طريقة ظبط نور الشاهين

**HRH_Sameh** · 18-05-2008 11:35 AM

كنت ركبت كتاوت ولمبات 260 / 200 من كذا سنة في العربية (شاهين) الصراحة النور جامد
المهم الكهربائي طلع معايا ساعتها وعلّى الكشافات لفوق شوية (يحط دواسة على كشاف - منطقة ضلمة) وقاللي كده بنزود المدى بتاع النور
هي دي حقيقة بس بحس لما انوّر النور الكبير ان النور بيقى ضارب في وش اللي قدامي وبيبقى متضايق
فكنت عايز اوطيه تاني بس عايز اعمله بنفسى لأني من هواة الـ DIY

لقيت بلاستيكاية بيضا ورا كل كشاف فكيتها وحاولت احركه ماتحركش
ايه بقى الطريقة اللي يوطى بيها

**HRH_Sameh** · 19-05-2008 02:41 PM

waiting ..............

**nobody** · 19-05-2008 02:47 PM

لف المسمار بمفتاح 8 او في مسمار بلاستيك له مجرى يلف فيه فوق وتحت العملية سهلة جدا
يستحسن تعملها بالليل و يكون في حيطة في وش العربية عشان تحدد المدى اللي انت عايزه

**Akram** · 19-05-2008 10:39 PM

كان فيه موضوع عن طريقة تظبيط الإضاءة من فترة ,
يا ريت حد يحط اللينك الخاص بيه لأني دورت عليه و مش عارف أوصله....

**medozaed** · 19-05-2008 11:49 PM

افتح الكبوت وبص على الكشاف من جوه الكبوت فى مسمارين مسمار لتعيل الوضع الافقى للاضاءه وواحد لتعديل الوضع الراسى والتانى الى احنا عيزينه هتلاى المسمار بتاعه ورا الكشاف وفيه بكره تحت المسمار لف البكره وانتا مولع النور واظبط المدى الى انتا عايزه ولوظبط البكره ماعجبكش اظبط من المسمار الى فوق البكره والمفتاح الى بيستخدم فى الظبط هو قطعه بلستك بتبقى مربوط بيها الفليشر ولونه ابيض فكها ظهر البلستكه دى عباره عن مفتاح لظبط الاضائه واهم حاجه ان العربيه تبقى واقفه امام حائط علشان تظبط مستوى الكشافين معا بعض ميباش واحد مداه بعيد والتانى مداه قريب

**HRH_Sameh** · 20-05-2008 10:45 AM

شكرا على الافادة وجاري التجربة وهاقول النتيجة وهاحاول اصور كمان

**HRH_Sameh** · 25-05-2008 12:52 PM

تم عمل اللازم
وفعلا لقيت الآتي:

دي صورة رسمتها دلوقت للفانوس اليمين ع السريع
A دي البلاستيكاية اللي بتستخدم في الموضوع (بنفكّها عادي)
B دي البكرة البلاستيك لتعديل الوضع الرأسي (وجواها المسمار ) بندخل فيها البلاستيكاية دي ونربط ونفك عادي
C ده مسمار التعديل الافقي

بس الموضوع مزنوق قوي يعني تعبت على ما عملتهم بس كده :embarrassed2:

**medozaed** · 25-05-2008 01:44 PM

الفانوس الى ناحيه البطاريه هو الى مزنوق انما التانى وحواليه فاضى

**HRH_Sameh** · 25-05-2008 02:12 PM

المشاركة الأصلية كتبت بواسطة medozaed

الفانوس الى ناحيه البطاريه هو الى مزنوق انما التانى وحواليه فاضى

صح ياباشا بس اللي حصل معايا في الشمال وانا بفك كان النور بيعلى لفوق وحبيت اعكس اللف لقيته اتزنق وراسه وألف جزمه ما هيتحرك لحد ما جبت بنسه ولفيته بس لما زهقني

وشكرا على الافاده ياباشا