبه قلبي بسات 99

يا باشا ربنا يخليكو لبعض :) .. على فكرة انا بحترم اوي الباسات القديم لحد موديلات 2001
عربية ما شاء الله حمالة أسية, ربنا يباركلك فيها

و متشكر اوي يا رجالة على ردودكم و أي استفسار انا تحت امركم

يا جماعة انا معايا بوينتر شكل جديد موديل ديسمبر 2006 و الحمد لله امبارح كملت بيها ال 31000
اولا العربية ديه بجد تحفة بس للأسف مظلومة جدا في مصر لمجرد انها برازيلية بنسبة 100% و البرازيل مش وحشين للدرجة ديه
و السؤال اللي هسأله و كل واحد يجاوبة بصراحة شديدة ... تثق أكتر في التقفيل المصري ولا التقفيل البرازيلي؟ ما علينا خلي كل واحد يجاوب بينه و بين نفسه عشان منزعلش حد من مشجعي الصناعة المصرية

المفيد...العربية من يوم ما استلمتها و انا كنت بستخدمها يوميا حوالي 80 كيلو (داخل المدينة) اداء زي الفل
بعد فترة جربتها في السفر... حاجات في القريب كدا... القاهرة - اسكندرية, القاهرة - بورسعيد, الفيوم, و هكذا...
الحمد لله مفيش مرة تسخن او تعمل معايا اي موقف او تعصلج في اي حاجة

المية الحمرا بتاعت التبريد عمري ما شفتها ناقصة مللي عن مستواها, الزيت كذلك, لو سبتها 4-5 ايام و رجعت تاني ادورها تشتغل فورا

لحد انهاردة مفتحتش الكبوت الا عشان أغير زيت و فلاتر و بس في كل صيانة 10000 و مرة واحدة بس غيرت تيل أمامي

البوجيهات بتتغير كل 25000 كيلو
سير الكاتينة كل 50000

و اخيرا قررت يوم 28 ابريل اروح بيها سيناء (سانت كاترين و بعدين دهب) و بالفعل رحت و بدون اي مشاكل
اجمالي الرحلة 1257 كيلو (رايح راجع)
ملحوظة: الطريق الراجع كان حوالي 600 كيلو اخدتهم مرة واحدة بدون توقف و كنا تلاتة و التكييف شغال و متوسط السرعة 120-140

استهلاك البنزين:
موفرة جداااااااا خاصة في الطوالي بتعمل حوالي 12 كيلو في اللتر بالسرعة المتوسطة (90-100)
سعة التانك 51 لتر (شامل الخزان الاحتياطي)

-عفشتها حلوة جدا و بتتحمل اوي و يكفي اني كل ما اكشف عليها في التوكيل لحد انهاردة يقولولي العفشة عندك بحالة الزيرو
-عالية عن الأرض و عمري ما حكيت في مطب حتى لما نكون 5 في العربية و رغم ارتفاعها ثابتة جدا جدا و لحد 160

العيوب:
-قطع الغيار غالية جدا بس معمرة جدا و دا عن تجربة
-لما بروح اسأل عنها تجار قطع غيار الفولكس بحس اني بسأل على حاجة عيب أو حرام
-طبعا انتو عارفين التوكيل اللي سمعته زفت

مختصر المفيد... اللي بيفكر يجيبها و عجباه أقوله هاتها بقلب جامد بس أمن عليها عشان اكصداماتها مبالغ فيها حبتين
غير كدا هتستمتع بعربية تحفة بجد, محدش هيقدر كلامي ده غير اللي بيسوق العربية ديه

بصراحة انا عارف ان الكلام ده كله او بعضه اتقال قبل كدا... لكن بجد حبيت اكون شاهد من اهلها و انقل ليكم الصورة كاملة و اي استفسار انا تحت امركو

و اسف للاطالة

الكلام كله صح الصح محدش يقدرها الا اللي ركبها وكماليتها وجودتها مش موجوده في عربيه تانيه ودخلت توكيلات واقول العربيه بتعتكم فيها كذا يقول لي يعني ايه دي
يله نبخرها بقي