بيجو 405 بارس

[waleedabbas]

اتفرجت على الباسرس عن قرب لاول مرة النهاردة
...
بصراحة عربية جميلة وتمنها حلو جدا بالنسبة لامكانياتها ...
وبالنسبة لتقفيل العربية زى الفل واحسن من ال405 الروا كمان ...
على فكرة العربية متجمعة فى مصر يعنى زيها زى ال 405 القديمة بالظبط نفس خامات الفرش والكراسى (موبيكا) اللى بتدى لمعظم السيارات المجمعة فى مصر .
والتابلوة شيك وخاماته جلد محترم ...
شكل العربية شيك بصراحة جدا من قدام ومن الجوانب نفس شكل ال 405 المعتاد بس لايق مع بعضه مع انى كنت متوقع ان شكلها هيبقى ملخبط ومش طبيعى لكن طلعت جميلة.
الموتور فرنساوى بدون اى كلام هو نفس موتور ال 406 ال 1600 يعنى موتور حديث مش زى اللى كان بينزل فى ال 405 القديمة...
على فكرة الشكل فى الحقيقة اجمل من الصور انا مقتنعتش بيها الا لما شفتها فى الحقيقة

[TAG_Turbo0]

ال405 الروا كمان

ايه العربية دى

وسعر البارس كام
هى صحيح خلفى؟

[waleedabbas]

ال 405 الروا هى ال 405 الايرانى الشكل التقليدى المعتاد ودى دفع خلفى .
اما ال 405 البارس دى شكل معدل من ال 405 (هى اللى فى الصور) ودى جر امامى بموتور بيجو وسعرها تقريبا انا كنت سامع انه 83 الف بس اخر كلام سمعت انها هتنزل ب 90 الف.

[TAG_Turbo0]

شكراً للإفاده
هى الروا سعرها كام؟

[waleedabbas]

العفو ياباشا

العفو على ايه ياباشا
هى اول مانزلت كانت ب 72200
دلوقتى ب75200
ده السعر من التوكيل وبالحجز لكن بره التوكيل السعر هيختلف.

[TAG_Turbo0]

والله سعر معأول جدا وخصوصا انها خلفى
طيب مش بتبع ليه فيها عيب
ولا مشكلة التوكيل؟

[TAG_Turbo0]

والله سعر معأول جدا وخصوصا انها خلفى
طيب مش بتبع ليه فيها عيب
ولا مشكلة التوكيل؟

[waleedabbas]

الحمد لله لسه مظهرش ليها عيوب لغاية النهارده
لكن مش فاهم قصدك تقصد هى مش بتتباع ليه؟.
هى العربية بالفعل ملت الشوارع ونزل منها دفعات كتير انا كمان سمعت والله اعلم ان الحجز وصل لشهر12 يعنى عشان يغطوا الدفعات اللى حجزت لغاية دلوقتى هيفضلوا يسلموا لشهر 12 والله اعلم.

[Hazem Salah]

العربية دى تبدو صفقة جيدة
أثارت اهتمامى فعلا

[egydriver]

لسه شايفها على الطبيعة ....
العربية دي ...
جامدة جدا جدا

[waleedabbas]

كل يوم باشوفها وانا رايح الشغل اكتر من واحدة فى موكب شخصية هامة فى شارع الخليفة المامون
بس فعلا ماشاء الله عربية محترمة هو تقريبا الدفعات الاولى كلها راحت للداخلية والهيئات الحكومية

[ahmed1981]

هل قطع غيارها متوفرة
سمعت أنها غير متوفرة بالمرة وذلك سبب عدم إنتشارها

[egydriver]

هل تفعلها بيجو بارس ...؟؟؟

هل قطع غيارها متوفرة
سمعت أنها غير متوفرة بالمرة وذلك سبب عدم إنتشارها

العربية مبيعاتها جيدة بالنسبة لفترة تواجدها في الأسواق
و قطع غيارها الأصلية متوافرة جداً في التوكيل و مراكز الخدمة المعتمدة
ربما أقل توافراً لدى تجار قطع الغيار
:)

[FLYINGPEUGEOT]

اهلا بيك معانا يا egydriver

وخد بالك بعد كده.. عشان ممنوع تكتب باللون الاحمر لانه

خاص بالادارة

[mecho]

بارس

تسليم الدفعة الاولى من العربية فى مايو ان شاء الله . مايجول فى الشارع الان هم 20 سيارة خاصة بالمحافظة .لذللك الكلام عن قطع غيار البارس مبكر جدا ز النقطة فقط مرضوع شركة ماسا الى بدات تظهر كوكيل للسيارة مكان توكيل بيجو و يمتلكها ابن و جية اباظة