أبيض وأسود .. أصفر

[د.أحمد سمير]

في مشروع ضخم بالقاهرة الكبري
34 ألف تاكسي جديد بدلاً من القديم..خلال عام
منحة 10 آلاف جنيه للمتقدم.. سداد ربع القيمة والباقي علي خمس سنوات
السيارة بمحرك "1600 سي. سي".. تعمل بالغاز الطبيعي وعداد "ديجيتال"

بدأت وزارة البيئة في تنفيذ مشروع ضخم بالقاهرة الكبري لاستبدال 34 ألف سيارة تاكسي قديمة يزيد عمرها علي 30 عاما بأخري حديثة وسيتم ذلك تباعا خلال 12 شهرا فقط بهدف القضاء علي التلوث والانبعاثات الناتجة من عوادم هذه السيارات مما ينعكس ايجابيا علي حالة الهواء بالتحسن والجودة.
أكد المهندس ماجد جورج وزير البيئة ان لجنة تسيير المشروع التي تضم وزارات البيئة والمالية والداخلية والاستثمار ومحافظات القاهرة والجيزة والقليوبية ورابطة منتجي السيارات تتابع تنفيذ المشروع بداية من طلب المتقدم وحتي تسليمه السيارة مشيراً إلي أن الوزارة تلقت خلال 10 أيام فقط أكثر من 2120 متقدما لاستبدال سياراتهم وفور الانتهاء من هذه الدفعة سيتم استقبال الأعداد المتبقية تباعا.
أضاف الوزير أنه سيتم توفير 10 ملايين جنيه منحة لا ترد من الدولة لمالك السيارة الجديدة مقابل تخريد سيارته القديمة ثم يسدد ربع ثمن السيارة الجديدة والباقي بالتقسيط علي 5 سنوات مع مراعاة ان السيارات المعروضة تشمل 3 أنواع هي "هيونداي فيرنا" و"شاهين" و"لادا" وجميعها مزودة بمحركات 1600 سي. سي وبها عداد ديجيتال ولونها أبيض وأسود وتعمل بالغاز الطبيعي مع مراعاة ترخيصها باللوحات المعدنية القديمة.
جدير بالذكر ان وزارة البيئة قد بدأت المرحلة الأولي بمشروع تجريبي لاستبدال التاكسي بعدد 100 سيارة فقط وبعد نجاح التجربة عرضت 1000 تاكسي دفعة واحدة والآن يتم التعامل مع 34 ألف تاكسي.
المساء ..

يعني احنا ما صدقنا تاكسي العاصمة يشتغل وبعدين المشروع بقى مش كويس ..
وطمحنا لتطوير مرفق التاكسي ليكون مكيفاً وبعداد ، وآدمي .. وأصفر
هنرجع تاني للأبيض والأسود

[محمد عز]

مافيش أمل
.
.
.
.
.
ولا عمر

[شاهين - بنز]

شاهين ولادا تاني والله البلد دي عمرها ماحتنضف أبدا

[Mohamed_Hegazy]

ياجماعة الخبر منطقى جدا وهيفيد ناس بس المشكلة فعلا اللون وواضح ان الحكومة برستيجها فى العالى فمصرة على الاسود حتى مع زيادة حرارة الجو وارتفاع نسب التلوث

[Mohamed-Saoud]

أنا مش شايف أي شيئ غريب في الخبر ده... المهم أن العربيات تكون موديل حديث و خلاص

[MoToRiZeR]

يبقي الوضع علي ما هو عليه

[Hassan Khalil]

موضوع تغيير ماركة التاكسي الي اي نوع غير اللادا و الشاهين ليس له قبول عند السائقين .. وكنت راكب من كام يوم مع واحد منهم .. و حكالي الموضوع ده .. و قاللي ان السواقين متخوفين من اي ماركة تانية بسبب قطع الغيار .. و نظرا لان العربية بتستهلك باستمرار فهم باتالي محتاجين قطع غيار و صيانة باستمرار .. غير كده ان سواقين التاكسي حاسين - دائما - ان فيه مفاجأة غير سارة بانتظارهم .. يا اما في شروط التقسيط .. يا اما في العربيات نفسها .
---------
اعتقد ..ان هذا المشروع .. و كافة مشارع بلدنا .. ينقصها سياسة بعد النظر
اللي حيحصل ان الدولة حتبتدي تبيع العربيات للسائقين بالتقسيط .. و بعد ما تخلص بيع حتبتدي تفضي اماكن في السجون علشان يقبضوا علي المتعثرين في سداد الاقساط ..
ليه الاجهزة المنفذة للمشروعمتعملش تعاقد مع الموردين بعقود صيانة و اصلاح طويلة الاجل .. او حتي اثناء مدة التقسيط .. بشروط ميسرة لاصحاب السيارات .. و بكه تفتح المجال لانواع اكثر حداثة .. و تفتح نفس السواقين للعمل..

[hussein]

أضاف الوزير أنه سيتم توفير 10 ملايين جنيه منحة لا ترد من الدولة لمالك السيارة الجديدة مقابل تخريد سيارته القديمة

10 مليون جنيه على 34000 عربيه يعنى كل واحد هياخد حوالى 300 جنيه يابلاش

[hazem_khidr]

انا شايف ان مش كل الناس عندها قدره تركب تاكسي العاصمه و بتركب التاكسي العادي
اللي يزعل في الخبر اني مش حشوف البيجو ال 504 تاني تاكسي:(
كنت بحب منظر التاكسي دا ساعه الصبح و السواق معلق عود الفل في المرايه :)

[Ahmed Anwer]

كنت بحب منظر التاكسي دا ساعه الصبح و السواق معلق عود الفل في المرايه :)

أيه يا باشا الرومانسية دي :):)

فعلآ الإنسان الجميل يشوف الجمال حتي في التاكسي

المهم فاكر امبارح لما كنت بحكيلك علي الغلطة اللي مش هاتتكرر

اهي بقت تاكسي رسمي

[hazem_khidr]

أيه يا باشا الرومانسية دي :):)

فعلآ الإنسان الجميل يشوف الجمال حتي في التاكسي

المهم فاكر امبارح لما كنت بحكيلك علي الغلطة اللي مش هاتتكرر

اهي بقت تاكسي رسمي

اه و الله افتكرتك يا باشا لما قريت الخبر
بس نعمه و نقمه في وقت واحد
بكده اللي بيفهموا فيها حيكتروا و قطع الغيار حتكتر و حترخص و ميت مستورد حيجبها.
مشكلتها بقي انت و انا عارفنها كويس و مش لازم تتكرر تاني الغلطه دي;)

[sab3aawy]

طب سؤال، هى فيه فيرنا مش مكيفة؟

يعنى اللى هياخد فيرنا هياخدها مكيفة

طيب لو ركبت تاكسى فيرنا من الجداد دول وقلت له شغل التكييف، ممكن يعمل فيا ايه؟

وبعدين هو مش كانت شركة النصر هتبطل شاهين؟ وللا هى الحكاية دى علشان انعاش مبيعات الشركة كنوع من انواع حقنة الكولاجين او سيليكون علشان تحلى فى عين عريسها وتجيب فلوس كتير فى صفقة التخصيص

وطبعا الفيرنا امتداد لتوسيع مبيعات هيونداى الواسعة فى مصر، وربنا يخلى غبور ويديم عليه الرضا

طب انا ممكن افهم السبب فى ان مافيش لانوس ولا اسبرانزا ولا لوجان(اللى انا بصراحة شايفها اصلح سيارة للمهمة دى)، وادعى لوكلائها ان ربنا يحبب فيهم خلقه، لكن اللى انا مش فاهمه حقا ليه مافيش افيو

طب اللادا ايه حكايتها؟ هو مش كفاية لادا بقى؟ الشوارع المصرية اشتكت من العربيات اللى بيجيلها نزلاق غضروفى فى بيض المقص وتبرك على الأرض وتسد الشوارع

اسئلة تطرح نفسها .

[mohamed2002]

انا شايف انهم يسيبو المجال مفتوح قدام السائقين
لادا
شاهين
ماتريكس
افيو
فيرنا
والسواق يختار,بس كله حيختا يا لادايا شاهين عشان قطع الغيار وسهولة الصيانة,بالاضافة للبنزين التاكسي بيحط 80 ودة ينفع الادا مع ان ال 80 مبقاش موجود

[mohamed_88sk]

عاجبني أوي توقيعك يا أستاذ أحمد أنور
عندنا في أليكس في تاكسي ماتريكس وفيرنا و i10 كنت مستغرب شكل ال i10 بصراحه
بس أهوه بدأت العمليه تنضف ....

[mohamed2002]

عاجبني أوي توقيعك يا أستاذ أحمد أنور
عندنا في أليكس في تاكسي ماتريكس وفيرنا و i10 كنت مستغرب شكل ال i10 بصراحه
بس أهوه بدأت العمليه تنضف ....

انا شفت الماتريكس والفيرنا والشيري بس لسة مشفتش الi10
طيب دول بيحطم 92 ولا 90:)