افيدونا افادكم الله السيراتو و لا الانسر 1600

[dr.mahmoud]

السلام عليكم جميعا اخواني في هذة المنتدى الرائع اللي الواحد بيستفيد جدا منه و شكرا لكل القائمين عليه جزاهم الله كل خير عنا , و بعد اذنكم كان عندي طلب صغير و هو اني محتار بين الكيا سيراتو و اللانسر 1600 اوتوماتيك كامله الشكل القديم و مش عارف مين افضل يعني يستحمل شغل شاق
و لكم جزيل الشكر

[Hassan Khalil]

اذا كان علي الجزئية الخاصة بتحمل المشقة .. فاللانسر تكسب ,,
مع ملاحظة ان الجديد كله مش عربيات شقي .
تحياتي

[mohamed ibiza]

لانسر تكسب في التحمل و العمر رغم انخفاض جودة المنتجات الجديدة في كل العربيات و سيراتو تكسب في الشكل و الاتنين قدرة واحدة 1600 و لانسر 122 حصان و سيراتو 121 حصان مش فارقة لو مكانك لانسر

[dr.mahmoud]

شكرا جزيلا لسرعه الرد عليا بس السيراتو فيها اوبشنز اعلى من اللانسر و كمان مش منتشرة زي اللانسر لانها بصراحه حاجه تخنق الواحد و لا ايه رأيكم في الموضوع ده ؟؟

[ows212]

طبعا اللانسر بقت شعبية جدا ...

[dr.mahmoud]

طيب و من حيث قطع الغيار و التوكيل و استهلاك البنزين مين افضل فيهم ؟!؟!؟!؟

[Hassan Khalil]

قطع الغيارو انتشارهاو صيانتها خارج التوكيل .. كله بيصب في صالح اللانسر
.............
استهلاك البنزين معنديش علم السيراتو عامله ايه فيه ..
..............
مع ملاحظة ان السيراتو متوقع لها انتشار قوي خلال الفترة القادمة ..نظرا لظروف التوكيل .. و لطول فترة الضمان ( 5 سنوات )
.......................
عموما.. اذا كانت العربية مش حتقعد مع حضرتك كتير ( 5 او 6 سنوات مثلا ) هات اللي انت ميال ليها سواء اللانسر او السيراتو ..
اذا كانت حتبقي عربية عمر ان شاء الله ........ خليك في اللانسر
تحياتي

[mohamed ibiza]

ما انت تشوف احتياجاتك عايز اوبشنز و مش هتهين العربية جامد ولا هتحرت بيها شغل هات سيراتو لو اني متوقعلها الانتشار زي لانسر كده لو عايز العمر الاطور تبقي لانسر بس مش مميزة لانها السيارة الشعبية تقريبا دلوقتي دي انتشرت اكتر من الانترا

[dr.mahmoud]

استاذ محمد و استاذ حسن انا شاكر جدا ليكم بس انا مش بتاع جري و حركات و كده يعني انا عايز حاجه تبقى في المعقول يعني من حيث تكاليفها و ان كنتم حضراتتكم اتكلمتو في الموضوع ده و انا شاكر ليكم استجابتكم

[SEATLOVER]

اللانسر... ركوبة حديدة وتحمل مآسى و مصاريف تقطم و بيع فى اشارة
السيراتو... ركوبة ميزة و نعومة اخو اليابانى و خدمة وكيل بيع هادى

[dr.mahmoud]

شكرا جزيلا لمجهودكم بس كنتعايز مقارنه في ميكانيكا العربيه و مميزات و عيوب كل واحد و معلش لو تقلت عليم شوية

[bemocarlo]

والله يا سيات اختصرت فاجزت
bemo,ire

[eng_mkhalaf]

سيراتو 1600 ستيبترونيك من الأخر وكمان أنت أولى بالفرق - وعربية مميزة مش كل الناس ركباها وتوكيل من الأخر

[dr.mahmoud]

شكرا للاخوة الاعضاء جميعا بس الموضوع فعلا محير والواحد مش عارف ياخد قرار و الله المستعان و ياريت لو حد عنده اي معلومات تانيه على اي واحده فيهم اكون شاكر جدا ليكم

[amir]

يا دكتور المعلومات كلها عندك انتي باين من كلامك انك مش عايز اللانسر علشان سببين
1-انها اكتر من الهم علي القلب في الشارع
2- الاوبشنز بتاعتها متواضعه ( تحس انهم بيبيعولك الثلاث جواهر بتوع العلامه و كفايه عليك كده)

وعلي فكره ردا علي الاخ اللي بيقول انها بتاعت شقي و الكيا لاء طب بالذمه ازاي يعني؟!!!!!!!!!!!!! اي عربيه من العربيات الجديده مش هتعاملها و كأنها نص نقل او هامر, الناس صنعت العربيات دي للتنقل مش للحروب او اسليب القياده العنيفه و المستهتره و لو انت شايف انك فعلا بتحافظ علي حاجتك كويس يبقي مش مشكله لانسر او كيا سيراتو او حتي صيني

و في المقابل يا دكتور محمود انت ميال للسيراتو عشان
1- لسه شكلها جديد و مش منتشره قوي
2- الاوبشنز بتاعتها عجباك ( ودي نقطه مهمه علشان و انت سايق هوا ده اللي هيفرق معاك )
و بعدين لو علي قطع الغيار فانت تأمن علي العربيه علشان لاقدر الله اي خبطات او فوانيس و خلافه متشيلش همهم و تريح بالك انما بالنسبه للقطع الميكانيكيه فدي مبتشريهاش كل يوم ( و ارجو انك تكون علي عكس الناس اللي بتشتري ال 128 او شاهين فقط لأن قطع غيارهم عند البقالين - علي حسب كلامهم- )
و في النهايه اللانسر عربيه مش وحشه مع اخويا 2007 1600 و لنفس اسبابك مش عجباني فأنا مقدر اللي انت حاسس بيه و القرار قرارك انت لوحدك بعد صلاه استخاره و ربنا يوفقك