Tweet
طريقة تغيير انوار العدادات (اوبل فيكترا B)
--الادوات المستخدمة:
1-مفك رفيع (زى مفكات الساعات اصغر مقاس او اللى اكبر منة درجة)
2-مفك صليبة
3-شوية صبر وطولة بال بس شوية كتير
--الطريقة:
1-هتلف الدريكسيون 1\2 لفة يمين هتلاقى تحتة فى علبة الدريكسيون غطا صغير مدور هتشيلة بالراحة بالمفك الصغير هتلاقى تحتة مسمار صليبة فكة ونف الحكاية بردو الناحية التانية ...بعد ماتفك المسمارين هتشيل الغطا دة بالراحة
دى صورة الغطا الصغير اهو
ودة المنظر بعد ماتشيل الغطا
هتلاقى فى مسمارين فى الوش يمين وشمال تحت لوحة العدادات فكهم بالمرة
2-هنفك الهوايات اللى فى التابلوة واحد قدامك والاتنين اللى فى النص ودة بالمفك الرفيع من الطرف بالراحة ..وانت بتحرك بالمفك شد لبرة بالراحة
3-لو لسة عندك صبر وطول بال ادخل بقى على مفتاح النور , لو مفيش اقفل العربية وامشى احسن :) , لأن دة المشكلة فى الموضوع كلة هتفكة بنفس طريقة الهوايات بس محتاج تخشوشن شوية وانت بتفكة بس مش اوى علشان مش يبوظ وترجع تعيط , هو هيتفك بس محتاج هدوء وصبــــــــر
4-
بعد مافكينا المفتاح الحمد للة هتلاقى مسمار تحت المفتاح ومسمار تحت الهواية فكهم
نفس الكلام تحت الهوايتين اللى فى النص
6-بعد ماتشيل الوشين دول هتلاقى جوة مسامير لوحة العدادات فكهم وبالراحة اوى وانت بتشدها لبرة وحاول تهزها يمين وشمال بالراحة كأنك بتفك سوكيت فى الكمبيوتر لأنها راكبة على سوكيت من ورا ....."السوكيت اهو فى الوش"
7-دة منظر العدادات من ورا والاسود دة هى اللمبات
--ملاحظات ونصائح:
1-بالراحة وانت شغال علشان مفيش حاجة تبوظ (لو بوظت حاجة مليش دعوة)
2-اكشف على كل اللمبات بما فيهم الشاشة وعداد ال كلم , اى لمبة شكلها ميعجبكش "مش لازم تبقى محروقة لو شكلها مش حلو" غيرها على طول علشان مترجعش تعيد الكلام دة كلة تانى
3-متستخسرش فى اللمبات , لمبة مصر لمبة صينى لأ , متجيبش غير osram المانى ودة الاصلى بتاعها وياريت تجيبهم من التوكيل علشان فى لمبات هتدوخ عليهم برة... ممكن هتلاقى لمبة مش باينة فى ايدك و ب 10 جنية وممكن تلاقى نفسك دافع لو عندك لمبات كتير بايظة بس مش مهم هتريح دماغك بعد كدة وهتعيش معاك
مبروك على الانوار الجديدة :embarrassed2:
الصور منقولة من النت مش انا اللى مصورها
1-مفك رفيع (زى مفكات الساعات اصغر مقاس او اللى اكبر منة درجة)
2-مفك صليبة
3-شوية صبر وطولة بال بس شوية كتير
--الطريقة:
1-هتلف الدريكسيون 1\2 لفة يمين هتلاقى تحتة فى علبة الدريكسيون غطا صغير مدور هتشيلة بالراحة بالمفك الصغير هتلاقى تحتة مسمار صليبة فكة ونف الحكاية بردو الناحية التانية ...بعد ماتفك المسمارين هتشيل الغطا دة بالراحة
دى صورة الغطا الصغير اهو
ودة المنظر بعد ماتشيل الغطا
هتلاقى فى مسمارين فى الوش يمين وشمال تحت لوحة العدادات فكهم بالمرة
2-هنفك الهوايات اللى فى التابلوة واحد قدامك والاتنين اللى فى النص ودة بالمفك الرفيع من الطرف بالراحة ..وانت بتحرك بالمفك شد لبرة بالراحة
3-لو لسة عندك صبر وطول بال ادخل بقى على مفتاح النور , لو مفيش اقفل العربية وامشى احسن :) , لأن دة المشكلة فى الموضوع كلة هتفكة بنفس طريقة الهوايات بس محتاج تخشوشن شوية وانت بتفكة بس مش اوى علشان مش يبوظ وترجع تعيط , هو هيتفك بس محتاج هدوء وصبــــــــر
4-
بعد مافكينا المفتاح الحمد للة هتلاقى مسمار تحت المفتاح ومسمار تحت الهواية فكهم
نفس الكلام تحت الهوايتين اللى فى النص
6-بعد ماتشيل الوشين دول هتلاقى جوة مسامير لوحة العدادات فكهم وبالراحة اوى وانت بتشدها لبرة وحاول تهزها يمين وشمال بالراحة كأنك بتفك سوكيت فى الكمبيوتر لأنها راكبة على سوكيت من ورا ....."السوكيت اهو فى الوش"
7-دة منظر العدادات من ورا والاسود دة هى اللمبات
--ملاحظات ونصائح:
1-بالراحة وانت شغال علشان مفيش حاجة تبوظ (لو بوظت حاجة مليش دعوة)
2-اكشف على كل اللمبات بما فيهم الشاشة وعداد ال كلم , اى لمبة شكلها ميعجبكش "مش لازم تبقى محروقة لو شكلها مش حلو" غيرها على طول علشان مترجعش تعيد الكلام دة كلة تانى
3-متستخسرش فى اللمبات , لمبة مصر لمبة صينى لأ , متجيبش غير osram المانى ودة الاصلى بتاعها وياريت تجيبهم من التوكيل علشان فى لمبات هتدوخ عليهم برة... ممكن هتلاقى لمبة مش باينة فى ايدك و ب 10 جنية وممكن تلاقى نفسك دافع لو عندك لمبات كتير بايظة بس مش مهم هتريح دماغك بعد كدة وهتعيش معاك
مبروك على الانوار الجديدة :embarrassed2:
الصور منقولة من النت مش انا اللى مصورها
Comment