تفاصيل ابيزا 2009

[mohamed ibiza]

ابيزا 2009 التي تم طرحها من قبل شركة سيات الاسبانية و الواجهة الرياضية لمجموعة فولكس فاجن الالمانية في معرض مدريد يوم 22-5-2008 و تم طرح السيارة ابيزا 2009 حتي الان بأربع محركات ثلاث محركات بنزين و محرك ديزل و لكن ما هي التطورات التي وعدت بها سيات في موديلات 2008...سيات قدمت وعدا لمحبيها و مالكيها بالتطور و الاداء العالي و اقصي درجات الامان و التكنولوجيا فماذا قدمت في موديل ابيزا 2009؟؟؟؟؟؟؟؟؟؟؟؟؟؟؟؟؟


التصميم الخارجي:
التطور و التحديث يفتح افاقا جديدة لتصميم ابيزا 2009 و هذا التصميم ينبع من لغة جديدة لسيات في تصميم سياراتها.السيارة تبرز الطابع الرياضي و تلجأ سيات في التصميم الي اكثر بساطة و هندسية محددة الخطوط التي تخلق التوازن و الاستمرارية و الجمال.

هناك عنصر جديد في تصميم الابيزا يبرز الطابع الرياضي للسيارة فالخط الحاد الذي يرتفع عند الكتف الخلفي او الرفرف الخلفي فوق الاطار الخلفي يضفي المزيد من الانسيابية للتصميم الخلفي للسيارة.

التصميم الديناميكي الذي يبرز شخصية سيات في التصميم الجديد يعطي الابيزا افضلية في التصميم مقارنة بباقي الموديلات.
الخط التصميمي الذي يبدأ في مؤخرة السيارة و عند الكشافات الخلفية و قال عنه luc donkerwolke "هذا الخط الجديد مختلف و يضفي المزيد من التوازن علي مؤخرة السيارة.
و علاوة علي ذلك,شظهر و بوضوح التصميم الرياضي الذي يتطلع له الشباب في ابيزا 2009 و يتأكد هذا عندما يجد الناظر الي السيارة المرايات الجانبية تحت قاعدة النوافذ و و تصميم مصد الصدمات(الاكصدام)الرياضي الذي يمنع دخول كمية كبيرة من الهواء اسفل السيارة و ذلك يعد من الامور التي تدعم ثباتها علي الطرقات و الظروف الجوية الصعبة.

التصميم الداخلي:
الفلسفة الجديدة التي نجد اثارها في التصميم الداخلي وجهت بالكامل ناحية السائق لاضفاء جو رياضي ليتصل بالتصميم الخارجي الرياضي للسيارة في نفس الوقت.
الابعاد الداخلية التي نفذتها سيات في هذة السيارة تعد عملية و متسعة بصورة اكبر من الموديلات السابقة و الشيء الاول الذي يلفت الانتباه هو وضعية القيادة الرياضية التي تم خفضها 22مم مقارنة بالموديل السابق الذي مازال هو الموديل الحالي عندنا:(.الان هناك مسافة 986مم(20مم زيادة) في السقف بالنسبة للسائق و الراكب الامامي,و هناك 60مم(16مم زيادة) من الرأس الي المساحة التي يلتقي فيها الابواب و السقف.
و السيارة تعد اطول من سابقتها ب 99مم و حجم مساحة التحميل الخلفية(الشنطة)292 لتر(25 لتر زيادة عن الموديل 2006).
التصميم الجديد ايضا تمثل في التابلوه الرياضي.بعض المناطق في التابلوه لينة و ناعمة الملمس.
الكونصول الموجود في المنتصف يحتوي علي ازار التكييف-الانوار-فتح و غلق الابواب-تشغيل و ايقاف نظام الثبات الالكتروني esp-ضغط الاطارات-تدفئة الكراسي-انذار موجود ليوضح اذا كانت الوسادة الهوائية الخاصة بالراكب تعمل ام هناك عطل بها.

اوبشنز الابيزا 2009:
تحتوي الابيزا 2009 علي عدة انظمة و اوبشنز حديثة و هي:
1-مدخل usb و يمكن توصيل بها ipod-mp3-data storage devices.
يمكن التحكم في ال ipod من ازار التحكم الجديدة الخاصة بالراديو في عجلة القيادة التي تحتوي علي:
1-زر للتحكم في الصوت
2-الباحث عن القنوات
3-audio cd mp3 و جهاز التحكم الخارجي
4-امكانية الوصول المباشر الي القائمة بالتالي يمكن التحكم في (الاجهزة الخارجية-الملفات-الهاتف-الراديو-cd-mp3)

جسم الابيزا:
جسم الابيزا الخارجي body تم استخدام بعض المواد في تصنيع هذا الجسم الخاص بالسيارة.
تم تخفيض وزن السيارة بنسبة 5% اي 47 كيلو و الجسم الخارجي مكون من 60% من الفولاذ عالي المقاومة (اكثر بنسبة 5% من الموديل السابق ).
95% من من الابيزا 2009 يمكن اعادة تصنيعة.

السقف البانوراما:
تم تزويد ابيزا 2009 بسقف بانوراما و هو اكبر بنسبة 130% من الابيزا 2006 و تم وضع اطار من الصلب حول الزجاج و ابعاد السقف البانوراما في هذا الموديل تسمح بدخول نسبة اكثر من الضوء تصل الي 78%.و السقف البانوراما له زر للتحكم به في التابلوه و يمكن التحكم يدويا ايضا لتقليل نسبة الضوء التي تخترق سقف السيارة الزجاجي.

التفاصيل الميكانيكية:1-الشاسيه.
هناك 4 عوامل التي اثرت بطريقة مباشرة علي الطابع الرياضي للابيزا 2009.
1-المسارات علي نطاق اوسع
2-زيادة المسافة بين المحاور
3-عجلات ذات قطر اكبر
التحسن الكبير الذي طرا علي مرونة الهيكل او الشاسيه و هذا يؤثر علي جميع العناصر و النظم للسيارة مثل التوجيه و التعليق و المكابح.
تم تزويد الموديل ابيزا 2009 بنظام الثبات الالكتروني esp و كان هذا النظام غير متوفر الا في السيارة ibiza cupra 2.0 litres و نظام tcs traction control

tcs:
نظام يسيطر علي المحرك لمنع الاطارات من الانزلاق علي الاسطح الزلقة.
eba:
هذا النظام الرائع الذي يعمل علي تزويد قوة الكبح في المواقف الصعبة مع الاستفادة بكامل الطاقة في هذه المواقف.
اطارت الابيزا 2009:
185\60 جانط 15-215\45 جانط 16-215\40 جانط 17.

4 محركات للابيزا و الحفاظ علي البيئة:
حتي الان تم تقديم الابيزا 2009 ب 4 محركات ثلاثة محركات بنزين و محرك ديزا و سوف نستعرضهم معا:

المحرك الاول:
المحرك الاول يعمل بالبنزين سعته 1200 سي سي 3 سلندر 8 صبابات و 4 صبابات لكل سلندر و قدرة حصانية تقدر ب 70 حصان و عزم 112 نيوتن\متر @3000 لفة\الدقيقة.
استهلاك الوقود لهذا المحرك:5.9 لتر\100كم
-139كج حجم الCo2 الذي ينتج عن احتراق البنزين.

المحرك الثاني:
المحرك المتوسط سعته 1400 سي سي 4 سلندر 16 صباب بتقنية سحب mpi ة تبلغ قدرتة الحصانية 85 حصان و اقصي عزم 132 نيوتن@3800لفة\الدقيقة
استهلاك الوقود لهذا المحرك:6,2 لتر لكل 100كم
-149كج حجم ال co2 الناتج عن احتراق الوقود في هذا المحرك.

المحرك الثالث:
1600 سي سي 4 سلندر 16 صباب تبلغ قدرتة الحصانية 105 حصان و يبلغ اقصي عزم 153 نيوتن و يتم تحقيقة كاملا عند 3800 لفة\الدقيقة و هذا المحرك يعتبر الاعلي اداء و الاكثر قوة بين المحركات البنزين المزودة بها ابيزا 2009.
استهلاك الوقود لهذا المحرك:6,6 لتر لكل 100كم
-157كج حجم ال co2 الناتج عن احتراق البنزين في هذا المحرك.

المحرك الرابع:
محرك ديزل تبلغ سعته 1900 سي سي مزود بشاحن تربو تبلغ قدرته الحصانية 105 حصان و عزم 240 نيوتن و يتم تحقيق العزم كاملا عند 1900 لفة\الدقيقة
استهلاك الوقود لهذا المحرك:4,5 لتر لكل 100كم
-119كج حجم ال co2 الناتج عن احتراق السولار بهذا المحرك.

المحرك الاول:
1200 سي سي 70 حصان 112 نيوتن عزم:
السرعة القصوي 163كم\الساعة.
تسارع من 0-100: 15 ثانية.

المحرك الثاني:
1400 سي سي 85 حصان 132 نيوتن عزم:
السرعة القصوي:175كم\الساعة.
تسارع من 0-100: 12,2 ثانية

المحرك الثالث:
1600 سي سي 105 حصان 153 نيوتن عزم:
السرعة القصوي:190كم\الساعة تقريبا
تسارع من 0-100: 10,5 ثانية

المحرك الرابع:
1900 تربو ديزل 105 حصان 240 نيوتن عزم:
السرعة القصوي:186كم\الساعة
تسارع من 0-100: 10,6 ثانية
.................................................. ....................
اتمني الافادة للجميع و يا رب الموضوع يعجب كل محبي سيات

[Ahmed Anwer]

تسلم الأيادي ،، مشكور

يا ريت متنساش مع اول ظهور من النسخة السيدان زي الكوردوبا تجيبلنا صورها

و طبعا تعرفنا امتي هتنزل مصر و بأي مواصفات ،، و بسعر كام

معلهشي طلبات كتيرة

[grumby78]

كلام جمييييييييييييييييييل يامايسترووووووو . وانا سمعت كلام من ناس في التوكيل بيقولو انها حتعدي ال 120000 جنيه ...

[mohamed ibiza]

تسلم الأيادي ،، مشكور

يا ريت متنساش مع اول ظهور من النسخة السيدان زي الكوردوبا تجيبلنا صورها

و طبعا تعرفنا امتي هتنزل مصر و بأي مواصفات ،، و بسعر كام

معلهشي طلبات كتيرة

اطلب زي ما تطلب ولا يهمك:) ان شاء الله هتابع و اول ما تظهر اي حاجن جديدة هجيبها و الزملاء برضه بيقوموا بالواجب اهم حاجة الموضوع يكون عجبك:)

[mohamed ibiza]

كلام جمييييييييييييييييييل يامايسترووووووو . وانا سمعت كلام من ناس في التوكيل بيقولو انها حتعدي ال 120000 جنيه ...

grumby باشا الابيزاوي الكبير 94 معايا شرف لياه انك تشوف موضوعي يا مان و يا ريت لمات تلاوح التوكيل تسألهم كده هيونزلوها 1400 سي سي ولا 1600 سي سي

[Ahmed Anwer]

موضوع تحفة يا محمد ،،

كلام جمييييييييييييييييييل يامايسترووووووو . وانا سمعت كلام من ناس في التوكيل بيقولو انها حتعدي ال 120000 جنيه ...

أوففف ،،

اوه ده خبر مش كويس ،، دي كان جمالها انها ارخص عربية تبع مجموعة فولكس فاجن ،،

و الوحيدة تحت 100 الف

بس شكلها هترسي علي كده لأن اختها الفابيا الشكل الجديد ،، أغلي من كده كمان ،،

شكل اليورو هيقفل الباب علي عودة السيارات الأوربية لعرشها القديم

[mohamed ibiza]

بس لو 1600 سي سي يا احمد 120 الف هيبقي حلو اوي مش هتبقي غاية انما لو 1400 هيبقي over ولا ايه؟؟؟؟؟؟؟؟؟؟

[kalmah]

ya gamd eh el 7alwa de :D

[crazylambada]

اولا احب اشكرك على رسالتك الجميلة دي يا محمد ربنا يخليك يا رب
بالنسبة الموضوع الموضوع تحفة و شامل كل حاجة عن العربية بسم الله ما شاء الله
و ملاحظاتي في الموضوع التحفة ده الاتي
1- توكيل سيات في مصر دايما بينزل العربيات بكماليتها
و طبعا بالنسبة للكماليات دي فاعتقد انه مش حينزل اكتر من1200 سي سي
علشان السعر ما يبقاش عالي و يقدر ينافس بجدارة
2- ملاحظ ان كماليات كتيرة جدا موجودة في الليون الحالية
و موضوع الازرار اللي موجودة في الكونسول زي فكرة الليون بالظبط
ناقص الكراسي و الموضوع تحفة
3-فكرة ان سيات تنزل الابيزا بموتور 1600 سي سي شايفها مش مظبوضة
لانها كده بتخش مع الليون و خصوصا ان الليون رياضي مش عائلي يعني
فكده يبقى عندها الالتيا و الليون و الابيزا
يعني انا اجيب ليون احسن من الابيزا خصوصا ان الاتنين رياضيين و الليون واخدة شهره اكبر
4-يارب العربية ديه تنزل مصر كده بكل اللي فيها وواضح ان فيه اهتمام اعلامي بيها جامد اوي و اعتقد نزولها مصر بفئة1200 سي سي ممكن يخليها في رينج اواخر التمانينات
علشان الجمارك
و بامانة التوكيل لو مستغلش الفرصة ديه و ينضف و يعمل دعاية كويسة اوي و يحط منها في العرض فيالجامعات الخاصة
حيبقى غبي و حيخسر كتير

موضوع جامد يا حبي و عقبال ما نشوفها موجودة في مصر المحروسة
بس انا دلوقتي حسالك سؤال يا محمد
هل انتا لسه عاوز تجيب باذن الله الليون و لا الابيزا موديل 2009
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

[mohamed ibiza]

اولا احب اشكرك على رسالتك الجميلة دي يا محمد ربنا يخليك يا رب
بالنسبة الموضوع الموضوع تحفة و شامل كل حاجة عن العربية بسم الله ما شاء الله
و ملاحظاتي في الموضوع التحفة ده الاتي
1- توكيل سيات في مصر دايما بينزل العربيات بكماليتها
و طبعا بالنسبة للكماليات دي فاعتقد انه مش حينزل اكتر من1200 سي سي
علشان السعر ما يبقاش عالي و يقدر ينافس بجدارة
2- ملاحظ ان كماليات كتيرة جدا موجودة في الليون الحالية
و موضوع الازرار اللي موجودة في الكونسول زي فكرة الليون بالظبط
ناقص الكراسي و الموضوع تحفة
3-فكرة ان سيات تنزل الابيزا بموتور 1600 سي سي شايفها مش مظبوضة
لانها كده بتخش مع الليون و خصوصا ان الليون رياضي مش عائلي يعني
فكده يبقى عندها الالتيا و الليون و الابيزا
يعني انا اجيب ليون احسن من الابيزا خصوصا ان الاتنين رياضيين و الليون واخدة شهره اكبر
4-يارب العربية ديه تنزل مصر كده بكل اللي فيها وواضح ان فيه اهتمام اعلامي بيها جامد اوي و اعتقد نزولها مصر بفئة1200 سي سي ممكن يخليها في رينج اواخر التمانينات
علشان الجمارك
و بامانة التوكيل لو مستغلش الفرصة ديه و ينضف و يعمل دعاية كويسة اوي و يحط منها في العرض فيالجامعات الخاصة
حيبقى غبي و حيخسر كتير

موضوع جامد يا حبي و عقبال ما نشوفها موجودة في مصر المحروسة
بس انا دلوقتي حسالك سؤال يا محمد
هل انتا لسه عاوز تجيب باذن الله الليون و لا الابيزا موديل 2009
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

شكرا يا باشا علي تشريفك الموضوع اتمني يكون عجبك:) و بصراحة انا متضامن معاك في كل اللي قلته لو نزلت 1200 سي سي اولا استهلاك بنزين قليل في ظل ارتفاع اسعار البنزين في نفس الوقت 70 حصان انجكشن العربية علي الحجم ده سحبها هيبقي حلو انا في واحد صاحبي في انجلترا جرب ابيزا 2006 1200 سي سي بيقولي جامدة جدا جدا جدا و جراية و بصراحة الكماليات الرهيبة اللي فيها كفيلة انها تعلي سعرها و لو نزات 1600 هتخرج الابيزا من المنافسة في فئة ميني و هتدخل فئة تانية و هتنافس ال307 و الليون و الجولف و الفوكس هاتشباك و الاسترا هتبقي فوق فئة الجراند بونتو و البونتو و الكورسا و 1600 علي حجم الابيزا كفيل انه يخليها طلقة و 105 حصان هتفرتك عربيات كتير بس برضه لو نزلت 1200 الناس هتقول بقي 1400 بعدها 1200 الموضوع برضه في كلام اما لو نزلت 1600 الابيزا كده هتبقي عدت خلاص و اخترقت الحواجز يعني لو بقت ب 120 الف و 1600 و الكماليات الغريبة دي كلها كل اللي رايح لجولف و ليون و 307 و فوكاس هاتشباك و استرا هيسيبهم و يروح للابيزا الماني و 1600 و كماليات جامدة و سعر حنين ولا ايه؟؟؟؟؟؟

اما بالنسبة لسؤالك فأنا زي ما توقيعي بيقول ibiza for ever و ان شاء الله هجيبها يعني هجيبها شولء الموديل ده او اللي بعده بس برضه هجيب الليون لانها من ريحة الجولف و انا بعشق تصميم الليون طماع انا:)هههه