صور للادا جامدة جداً

[galallada2105]

ده موقع هيعجبكوا لتعديلات السيارة لادا موديلات مختلفة واكيد هيعجبكوا وشكراً

http://www.avtomobilizem.com/forum/viewtopic.php?p=1007688&sid=db5cc92f612fb26b32a3d5c3fc3a99bb

[mohamed2002]

شكرا علي الصور يا استاذ جلال

[yasoxp]

الف شكر على الصور بصراحه جمدة جدا

[galallada2105]

lada lover

لاشكر على واجب وانتظروا مشاركات اخرى

[LUX]

شكرا جدا عي الصور الجامدة اوي دي

بس انا عندي إستفسار

هل يوجد ناس عندهم body kitsو إكصدامات زي دي هنا في مصر؟

وهل لو مافيش حد هنا يعرف يعملهم بدرجة ن الاحتراف عالية جدا؟

و اتمني الرد :)
_________

[galallada2105]

العفو يا LUX بالفعل يوجد بمصر عدد لا بأس به من ورش تعديل السيارات بتعمل شغل التنفيخات وتركيب الكساحات والاعتاب وكل شغل الفايبروالتعديل فى البودى واكثر واحد معروف فى المجال ده اسلام مشهور بس مش قادر اوصل لعنوانه وفى ورش فى السبتية والحرفيين وانا شفت عربية لادا 2107 روسى مو 2001 تم تركيب كساحات واعتاب وتم عمل تنفيخات وتركيب جنط 14 momo وسبويلر drag اتعملت فى الحرفيين على العموم هادور واقولك بس مؤقتاً ادخل google earth ودور فى منطقة الحرفيين والسبتية ممكن تلاقيه وشكراً
ودي بعض صور تظبيط 2105،2107








































__________________

[mohamed ibiza]

هي الصور حلوة بس برضه لادا ههههه الف شكر علي اللينكات و الصور

[galallada2105]

اشكرك يا استاذ محمد وعلى فكرة انا عدى عربيتين لادا2105 ،2107 (اتعودت عليها خلاص)ومقتنع بيها جداً قوية واصيلة وسعرها كويس صيانتها سهلة وكمالياتها مناسبة

[LUX]

شكرا ياgalallada2105 علي ردك. :)

يعني في ناس هنا بجد بيعملوا شغل حلو اوي زي ده كده؟

يعني شغل فايبر جلاس من بره و من جوه للصبات و السماعات زي كده؟


ودي كمان

ولو في الكلام ده ممكن تقولنا معلش يتعمل منين و بكام؟ اصلي انا عاوز اعمل ساوند سيستم محترم و يكون شكله حلو زي الازرق اللي في الصورة ده :)
مع العلم ان العربية هاتش باك يعني لازم الشغل يبقي مظبوط اوي
ثانيا انا بادور كمان علي عتب و إكصدامات خلفية و امامية للادا 2110
وعايزهم زي اللي في الصور دول...افكارهم تكون مجنونة شوية زييهم..

فلو الكام ده توفر في مصر و اللهي يبقي لك الحلاوة :))
و شكرا علي الرد و آسف للاطالة
____--

[P407]

اية الجمااااااااااااااااااااااااااااال دة بجد نفسى يبقى معايا عربية من دول بالذات السمارا الحمرا

[zakiali]

والله لو عملتم فيها ايه !

[galallada2105]

اسف على الرد المتاخر الروتر عندى كان فيه مشكلة اشكركم على المشاركة والرد وانا هاسال عن تكلفة الحاجات دى وهاقولك يا lux ولكم خالص شكرى وعلى فكرة انا من السويس

[galallada2105]

اسف على التاخير الـ link كان فيه مشكلة وانا كنت حاسس ان فيه حاجة ناقصة اكيد بالفعل الزملاء المحترمين فى الـ room وعموما اشكر الجميع على المشاركة واما بالنسبة لـ lux فانا هسال على الحاجات دى تكلف كام عند اشهر واحد عندنا فى السويس فى المجال ده hamada conter tuning cars وما اعتقدش الاسعار هتفرق عن القاهرة كتير او الاسكندرية وانتظر الرد ولكم خالص شكرىi'am back

[galallada2105]

مش عارف ليه بعض الزملاء متحاملين على اللادا العربية دى لفئة معينة بتدور على قوة التحمل العملية فى الاستخدام سهولة الصيانة انخفاض مصاريف الصيانة (مش بخل والله ) معظم الناس اللى عندهم اللادا جايبنها بجانب سيارة اخرى حديثة ولكن الحديث مش هايستحمل الخدمة الشاقة اخوى بيشتغل مهندس فى المحاجر راح بعربيته الدايو بقت حالة العفشة تعبانة جدأ بعد 6 مشاوير وكلفته قد كده بس وبعد كده اخذ منى اللادا ورايح جاى بيها ومعمليتش معاه حاجة العربية دى مظلومة دايما ياجماعة انا عندى الـ 2105 مو 92 مع الوقت كنت بحافظ عليها ولما بغير حاجة سواء عفشة (على فكرة كنت بشحم وغسل العفشة كل شهر) كنت بغير بانواع احسن سواء ايطالى او المانى وضبط المحرك عندى مش محتاج غير طقم شنبر بعد 16 سنة وان محافظ على حاجاتها الفابريقة زى ما هيه انا شايف انها العربية رقم 1 للطرق المصرية وعموماً الجديد 2107 فيه كل حاجة (باور - تكييف - سنتر - كاسيت ) وسحبها حلو جداً بس طرقنا لاتسمح باكثر من 100 ك/س (وعلى فكرة عندى 2107 ) ومعظم الشكاوى من اللادا مثل ثقل الدركسيون فى القديم بس وليها تعديل بيريح شوية والجديد لأ لكن غير كده عيوب بسبب عدم الانتظام فى الصيانة والاتكال على انها عربية مصفحة حتى الدبابة لو معملتلهاش صيانة تخرب ارجو الموضوعية وشكراً

[LUX]

اسف على التاخير الـ link كان فيه مشكلة وانا كنت حاسس ان فيه حاجة ناقصة اكيد بالفعل الزملاء المحترمين فى الـ room وعموما اشكر الجميع على المشاركة واما بالنسبة لـ lux فانا هسال على الحاجات دى تكلف كام عند اشهر واحد عندنا فى السويس فى المجال ده hamada conter tuning cars وما اعتقدش الاسعار هتفرق عن القاهرة كتير او الاسكندرية وانتظر الرد ولكم خالص شكرىi'am back

شكرا جدا يا galallada 2105علي إهتمامك بجد مش عارف اقولك ايه
خد راحتك اوي في الرد :)
و شكرا تاني علي إهتمامك
وانا فعلا مش لاقي ان التصرف ده غريب هنا في منتدي محترم و أعضاؤه اكتر ن محترمين و اخوة. :)
_