Tweet
حاجة من الحاجات إلي سمعناها برضه كتييير عن الميجان : الهاتشباك أحسن من السيدان ، اوعى تشتري السيدان دي زفت ، ليه بس يا ولاد الحلال ؟ .. قالك عشان تركي
ما تيجو نتكلم كدة على منظومة التصنيع و التجميع عشان نفهم المشكلة فين مع بعض
التصنيع :
العربية عبارة عن إيه : موتور و شاسيه و جسم خارجي و شوية أنظمة كتير (تكيف ، فرامل، نظم تعليق و عفشة ، نظام إضاءة ، نظام تبريد ، نظام مساحات و غيرها كتير )
واحدة واحدة كدة نشوف مين بيعمل إيه في عربية زي الميجان تصميم الشاسيه د الاساس بتاع العربية و دة إلي بيحدد موديل و شكل و فئة العربية و بالتالي إلي بيعمله هو المالك بتاع العربية (ال-OEM ) و في حالتنا دي طبعاً هي رينو نفسها ، يعني هنلاقي رينو عندها شاسيه فئة متوسطة مواصفات كذا كذا تستعمل في الميجان و ممكن في نيسان صني (ما هما شركة واحدة في الاخر ) و ممكن كمان موديل أو اتنين كمان من إنتاج الشركتين
الموتور بتصنعه برضه الشركة نفسها ،يعني مثلاً رينو تعمل موتور ١٦٠٠ و واحد ٢٠٠٠ و واحد ٢٤٠٠ و موتورين ديزل و واحد ١٤٠٠ توربو و تستعملهم في كل عربياتها و عربيات نيسان و ممكن تكون محتاجة موتور ٣٠٠٠ في موديل من موديلاتها تقوم وخداه من مواتير نيسان محنا قلنا شركة واحدة و ممكن تجيب من شركة تانية خالص من خلال شراكة ولا تشتريه حتى عشان ينزل في موديل معين ،
المهم إن الشركة هي إلي بتصنع الموتور أما نظام التحكم بتاع الموتور دة مش لعبتها ، د بقى بتجيب شركة تانية متخصصة في الالكترونيات تعمله ليها زي bosch أو marelli أو Sagem أو MSD أو أي حد زيهم ، بس طبعاً بناءً على مواصفات بتحطها الشركة المالكة للموتور عشان يناسب العربيات إلي هي عايزة تحط فيها الموتور (في حالتنا دي اللي عملة النظام بتاع الميجان ال-١٦٠٠ هي Sagem )
نيجي لجسم العربية ، و دة بقى أهم جزء لازم يكون بتاع الشركة نفسها لأن هو دة إلي بيحدد هوية كل شركة و كل موديل ، و أحياناً بيجيبو فنانين مخصوص يعملوا التصميم دة أو شركات فنية تصمم الموديل لحسابهم
غير كدة بقى بقية الأنظمة إلي في العربية بتعملها شركات متخصصة في كل مجال ، يعني شركة تعمل التكيف بتاع الميجان ، و شركة تعمل الفرامل (في حالتنا دي TRW ) و شركة تعمل نظام التوجيه الدركسيون والبور (هنا برضه TRW) ، و شركة تعمل نظام التبريد (في الحالة دي Valeo ) ، و شركة تعمل نظام الأمان وال مفاتيح و ال-immobilizer ( هنا Siemens ) ، نظام الإضاءة و الفوانيس (Valeo) ، و هكذا و هكذا
حلو الكلام لحد كدة ؟ قولوا حلو :)
بعد كدة بقى تيجي كل الشركات دي تبعت الحاجات الخاصة بالموديل دة لمكان التجميع إلي تحدده رينو (مصنع تجميع تبع رينو في أي مكان ) عشان يتجمع مع بعض و تطلع العربية ، يعني لو المكان د في فرنسا يبقى رينو هتبعات الشاسيهات على هناك و TRW هتبعات من أمريكا على هناك (أو من أقرب مكان تصنيع مش شرط من أمريكا لو عندها حاجة أقرب لمكان التجميع المهم إن في الاخر TRW ) و Siemens تبعت من ألمانيا على فرنسا و كدة يعني .
و بعد كل دة تاخد رينو العربية دي و تبيعها في كل حتة أو تصدرها و تتباع برة فرنسا
طيب منظومة التجميع بقى فين دورها ؟؟؟؟
ألم تكون رينو بتعمل مليون عربية ميجان في السنة و منهم ١٠ الاف بيتباعو في اليابان يبئة هتبعثم في مركب و خلصنا ، انما لو بتبيع ٢٥٠ ألف ميجان هناك يبقى تشوف طريقة أسهل تبعت بيها العربيات (و أوفر طبعاً ) ، طب ازاي ؟
تخلي الشركات تبعت الحاجات دي على مكان تجميع أقرب من مكان البيع و هي تبعت إلحتتين بتوعها على هناك كمان (في حجم أصغر كتيير من حجم العربيات الكاملة ) و تتجمع هناك و تتبعت بعد كدة على أماكن البيع دي
دة بالضبط إلي حصل مع تركيا ، بس الميزة كمان إن كل شركة من الشركات الموردة دي ممكن يكون ليها مكان تصنيع قريب من تركيا أو في تركيا نفسها ، يعني مثلاً لو TRW ليها مصنع في تركيا yeb2a هتوفر و تبعت نظام الفرامل والدركسيون من تركيا و Valeo لو ليها مصنع في تركيا ممكن طبعت فوانيس من هناك برضه و هكذا ، و أحيانا بتستبدل الشركة واحد من الموردين بمورد محلي بمعنى انها ممكن مثلاً تجيب الكراسي من مصنع تركي بدل ما تجيب من فرنسا طالما بنفس الجودة و مش هيسوأ سمعة رينو وال كاوتش بدل ما تجيب من Pirelli إيطاليا أو أسبانيا تجيب من تركيا
و بعد كل دة تبعتها لينا هنا أو للدول المجاورة بسعر أرخص ما كنت هتبعات بيه من فرنسا و نفس الجودة طالما نفس الشركات الموردة و نفس المواصفات .
المشكلة بقى تيجي منين ؟ من إن مورد من موردين تركيا زي الرجل بتاع الكراسي دة يسترخص و يعمل حاجة مش ١٠٠ % لأ ٨٠ ٪ بس (يعني زي Mobica كدة في مصر لم بتعمل كراسي غبور اللي بيتجمع هنا اه حلوة بس مش زي الكوري ) ، لكن مش ممكن هتلاقي موتور وحش ولا شاسيه وحش ولا ECUs وحشة لأن كل دول بييجوا من أماكن المصنعين الأصليين
و على هذا الأساس الرينو الميجان السيدان التركي مش وحشة و لكن ممكن تلقي جودة الكراسي أقل حاجة بسيطة من الفرنساوي ، الكوتش أضعف شوية تيل الفرامل يعيش فترة أقصر بلاستيك الفانوس يطوس أسرع ، حاجات كدة يعني لكن مش في الأساسيات نهاااائي
بس دة برضه بيدين ميزة حلوة : إن قطع الغير بتاعة الحاجات دي هتكون أصلي تركي يعني أكيد أرخص من اللي زيها فرنسوي (عشان كدة ممكن نلاقي فانوس أمامي أصلي بتاع ميجان تمنه أصلي أرخص من فانوس بتاع عربية كوري أو ياباني )
يا رب أكون قدرة أوصل معلومة مفيدة للناس كلها ، خصوصاً إن الكلام دة ينطبق على كل السيارات مش بس الميجان و لكن الميجان هي أكتر عربية عانت من الفتوي في الموضوع دة لذا وجب التنويه ، و شكراً
أسف مرة تالتة على الإطالة
ما تيجو نتكلم كدة على منظومة التصنيع و التجميع عشان نفهم المشكلة فين مع بعض
التصنيع :
العربية عبارة عن إيه : موتور و شاسيه و جسم خارجي و شوية أنظمة كتير (تكيف ، فرامل، نظم تعليق و عفشة ، نظام إضاءة ، نظام تبريد ، نظام مساحات و غيرها كتير )
واحدة واحدة كدة نشوف مين بيعمل إيه في عربية زي الميجان تصميم الشاسيه د الاساس بتاع العربية و دة إلي بيحدد موديل و شكل و فئة العربية و بالتالي إلي بيعمله هو المالك بتاع العربية (ال-OEM ) و في حالتنا دي طبعاً هي رينو نفسها ، يعني هنلاقي رينو عندها شاسيه فئة متوسطة مواصفات كذا كذا تستعمل في الميجان و ممكن في نيسان صني (ما هما شركة واحدة في الاخر ) و ممكن كمان موديل أو اتنين كمان من إنتاج الشركتين
الموتور بتصنعه برضه الشركة نفسها ،يعني مثلاً رينو تعمل موتور ١٦٠٠ و واحد ٢٠٠٠ و واحد ٢٤٠٠ و موتورين ديزل و واحد ١٤٠٠ توربو و تستعملهم في كل عربياتها و عربيات نيسان و ممكن تكون محتاجة موتور ٣٠٠٠ في موديل من موديلاتها تقوم وخداه من مواتير نيسان محنا قلنا شركة واحدة و ممكن تجيب من شركة تانية خالص من خلال شراكة ولا تشتريه حتى عشان ينزل في موديل معين ،
المهم إن الشركة هي إلي بتصنع الموتور أما نظام التحكم بتاع الموتور دة مش لعبتها ، د بقى بتجيب شركة تانية متخصصة في الالكترونيات تعمله ليها زي bosch أو marelli أو Sagem أو MSD أو أي حد زيهم ، بس طبعاً بناءً على مواصفات بتحطها الشركة المالكة للموتور عشان يناسب العربيات إلي هي عايزة تحط فيها الموتور (في حالتنا دي اللي عملة النظام بتاع الميجان ال-١٦٠٠ هي Sagem )
نيجي لجسم العربية ، و دة بقى أهم جزء لازم يكون بتاع الشركة نفسها لأن هو دة إلي بيحدد هوية كل شركة و كل موديل ، و أحياناً بيجيبو فنانين مخصوص يعملوا التصميم دة أو شركات فنية تصمم الموديل لحسابهم
غير كدة بقى بقية الأنظمة إلي في العربية بتعملها شركات متخصصة في كل مجال ، يعني شركة تعمل التكيف بتاع الميجان ، و شركة تعمل الفرامل (في حالتنا دي TRW ) و شركة تعمل نظام التوجيه الدركسيون والبور (هنا برضه TRW) ، و شركة تعمل نظام التبريد (في الحالة دي Valeo ) ، و شركة تعمل نظام الأمان وال مفاتيح و ال-immobilizer ( هنا Siemens ) ، نظام الإضاءة و الفوانيس (Valeo) ، و هكذا و هكذا
حلو الكلام لحد كدة ؟ قولوا حلو :)
بعد كدة بقى تيجي كل الشركات دي تبعت الحاجات الخاصة بالموديل دة لمكان التجميع إلي تحدده رينو (مصنع تجميع تبع رينو في أي مكان ) عشان يتجمع مع بعض و تطلع العربية ، يعني لو المكان د في فرنسا يبقى رينو هتبعات الشاسيهات على هناك و TRW هتبعات من أمريكا على هناك (أو من أقرب مكان تصنيع مش شرط من أمريكا لو عندها حاجة أقرب لمكان التجميع المهم إن في الاخر TRW ) و Siemens تبعت من ألمانيا على فرنسا و كدة يعني .
و بعد كل دة تاخد رينو العربية دي و تبيعها في كل حتة أو تصدرها و تتباع برة فرنسا
طيب منظومة التجميع بقى فين دورها ؟؟؟؟
ألم تكون رينو بتعمل مليون عربية ميجان في السنة و منهم ١٠ الاف بيتباعو في اليابان يبئة هتبعثم في مركب و خلصنا ، انما لو بتبيع ٢٥٠ ألف ميجان هناك يبقى تشوف طريقة أسهل تبعت بيها العربيات (و أوفر طبعاً ) ، طب ازاي ؟
تخلي الشركات تبعت الحاجات دي على مكان تجميع أقرب من مكان البيع و هي تبعت إلحتتين بتوعها على هناك كمان (في حجم أصغر كتيير من حجم العربيات الكاملة ) و تتجمع هناك و تتبعت بعد كدة على أماكن البيع دي
دة بالضبط إلي حصل مع تركيا ، بس الميزة كمان إن كل شركة من الشركات الموردة دي ممكن يكون ليها مكان تصنيع قريب من تركيا أو في تركيا نفسها ، يعني مثلاً لو TRW ليها مصنع في تركيا yeb2a هتوفر و تبعت نظام الفرامل والدركسيون من تركيا و Valeo لو ليها مصنع في تركيا ممكن طبعت فوانيس من هناك برضه و هكذا ، و أحيانا بتستبدل الشركة واحد من الموردين بمورد محلي بمعنى انها ممكن مثلاً تجيب الكراسي من مصنع تركي بدل ما تجيب من فرنسا طالما بنفس الجودة و مش هيسوأ سمعة رينو وال كاوتش بدل ما تجيب من Pirelli إيطاليا أو أسبانيا تجيب من تركيا
و بعد كل دة تبعتها لينا هنا أو للدول المجاورة بسعر أرخص ما كنت هتبعات بيه من فرنسا و نفس الجودة طالما نفس الشركات الموردة و نفس المواصفات .
المشكلة بقى تيجي منين ؟ من إن مورد من موردين تركيا زي الرجل بتاع الكراسي دة يسترخص و يعمل حاجة مش ١٠٠ % لأ ٨٠ ٪ بس (يعني زي Mobica كدة في مصر لم بتعمل كراسي غبور اللي بيتجمع هنا اه حلوة بس مش زي الكوري ) ، لكن مش ممكن هتلاقي موتور وحش ولا شاسيه وحش ولا ECUs وحشة لأن كل دول بييجوا من أماكن المصنعين الأصليين
و على هذا الأساس الرينو الميجان السيدان التركي مش وحشة و لكن ممكن تلقي جودة الكراسي أقل حاجة بسيطة من الفرنساوي ، الكوتش أضعف شوية تيل الفرامل يعيش فترة أقصر بلاستيك الفانوس يطوس أسرع ، حاجات كدة يعني لكن مش في الأساسيات نهاااائي
بس دة برضه بيدين ميزة حلوة : إن قطع الغير بتاعة الحاجات دي هتكون أصلي تركي يعني أكيد أرخص من اللي زيها فرنسوي (عشان كدة ممكن نلاقي فانوس أمامي أصلي بتاع ميجان تمنه أصلي أرخص من فانوس بتاع عربية كوري أو ياباني )
يا رب أكون قدرة أوصل معلومة مفيدة للناس كلها ، خصوصاً إن الكلام دة ينطبق على كل السيارات مش بس الميجان و لكن الميجان هي أكتر عربية عانت من الفتوي في الموضوع دة لذا وجب التنويه ، و شكراً
أسف مرة تالتة على الإطالة
Comment