>> جميع موديلات فيات الجديدة *** في مصر من التوكيل *** <<

[CryptonX]

انا لفيت دايما اسئلة كتيرة عن التوكيل الجديد والسيارات الجديدة . فقلت اسهلها علي السائل .


التوكيل : اوماترا مصر ( شركة سعودية المنشأ )

Omatra Egypt

ORIENT MARKETING & TRADING CO


** موديلات فيات المطروحة في مصر " حاليا " 2008 بترتيب الاسعار - الارخص اولا :



PALIO MK2 1.5 - 2008







السعر : 65500جنيه مصري

بلد المنشأ : الصين ( تجميع و تقفيل )
الموتور : 1500 فيات ( مش صيني زي ماكنا فاكرين )
85 حصان - 8 صمامات

كماليات : جميع الكماليات بدون ABS او Airbags




SIENNA MK2 1.5 - 2008




السعر : 69500جنيه مصري

بلد المنشأ : الصين ( تجميع و تقفيل )
الموتور : 1500 فيات ( مش صيني زي ماكنا فاكرين )
85 حصان - 8 صمامات

كماليات : جميع الكماليات بدون ABS او Airbags

ملاحظات : السيينا و الباليو واحد في كل شيء - فرق 4 باب او هاتشباك


PUNTO MK2 FACELIFT 1.2 - 2008




السعر : 75000جنيه مصري

بلد المنشأ : ايطالي بالكامل
الموتور : 1242 فيات فاير
60 حصان - 8 صمامات

كماليات : جميع الكماليات
باور
سنتر
زجاج كهرباء
فوجات
جنوط 14" ايطالي اصلي - فيات
مخادع خلفيه
2 Airbags

ملاحظات : الصورة المرفقة لتابلوه السيارة مختلفة قليلا عن الموديل المطروح



GRAND PUNTO 1.4 - 2008





السعر : مانوال 96500جنيه مصري

اوتوماتيك 107500جنيه مصري

بلد المنشأ : ايطالي بالكامل
الموتور : 1368 فيات
77 حصان - 8 صمامات

كماليات : جميع الكماليات
باور
سنتر
زجاج كهرباء
فوجات
مخادع خلفيه
2 Airbags
ABS


ملاحظات : الصورة المرفقة لتابلوه السيارة مختلفة قليلا عن الموديل المطروح





LINEA 1.4 - 2008



السعر : مانوال 98500جنيه مصري

اوتوماتيك 107000جنيه مصري

بلد المنشأ : تقفيل تركي
الموتور : 1368 فيات
77 حصان - 8 صمامات

كماليات : جميع الكماليات

كاسيت سي دي اصلي
باور
سنتر
زجاج كهرباء
فوجات
مخادع خلفيه
4 Airbags
ABS




BRAVO 1.4 - 2008






السعر : مانوال 125000جنيه مصري

بلد المنشأ : ايطالي
الموتور : 1368 فيات
90 حصان - 16 صمام

كماليات : جميع الكماليات

كاسيت سي دي اصلي
باور
سنتر
زجاج كهرباء
فوجات
مخادع خلفيه
4 Airbags
جنوط 15" فيات صلي
ABS

-----------------------------------------------------
_-----------------------------------------
-----------------

[volcano12]

الصور لو إتحطت فوق بعض حيبأة أحسن


عموم بصراحة شغل ١٠٠ ١٠٠ وأحلى ما فيه البرافا !!! ولكن السعر المبالغ فيه على عربية ١٤٠٠!!! حاروح أجيب megane أحسن !!

[yoyo]

شكرا جدا جدا جداجداجداجداجداجداجداجدجد......................... .....
بس انا اعرف ان الجراند بونتو في منها بفتحة سقف فياريت تفيدنا بسعرها(اعلى تجهيز ليها في مصر)

[ams]

هى ليه المواتير ضعيفه من حيث القوة الحصانية ؟
و اكبر عزم بيطلع عند كام دوره فى الدقيقة ؟

[SuMo]

hia el-pravo r7'st ya karim wla de esha3a
w b3din hia mesh kant btnzl 77hp
?????????????????????

[CryptonX]

الصور لو إتحطت فوق بعض حيبأة أحسن


عموم بصراحة شغل ١٠٠ ١٠٠ وأحلى ما فيه البرافا !!! ولكن السعر المبالغ فيه على عربية ١٤٠٠!!! حاروح أجيب megane أحسن !!

شكرا ..
الميجان طبعا سيارة جميلة بس خلي بالك انها تركي بينما البرافو ايطالي هاشتباك - الميجان الهاشتباك الفرنيس بكام ؟؟ اليورو بقى :)

شكرا جدا جدا جداجداجداجداجداجداجداجدجد......................... .....
بس انا اعرف ان الجراند بونتو في منها بفتحة سقف فياريت تفيدنا بسعرها(اعلى تجهيز ليها في مصر)

انا مشفتش واحدة بفتحة سقف قبل كدة و دول السعرين المتوفرين عند التوكيل بس حتأكلك تاني برده .

هى ليه المواتير ضعيفه من حيث القوة الحصانية ؟
و اكبر عزم بيطلع عند كام دوره فى الدقيقة ؟

الموارتير مش ضعيفة .. عادية جدا بالنسبة لآن معظمها 8 صمامت فقط .
افصى عزم في كل او معظم المحركات بالاعلي بيطلع من 2600 الي 3000 rpm >

و في موديلات اعلي فدرة حصانية بمواتير 1400 فقط ( 120 - 150 حصان ) بس لم تطرح في مصر لسبب واضح .

[CryptonX]

hia el-pravo r7'st ya karim wla de esha3a
w b3din hia mesh kant btnzl 77hp
?????????????????????

البرافو رخصت 10 الاف جنيه بناءا علي موقع Contact بس انا مكلمتش التوكيل لسة.

البرافو طول عمرها 90 حصان لان موتورها 1400 16 صمام مش زي الجراند بونتو 8 صمامات فقط

و ده اقل موتور موجود في البرافو ..بعد كدة في 120 حصان و 150 . ( 1400 سي سي برده ) .

[hazem_khidr]

جميل يا باشمهندس تسلم ايدك
:)
عقبال الفيات 500 بقي
سمعت انهاا نازله قريب يا ريت تتاكد لنا من صحه الخبر دا.
لو نزلت حبقي من اول الحاجزين ليها لو تمنها معقول :)

[CryptonX]

جميل يا باشمهندس تسلم ايدك
:)
عقبال الفيات 500 بقي
سمعت انهاا نازله قريب يا ريت تتاكد لنا من صحه الخبر دا.
لو نزلت حبقي من اول الحاجزين ليها لو تمنها معقول :)

معتدقش حيحصل قريب بس مش زنب التوكيل يا حازم

عايز اقلك ان ال Waiting list في المملكة المتحدة بقى اشبه بفراري ... بالشهور ...

و معتقدش ان هم حيصدروا لاي دولة غير اوروبا حاليا علي الاقل لحد مياكفو الطلب .. وومكن تصنع في مصنع الصرب الجديد او تركيا و ترخص شوية ..

سعرها اقل من البونتو الي عندنا حاجة بسيطة .. يعني حتبقى في خانة ال 70 الي 80 الف جنيه برده

[M_HaFeZ]

شكرا على المجهود ده ياكريم
مسألتهمش على cinquecento طالما ان ال 500 صعبه عليهم

[hazem_khidr]

سعرها اقل من البونتو الي عندنا حاجة بسيطة .. يعني حتبقى في خانة ال 70 الي 80 الف جنيه برده

يا ريت
لان اللي قالي انها نازله قريب قالي تمنها حيبقي في الحدود دي
بجد تبقي تحفه

[bassam nagy]

شكر ياباشمهندس على العرض الجميل للموديلات

[MohabSaeed]

شكرا يا كريم باشا على الموضوع الجميل

بس انا عاوز اعرف .......... ليه سعر الجراند بونتو زاد !!!!!!!!!
والبرافو بسعرها الجديد انا شايف انها وهميه .... وياريت نسيبنا من موضوع انها 1400 و90 حصان

الاوكتافيا والباسات ...و 1600 - 102 حصان ........ و شوفو حجمها قد ايه ؟؟؟؟
البرافو سعرها بجد وهمى ... كده هى
- ارخص هاتش باك اوروبى فى ال C SEGMENT .
- و اكثرهم اناقه " تصميم مالوش حل "
- واكثرهم تجهيزاً وعوامل امان .
- و اكثرهم اقتصاداً فى استهلاك البنزين .
- الوحيده الى بتنزل ب فتيس 6 سرعات .


وبعدين الفروقات مش كبيره بينها وبين الجولف مثلا :

البرافو من الصفر : 100 :- فى 12,5 ثانيه و سرعه قصوى :- 179 كيلو متر فى الساعه
معدل استهلاك 6,5 لكل 100 كيلو " وده المتوسط يعنى لو على سرعه 90 .. ممكن تنزل تحت ال 5 لتر
الجولف من الصفر : 100 فى 11,5 وسرعه قصوى 184 كيلو متر .
معدل استهلاك 7,4 لكل 100 كيلو .

طبعا غير فرق السعر 45 الف جنيه مابين الاتنين .

[fahd_628]

سؤال يا كريبتون باشا هوة الجراند بونتو مع الأوتوماتيك فى رأيك حتموت ولا اية ؟ اصل 77 حصان + اوتوماتيك + تكييف اعتقد انها حتموت خالص ولا اية رأيك

على فكرة والله لو كانت بمحرك شوية كنا استبدلناها بدل السيراتو بس المشكلة فى ال 77 حصان دول :( :( :( عارف لو كانت 90 حصان مثلا ماشى و لكن ال 77 حصان دية حرام فى رأى على عربية المفروض انها تبقى رياضية شوية مش سوبر كار يعنى بس تبقى اقوى قليلا !!!! :(

[CryptonX]

سؤال يا كريبتون باشا هوة الجراند بونتو مع الأوتوماتيك فى رأيك حتموت ولا اية ؟ اصل 77 حصان + اوتوماتيك + تكييف اعتقد انها حتموت خالص ولا اية رأيك

على فكرة والله لو كانت بمحرك شوية كنا استبدلناها بدل السيراتو بس المشكلة فى ال 77 حصان دول :( :( :( عارف لو كانت 90 حصان مثلا ماشى و لكن ال 77 حصان دية حرام فى رأى على عربية المفروض انها تبقى رياضية شوية مش سوبر كار يعنى بس تبقى اقوى قليلا !!!! :(

مش حتموت ولا حاجة يا فهد - الفكرة مبفتش زي زمان ان العربية احصنتها ضعيفة تبقى التكيف و اوتوماتيك اضعف .. طبعا مش حتبقى زي المانوال من غير تكيف بس مش درجة الموت .

انا سيارتي 1242 سي سي 80 حصان ماونال و توكيف بيشتغل علي 4 ( اعلي درجة ) وبتعدي ال 140 عادي .. طبعا ابطأ من ما التكيف مقفول بس مش بتسقف و متقدرش تقول ميتة .

المشكلة في موديلات فيات يا فهد الجديدة انهم بيلعبو علي توفير النزين
يعني في 1400 زي مازكرت نفس المحرك بس تربو من 90 حصان الي 180 حصان ! 1400 بس ! بس لو نزلو تربو في مصر التوكيل حيفتح علي نفسه فتحة كبيرة جدا .. مع اني شايف ان لو في مثلا جراند بونتو ابارث 150 حصان تمنها مش حيعدي ال 120 الف ,, و اعقتد حتلعب في عقول شباب كتير .

المشكلة التانية ان كل المواتير اللاعلي ديزل .. علشان فيات تركيزها الاساسي علي السوق الاوروبي .. يعني في جراند بونتو 1600 - 1900 - 2000 بس ديزل و تربو برده .

يعني الابيزا مثلا الجديدة 1400 85 حصان ( فرق 8 احصنة ) هل تعقتد انها حتفرق جامد ؟؟ اشك .

و الفابيا و البولو نفس الكلام

بس دع يدلم اد ايه محرك فيات قوي .. يعني الابيزا و الفابيا و البولو 16 صمام 85 حصان

البونتو 8 بس .. يعني توقير بنزين رهيب و فرق الاحصنة 8 احصنة فقط .

زي السيارات ال 1600 مافي جين 2 115 جصان و في جيتا 107 مثلا .. هل الجين 2 رهييييييييييييبة في السرعة عن جيتا او جولف ؟ طبعا اسرع سنة .. بس مش الفرق الجبار .

---------------------

استاذ مهاب . انا كلمت التوكيل وسالتهم علي سعر الجراند الجديد قالولي علشان بقت 4 Airbags و ABS+EBD و تكييف Climate Control . بس حتاكد من مهندس الصيانة تاني