بص يا باشا .. باختصار ... علي الاسعار القديمه كان سعر العربيه لو بحاله نضيفه قوي قوي بيوصل ل 45-50 الف .... ده علي الاسعار القديمه ... عامه في البي ام مابيفرقش الموتور اللي فيها في البيع و الشراء الا اذا كانت 6 سلندر اوريجينال ... ده السوق القديم ...
في ظل تغير الضريبه ده و اللي رفع الضريبه كلها بيحصل الانعكاس في السوق علي العربيات اللي مواتيرها كبيره ...(هنا كبيره اكبر من 1300 سيسي) ... فتلاقي الاسعار نزلت ... هاتبقي بكام ... الله اعلم ...انما انا باقول هاتقل في حدود 5000 جنيه ... يعني هاتجيبها ب 40-45 ... انما التقلب لسه محصلش ... هوه فيه عرض كتيير قوي و مافيش بيع ... فعلشان تبقي في السليم هاتها ب 40 الف او ب 42 الف .. لو مخلصتش علي السعر ده استني شويه لما نشوف السوق هايحصل فيه ايه ...
نصيحه كمان ... هات 316 ماتجبش 318 ... 1600 بلاش 1800 .. هيا هيا نفس المكنه بالظبط .. بس لما تيجي تعمر بقي تبقي تركب بساتم + كرنك + بلات ال 1800 .. و تغير الكونترول يونيت و يبقي عندك 318 ... و ممكن كمان تلعل اللعبه دي و تركب وش سلندر و قلب المكنه ال 318 اي اس و يبقي عندك 1800 16 صباب ....
و خد بالك انك مش هاتخرط في الكمنه ولا هاتوسع شمايز ... يعني شيل و حط و شكراً ...
المفضلات