عمرة ماتور للبيتلز تتكلف كام

**ahit** · 14-06-2008 02:10 AM

الأعضاء الكرام
السلام عليكم و رحمة الله و بركاته
لو سمحتم ممكن أعرف عمرة الماتور 1300 تتكلف كام و نصف العمرة تتكلف كام و ما هو الفرق بينهم؟
عربيتى بيتلز 1302 سنه 72 ألمانى
شكرا لمحبى البيتلز الكرام :boxing_smiley:

**hossam2222** · 03-02-2009 02:44 PM

فى مكانيكى شاطر جدا اسمه احمد عبد الحميد (حلاوة) ده فى شارع الشركات فى الزوايه خلف المطافى وده شاطرجدا غالى وشغال فى الشركه الفولكس وعنده ضمير واسعاره فى المصنعيه كويسه جدا .........

**hossam2222** · 03-02-2009 02:50 PM

فى مكانيكى شاطر جدا اسمه احمد عبد الحميد (حلاوة) ده فى شارع الشركات فى الزوايه خلف المطافى وده شاطر جدا وصنيعيه وشغال فى الشركه الفولكس وعنده ضمير واسعاره فى المصنعيه كويسه جدا0101736043 .........

**ahit** · 05-02-2009 02:14 AM

المشاركة الأصلية كتبت بواسطة hossam2222

فى مكانيكى شاطر جدا اسمه احمد عبد الحميد (حلاوة) ده فى شارع الشركات فى الزوايه خلف المطافى وده شاطر جدا وصنيعيه وشغال فى الشركه الفولكس وعنده ضمير واسعاره فى المصنعيه كويسه جدا0101736043 .........

السلام عليكم و رحمة الله و بركاته

جزاك الله خيراً يا أستاذ/ حسام

الحقيقة إن الموضوع دا قديم جداً و مفيش حد رد من ساعة ما الموضوع إتعمل.
بصراحة أنا كنت بسأل الأول عشان آخد فكرة عن أسعار العمرة و نصف العمرة الخاصة بالبيتل عشان كنت شارى العربية من فترة قريبة من كتابة الموضوع , لكن الحمد لله حالياً إتعرفت على ميكانيكية و صنايعية بيتل كتير .

و حالياً أنا هاعمل عمرة للماتور ( سبيكة و طقم شنبر ) إن شاء الله لأن الماتور عندى بقى خشن و بسمع خبط لما بدوس دبرياج و غالبية الميكانيكية قالولى العيب فى الكرسى الخلفى أو السبيكة و طالما الماتور إتفتح يبقى لازم طقم شنبر.
و إن شاء الله ربنا وفقنى إنى أعملها عند الأسطى جمال عبده فرج اللى فى عمارات الفسطاط بمصر القديمة.
ناس كتير بتشكر فيه و هو مشهور بالأمانة و التميز و الصدق و أنا بصراحة كنت روحتلو فى رمضان اللى فات و مارداش يشتغلنى و قالى حرام نغير طقم كهربا و أعمل عليك شغل على الفاضى و قالى براحة على العربية لغاية لما ربنا يكرمك و تقدر تعمل عمرة السبيكة و كمان الأستاذ/ أيمن فتحى رشحهولنا و بيشكر فيه جدا و ربنا يقدم اللى فيه الخير.
و إن شاء الله هاحكيلكو تجربتى مع الأسطى جمال عبده ميكانيكى البيتل (0124904907) بس إدعولى المسألة تكون سبيكة و شمبر بس و العربية ما تفتحش بقها معايا

**El.Hossieny** · 05-02-2009 08:35 AM

إدعولى المسألة تكون سبيكة و شمبر بس و العربية ما تفتحش بقها معايا

ان شاء الله خير يا ابو حميييد .. و تطلع حاجة صغيرة و متفتحش بقها

**ihab** · 05-02-2009 08:57 AM

ربنا يكرمك ان شاء الله يا احمد و ابقى طمنا عملت ايه

**ابوهاشم** · 05-02-2009 11:27 AM

كلنا منتظرين نعرف اخر الاخبار والتفاصيل الكامله لكل حاجه عملتها
والاسعار وربنا يوفقك وماتفتحش معاك
ونتمنى نسمع خير عن الاسطى جمال
انا كمان ان شاء الله بعد كده هروحله ولو فعلا كويس هتعامل معاه على طول

**ahit** · 05-02-2009 02:06 PM

المشاركة الأصلية كتبت بواسطة El.Hossieny

ان شاء الله خير يا ابو حميييد .. و تطلع حاجة صغيرة و متفتحش بقها

دعواتك معايا يا حسينى باشا و ربنا يسترها و تكون النتيجة كويسة إن شاء الله

ربنا يكرمك ان شاء الله يا احمد و ابقى طمنا عملت ايه

شكرا على إهتمامك و مساعدتك يا إيهاب باشا و ربنا يجازيك خير

كلنا منتظرين نعرف اخر الاخبار والتفاصيل الكامله لكل حاجه عملتها
والاسعار وربنا يوفقك وماتفتحش معاك
ونتمنى نسمع خير عن الاسطى جمال
انا كمان ان شاء الله بعد كده هروحله ولو فعلا كويس هتعامل معاه على طول

شكراً على مشاركتك يا هاشم باشا
و نتمنى من الله إنو يكون ميكانيكى ممتاز زى ما سمعنا عنو

و إن شاء الله هاقولوكو النتائج أول بأول طبعاً
أنا هاوديلو بطيطى المستريحة ( عربيتى يعنى ) هههههه

النهاردة إن شاء الله بس هاطلب منو يديها بينج عشان ماتحسش بفتح الماتور

**ihab** · 05-02-2009 02:08 PM

على العموم لو احتجت تعمل اى مشوار او تشترى اى قطع غيار انا فى الخدمة باذن الله

**ahit** · 05-02-2009 02:45 PM

المشاركة الأصلية كتبت بواسطة ihab

على العموم لو احتجت تعمل اى مشوار او تشترى اى قطع غيار انا فى الخدمة باذن الله

و الله يا إيهاب باشا حضرتك راجل فى منتهى الإحترام و الزوق و التعاون , و أتمنى من الله أن نراك قريباً على خير لزيادة المعرفة و المحبة الخالصة لوجه الله تعالى.
جزاك الله كل خير و بارك لك فى أولادك
آمين

الموضوع: عمرة ماتور للبيتلز تتكلف كام

LinkBack

أدوات الموضوع

عرض

-

-

-

-

-

-

المواضيع المتشابهه

عمرة مكنة فورد أسكورت ١٣٠٠ موديل ٩٩ تتكلف كام؟؟

عمرة موتور 304 تتكلف كام

عمرة 127 تتكلف كام

عايز اعرف عمرة كاملة لمتور 128 1300 cc تتكلف كام بالتفصيل

عمرة الشاريد 1990 تتكلف كام تقريبا

الكلمات الدلالية لهذا الموضوع

المفضلات

المفضلات

ضوابط المشاركة