لانسر Ex مميزات و عيوب

[B_SO]

اولا عايز اشكر كل الناس هنا في المنتدى لانهم كانو من احد الاسباب الرئيسية اني اختار عربيتي الجديده و تكون لانسرز
مش هطول عليكم حابب بس اعرض لكم اهم مميزات و عيوب لانسر EX الجديده بعد طول لف على المعارض و بعد قيادة اسبوعين ليها:

1-العربيه ناعمه جدا و لكن مش نفس نعومة الكرولا
2-السحب ممتاز و في رايي افضل من ال 1600 اللي قبلها
3-الوسع اخر حاجه في فئتها
4-الثبات ممتاز لحد 160 و بصراحه مزودتش عن كده
5-حسيت ان العريه خفيفه شويه لكنها راسيه
6-الكاسيت السماعات في المانيوال زباله و لازم يتعماهم ابجريد
7-احذر الخليجي مفيش فيه ABS or EBD
8-الكومبيوتر شكله شيك و مفيد و ادخال هايل على اللانسر
9-مساحة الحوض الامامي ممتازة و في مسافه حلوه بين الصدام و السدر الامامي
10-الابواب ورق بكل ما تحمله الكلمة من معنى,ما تفكرش تخلي حد يسند عيها
11-الشنطه ضيقة
13-التكييف ياباني و معليهوش كلام

يعني باختصار انا في الاجمال حاسس ان ده افضل اختيار في فئتها لو شلنا الهوندا على جنب, لكن اكترحاجه زعلتني هي الصاج اللي مكنتش متوقع انه ممكن يتعمل في عربيه ياباني.

لو حد عايز يسال على اي حاجه في العربيه يقوا و انا هجاوبو انشاء الله

[samo_1983]

ألف مبروك أخي ,,, بس سؤال صغير
هو انت سحبت فيها دون تليين ؟؟؟

و السيارة بعد مسافة 10000 كيلو هتكون بأقضل حالاتها
و بالنسبة لل Body فلا تخاف فهو مصمم عشان الأمان يعني الضربة تروح بالحديد و لا يوصل شي للمقصورة و هو المهم .

[dr_bassem]

tab ana nawy ageeb el half sport el ayam di w bakaren benha w ben elantra kamla fat7et sa2f w msh 3aref 7ases elantra ashyak men gawabs ba7es el lancer asbat men elantra,ana hageeb el khalegy 3la fekra
el lancer men gawa 7elwa???

[محمد عز]

الف مبروك
بس صوت الموتور عامل ايه
لان لحظت انه عالى شويا على السرعات الواطية اللى اقل من 60
هل نفس الكلام معاك

[tote_ide]

tab ana nawy ageeb el half sport el ayam di w bakaren benha w ben elantra kamla fat7et sa2f w msh 3aref 7ases elantra ashyak men gawabs ba7es el lancer asbat men elantra,ana hageeb el khalegy 3la fekra
el lancer men gawa 7elwa???

2na el7amd lelah gebt elancer el ex elhalf sport w gamda w 25er shyaka men gowa w men bara

[Ramy.Gamal]

3-الوسع اخر حاجه في فئتها

مش فاهم قصدك يعنى اوسع عربيه فى فئتها ولا اضيق عربيه فى فئتها

[Ramy.Gamal]

وبالنسبه للفرامل ما مستواها وكذلك الباور ستيرنج هل افضل من الشكل القديم او اى سياره منافسه وما مدى كفائتهم؟

[tote_ide]

على فكرة عن تجربة حقيقية
الباور والفرامل أفضل بمراحل عن الشكل القديم

[islamaboelnaga]

الباور ياجماعه كهرباء و ناعم جدا و الفرامل قويه اوى

[B_SO]

reply to all

اولا اسف لعدم الرد طول هذه الفترهو الصيف و السفر....
1-انا سحبت بعد صيانة ال 1000
2- مفيش مقارنه بين الالنترا و اللانسر و اللانسر افضل من كل النواحي
3-اوسع صالون في فئتها
4-الباور فعلا انعم من البومه بكتير
5-صوت الموتور فعلا عالي و لما سالت التوكيل قالولي دا مايفيك يعني موتور رياضي و لازم يكون صوته عالي

انا جاهز لاي استفسار

[Ramy.Gamal]

صوت المحرك عالى لانه ميفيك انما لو حضرتك جوه العربيه وقافل الازاز ومشغل التكييف بيبقى فيه اى صوت باين جوه الكابينه سواء صوت المحرك او العربيات الاخرى من كلاكسات او صوت محركاتها ولو صوت المحرك مسموع جوه الكابينه بيبقى فى كل الاوقات ولا مع الكيك داون بس واخبار الصوت فوق 140 لان حضرتك عارف ان البوما صوت محركها فوق 140 مزعج جدا مانيوال واوتوماتيك .وشكرا

[احمد محفوظ]

انا محتار جدا بين لانسر الشكل الجديد و هوندا سيفيك حيث أن الإثنين فى نفس الفئة السعرية تقريبا
و ان الانسر كماليتها أكثر .

[tote_ide]

المشكلة فى الفرق بيم اللانسر والهوندا اللى هيفرقوا معاك
الموتور لان بتاع الهوندا145حصان
الكماليات كلها موجودة فى اللانسر
اسعار الصيانة وقطع الغيار غالية اوى فى الهوندا بالنسبى للانسر

[B_SO]

الحقيقه الاختيار بين الهوندا و اللانسر صعب جداا
الهوندا موتور جامد . بس العفشه ناشفه قوي و مش مريحة و بالذات في مصر مع المطبات
انا شايف ان فرق ال 35 حصان جامد لكن يا ترى هتستفيد منه في شوارعنا الزحمه؟
اللانسر من جوه اوسع و اشيك و لكن شنطة الهوندا اكبر
الهوندا عضمها انشف و قطع غيارها اغلى

كل واحد ليه دماغ في عربيتو المهم تجيب الحاجه اللي انت حاببها

[B_SO]

دي صوت الموتور بتاع ال exعلى فكره مش مزعج و مع السرعات الاعلى بيكون اوطى