عربية سيئة + توكيل ضايع = فلوس بتترمى فى الارض

[ahmedsiyam]

السلام عليكم

امبارح يا رجالة اكتشفت ان الدهان بتاع العربية بيطلع لوحده و ده موش بسبب احتكاكات و لا حاجة ده نفس الشكل و موجود فى اماكن متفرقة و بيظهر كل فترة موش بيظهر مع بعضه

اظن بالاضافة الى عيوب التقفيل ياريت حد يقولى انى دفعت فلوس فى عربية تستاهل و اللى اول مرة يشوف الموضوع ده ياريت يبقى يتفرج على باقى التقييمات اللى عملتها قبل كده

والعربية موجود و اللى عايز يشوفها انا تحت امره

اضف الى كده انى مستلم العربية من شهر على انها موديل 2008 الجديدة و مع ذلك الدفعة اللى نزلت جديد مختلفة عن الدفعات القديمة اللى احنا استلمنها

عربية سيئة + توكيل ضايع = فلوس بتترمى فى الارض

[Migo123]

احمد باشا .... انا مقدرتش افهم المشكله بالظبط
الدهان بيقع ازاي
ولا بتظهر بقع مثلا
يا ريت لو في صور للمشكله تبعتهلنا
وخلي بالك ده دهان الفابريقه ..... ده مقدس في مصر ..... يعني مش مسأله شكل بس
لو في مشكله حقيقيه فيه .... ما تسكتش غير لما يغيرولك العربيه كلها
مش يرشهالك ولا الكلام الفاضي ده


ما تسيبش حقك .......... وخليك وراهم
اغلب توكيلات مصر ما بيجوش غير بالعين الحمرا
وجرب مع التوكيل بالذوق ........منفعش ........ جرب مع الشركة الام
منفعش عليك وعلى حماية المستهلك والجرايد المعارضه

[M_HaFeZ]

بقصد ان الدهان بيقشر ياميجو
الموضوع ده بيحصل مع المفروض العربيات اللى مش اوى
بجد باستغرب يحصل مع بروتون بس مش باكدب احمد لاسمح الله
بس حرام تفاهات زى دى يبوظوا مشروع اكتر من ممتاز
الناس دى لو اهتمت زياده كمان خمس سنين هيبقوا ظاهرين اوى على الساحه العالميه ومنافسيين اقوياء لليابانى ومش بعيد يخشوا السوق الامريكى بقوه

[ahmedsiyam]

يا جماعة التقشير موش تجريح فى الصاج ده تقشير عيب دهان و انا اقدر اميز الكلام ده كويس انا باركب عربيات من 15 سنة و فاهم كويس اوى
ده عيب دهان و لو حد يقدر يساعدنى فى انى ازاى ارفعلكم الصور هارفعها حالا

وعموما الاجراء القانونى محفوظ بالنسبة ليا و فى الغالب مالهاش حل غير ان كوم الزبالة اللى استلمته من عز العرب ده يتغير

[CryptonX]

يا جماعة التقشير موش تجريح فى الصاج ده تقشير عيب دهان و انا اقدر اميز الكلام ده كويس انا باركب عربيات من 15 سنة و فاهم كويس اوى
ده عيب دهان و لو حد يقدر يساعدنى فى انى ازاى ارفعلكم الصور هارفعها حالا

وعموما الاجراء القانونى محفوظ بالنسبة ليا و فى الغالب مالهاش حل غير ان كوم الزبالة اللى استلمته من عز العرب ده يتغير

لو تعرف تبعت صور علي الايميل ابتعهملي علي ايميلي او علي ال MSN - موجود في ملفي الشخصي و انا احطهم او اوريك بترفعهم ازاي .

[FERFESH]

استاز احمد انا زيك استلمت العربيه على فكرة محصلش جاحه غير ان الباب الخلفى بيعصلج فى الفتح احيا وديه مش مشكله اوى ياريت لو سمحت ترفع لينا الصور لانك خوفتنى فعلا

[ahmedsiyam]

دى صورة تقشير الفتيس


ويارب تطلع

[mino]

انت بلغت لتوكيل عز العرب بالموضوع ده و لا لسه لو بلغتهم و عصلجو عليك و علي حماية المستهلك

[ahmedsiyam]

[ابو سيف]

مش المفروض ان مدير الصيانة على ما اذكر كان قال للمهندس طبعا يغير عصاية الفتيس العربيه لسه بتعمل صيانة الالف .. و انت بتعمل الصيانه؟؟؟
عموما بجد ربنا يكون في عونك
بس على فكرة تقريبا في اخ هنا كان بيشتكي من موضوع الدهان دة و كان نوع عربيته صني على ما اذكر
اهم حاجة انك متسيبش حقك في الموضوع دة
و تثبت حاله عند حماية المستهلك بالتاريخ بسرعه بدل ما تدخل في سوء استخدام و كدة لأن كل يوم هتتأخر فيه مش هيكون في صالحك

ربنا يعينك عليهم بقا لأن اودامك مشوار طويل بصراحه
و منصحكش ابدا انهم يرشولك الاجزاء دي
خليك متمسك بتغيير العربيه
عربيتك لسه زيروووووووووووو
حرام كدة بجد
و زي ما قولتلك رأي انك بدل ما تروحلهم الاول
اطلع فورا على جهاز حمايه المستهلك
و ربنا يعينك

[meerothe1st]

بالنسبة للفتيس يا أستاذ أحمد
أنا كل العربيات اللى شفتها فى المعارض فتيسها متقشر
واظاهر ان ده طبيعى فى الأوتوماتيك
وعلى فكرة لما تقشره كله هاتلاقى شكله أحلى وماشى أكتر مع العربية فمتزعلش
بس طبعا عيب ان شركة المفروض انها عايزة تنافس مع الكبار يطلع من عندها هفوه زى دى

[ahmedsiyam]

الصور بالترتيب
صورة الرفرف اليمين - صورة الكبوت + صورة الرفرف الشمال
و اللى هايظهر فى الصورة بقع بيضاء اللون معلش هى موش واضحة لان الكاميرا 2 ميجا بيكسل

[ahmedsiyam]

[mino]

مش يمكن حد رش او كب عليها حاجة غلاسة او حب انتقام زي ما بتلاقي عيال صغيرة بتجرح العربيات
انا في واحد حافر حرف A علي الكبوت عندي و النهارده الصبح شايف بعيني عيل صغير متشعبط في مساحات عربية ماروتي

[ahmedsiyam]

احب اقولك ان عربيى بتتركن فى جراج تحت البيت
و لو راكن بره البيت باغطيها اساسى
و لما اكون موش نازل و لا حاجة باغطيها فى الجراج برضه
الحاجة التانية الصور موش واضحة اوى انما هو نفس طريقة التقشير فى 3 اماكن مختلفة
اكيد موش هاتتخبط بنفس الطريقة كل مرة

وبعدين مع كل العيوب اللى ذكرتها فى العربية ماتتوقعش انى اظن خير فى التقفيل

اذا كنا النهاردة بنتكلم فى عربية بتحدف و فتيس بيقشر و دهان خارجى بيقشر و مالتى فنكشن بايظ و حدفة يمين و اصوات كتير صالعة من الجزء الخلفى و تكييف خربان و محتاج فك تابلوه و انا لسه فى اول 1000 كلم

تفتكر هل ممكن اثق فى باقى الكماليات وقت الاحتياج زيى الفرامل و مثبت السرعة و الايرباج

تفتكر اثق فى توكيل بيسلمك عربية من شهر موديل 2008 و يرجع بعدها بشهر يديك عربية مختلفة شوية و برضه 2008

اهلا بيك كعميل عز العرب و كمواطن تعيش فى بلد محترم اسمه مصر

لو بره حصلت المسخرة دى و انا هاكلمك على دول الخليج هل تعتقد انك ممكن ماتاخدش حقك