قطع غيار اوبل مستعملة

[M.Mokhtar]

يا جماعة كلنا عارفين ان قطع غيار اوبل غاليه جدا خصوصا الاصلى Gm
عشان كده انا قررت اعمل الموضوع ده بحيث اى واحد عنده اى حاجة للاوبل وعايز يبيعها ويفيد باقى اعضاء المنتدى يعرضها هنا وبكده هنستفيد من بعض
انا عن نفسى بجدد عربيتى الاوبل فكترا بالكامل وعندى حاجات كتير مش محتاجها وهعرضها فى الموضوع ده
وعايز اشوف مشاركات عشاق الاوبل ونعمل رابطة عشاق أوبل زى رابطة المتسوبيشى لانسر اللى بنقطعهم على الطريق :)

_______________________

تم تثبيت الموضوع نظراً لاهميتة لاعضاء قسم اوبل.

مشرف القسم.

[M.Mokhtar]

1- سلوك بوجيهات اوبل فكترا موتور 1600(4 سلوك) للبيع اشتغلوا اقل من شهر
النوع: Gm اصلى بفاتورة التوكيل ( منصور ) بتاريخ 28\11\2007
سعر الفاتورة 550

بالنسبة للسعر اللى محتاجهم يقولى عايزهم بكام ومش هنختلف ان شاء الله المهم الكل يستفيد
وشاكر جدا للموقع الجميل بجد انا استفد منه جدا جدا وياريت يفضل على هذا المستوى الرائع

[tamer_samy]

الموضوع ده جميل جدا و يا ريت لو اي حد عنده حاجة مش محتاجها و عايز يبيعها وبكدة نستفيد كلنا
بالنسبه لفكره رابطه عشاق الاوبل فكرة جميله جدا و انا معاك ان شاء الله

[modux]

بمناسبة قطع الغيار المستعلمة

عندي قميص رادياتير كورسا 1000 ( مروحة سليمة )

و عداد كورسا 1000 بردو يعني من غير واير بفيشة

الاثنين بحالة ممتازة

اللي عايزهم يكلمني علي
0106790780

[M.Mokhtar]

اهلا modux باشا واحشنا يا راجل
انا استنيتك كتير تعمل رابطه عشاق اوبل عشان عارف انت بتحب اوبل قد ايه بس انت اتأخرت اوى وشكلى هعملها انا واسبقك

انا كمان عندى كاسيت اوبل الاصلى بخاصية ال CD Changer control

[M.Mokhtar]

عندى ماتور مراية جانبيه (تحريك العدسة) وماتور ضم المراية اليمين مع السنتر (لف المراية بمحاذاة الباب)

[HISHAM80]

I have nothing to sell but I bought vectra 1600 fuel pump 650LE bosch the same like original and there was fuel pump chinese made 225LE and other one was bosch but I think it was not original or first class 350LE and I think it is a good idea to share the prices of the spare parts

[georggerges]

انا عندي عفشه خلفيه كامله بالتنك كورسا 95
ممكن تتجزاء يعني تيل \طنابي\دونجول خلفي \مسعدين\يايات
جورج 0123020302
0181007773

[Ahmad Allawy]

mimysheckles باشا..
انا لسة عضو جديد في الرابطة..
انا لسة شاري كورسا 1200 موديل 97 من اسبوع..
طلع فيها شوية حاجات كده محتاجة تصليح..
الكاسيت بتاعها بايظ.. كنت محتاج اسأل سعاتك.. الكاسيت اللي انت كاتب مواصفاته هل ممكن يشتغل علي الشاشة بتاعت الكورسا ولا مينفعش..؟؟ و لو ينفع هل الكود بتاعه موجود معاك؟
ولو معاك حضرتك تطلب فيه كام..؟؟
انا حاليا بالمناسبة علشان باقي الاعضاء باغير شوية حاجات كده بس اول ما اخلص شرا هاكتب اسعار كل الحاجات اللي اشتريتها..ان شاء الله..

[M.Mokhtar]

هو كان شغال على شاشة الفكترا اللى فى التابلوه بس مش عارف الشاشه دى نفسها بتاعت الكورسا ولا لأ على العموم هو اوبل جروندج 303 واعتقد انه هيشتغل بس هسألك وهرد عليك قريب
وطبعا انا معايا الكتالوج بتاعه وفيه الكود وكل حاجة
بالنسبة للسعر انا مش عارف والله سعره ايه فشوف انت عايزة بكام :)