الحمد لله

[AbuAdam]

يا جماعة انا خلاص تعاقدت على الياريس 1300 مانيوال فول اوبشنز و الحمد لله ..

هل من نصائح عند الاستلام ؟؟؟

يعني ايه اللي بيجي مع العربية ؟؟

[hero]

الف مبروك مقدمااا...
وربنا يباركلك فيها ....ويديك خيرها ويكفيك شرها..

العربية طبعا بيجي فيها الآتي:
1-الاستبن + الكوريك + كيس عدة صغير (مفك + بنسة + دراع الكوريك)+ 4 طاسات تويوتا اصلي...(خلي بالك منهم قوي علشان دول بـ 1500 جنية...
2-الكوريك
3-الطفاية (عاملة شبة الكوباية بس فبر)
4-ولاعه السجاير..(بيكونوا شايلنها علشان ما تضيعش..)
5-في كوتشتين بيجوا في كيس بلاستيك صغير قوي (دول غالبا سدادات زي ايلي بتبقي موجودة في ارضية العربية...علشان ما تدخلش مية ومتهيألي برضة بيكونوا موجود زيهم في ارضية الشنطة)

6-3 مفاتيح (واحد فية ريموت ) واتنين من غير
7-المانيوال+ضمان العربية +كتالوج الكاسيت + ضمان الكاسيت

لو هايسلمك الورق بتاع العربية وانت بتشتلم العربية (هو عامة بيتأخر من يومين لـ اربع ايام)
يبقي ضيف دول كمان:
8-شهادة بيانات العربية موثقة من الادارة العامة للمرور
9-صورة من الافراج الجمركي للعربية موضح فية ان تم الافراج عنها نهائيا بدون اي متعلقات جمركية...
10-خطاب من الشركة لادارة المرور ايلي انت تابع ليها علشان الترخيص يبقي باسمك..

يستحسن تصور الورق دة كلة وتخلي صورة منة معاك لان الاصول دي كلها هاتبقي في دوسية العربية في المرور...

ومبروك مرة تانية ....وربنا يوفقك..

[أبو عبدالله]

مبارك عليك
وربنا يعطيك خيرها ويكفي عنك شرها ان شاء الله

[دموع الثلج]

الف مبروووووووووووووك مقدما وبالظبط ذى ما قالك هيروووووو

[goodwave]

تمام زي ما هيرو قالك بس في حاجة كمان وهي القاطرة (مش بتاعت العين :)

دي حديدة فيها جانش علشان لا قدر الله لو العربية عطلت تستخدمعا علشان تقطر العربية ودي بتبقى طرف زي المسمار وطرف على شكل حرف D
وبتركب مكان الغطا البلاستيك الصغير إللي في الإكصدام الأمامي.

مبرووك مقدما

أه أه ..... حاجة تانية مهمة ... لاوك تطلب كتيب الصيانة من الموزع إللي حتشتري منه .... انا إشتريت من الرزق امام نادي سموحة ولما روحت تويوتا مصر علشان صيانة الألف قالوللي فين كتيب الصيانة ... قلت مش معايا ... قالوللي إحنا بنديه للموزعين وهما لازم يسلموه مع كل عربية ... بس ساعات مس بيسلموة علشان يخلوك تروح مركز الصيانة التابع لهم وتستلمة هناك.

[fahd_628]

الف الف مبرووووووووك يا باشا

[loai-omar]

الف مبروووووووووووووووووووووو ووووووووووووووووووووووووو ووووووووووووووووووووووووك

عربيه جميله اوي و كنت مستمتع و انا بسوقها... بس انا عايز اسأل سؤال كان محيرني

انا مالقتش فيها طفاية سجاير

لقيت مكان للاكواب
واحد يمين اوي
و واحد شمال اوي

و واحد ورا

و لقيت زي علبة كده سودا دي طفايه و بتتنقل!!

هيا كده فعلا؟

[mohamed ibiza]

الف مبروك و زي ما قال هيرو كده و متعديش ال 140 كتير :)

[amr bahaa el din]

ألف مبروك وربنا يديك خرها ويكفيك شرها هى فعلا مفيهاش طفاية سجاير بيجى طفاية متنقلة خلى بالكككككككككك حط أفيز على الطسات عشان الواحدة 350 ولا أكنها طاسة تيفال أنا لسة جايب واحدة مستعملة 120

[algo2000]

Congratulations on your new car
Rabena yeddik khirha wiyikfeek sharraha
Do not forget the lighter
?what about eldawwasat
If you buy from outside, you had better call Toyota and give him the car ID in order to be sure that the warrantee is valid
Also, the first 1000 km is talieen, so that do not exceed 2.5m or 3 RPM
Again, congratulations