نقص مياه في بيجو 405

[wagdy]

السلام عليكم
عندنا 405 موديل 99
العربية كل يوم بزود الرادياتير نصف لتر مياة مع العلم اني لسا مغير الرادياتير و خراطيم الرادياتير و لسه المشكلة موجودة المهم الميكانيكي قالي كدا جوان وش السلندر و قالي ان ده عيب مشهور في ال 405 بس انل حاسيس انه بيفتي
فهل جوان وش السلندر في ال 405 ضعيف بجد مع العلم ان الحرارة دائما بين ال 70 و 80
وهل يوجد ميكانيكي كويس يفهم في ال 405 قريب من مدينة نصر

[FLYINGPEUGEOT]

متأكد ان مفيش تسريب؟
دورة الماء مش واخده هوا؟
كشفت على الزيت ؟؟؟؟؟؟؟؟؟؟؟؟؟؟؟

[wagdy]

لا يوجد تسريب نهائي
لا يوجد طحينة على الزيت
بالفعل شكت في موضوع الهوا ورحت للميكانيكي اخدلها هوا كذا مره وكل مره امشي من عنده تكن تمام و لما ارجعلو نجد هوا في الدورة فالميكانيكي قلي كدا الجوان بيهرب هوا

شكرا على الرد السريع

[harphosh]

راقب الشكمان هل بيطلع منه رزاز ميه ولا لأ
جايز جوان الوش يطلع المياه على الشكمان مش على الزيت
لكن جوان وش السلندر مش ضعيف ولا حاجة فى البيجو عموما دى فتوى منه

[wagdy]

الشكمان مش مطلع رزاز ميه

[harphosh]

الشكمان مش مطلع رزاز ميه

طالما مافيش رزاز من الشكمان - ولا طحينة زيت مش ممكن يكون جوان ( أكيد )
راجع دورة المياه جيداً

[FLYINGPEUGEOT]

خد هوا مره واتنين وتلاته واربعه
واقسملك بالله وعن تجااارب كتير...انا مشفتش فى حياتى وش سلندر بيستحمل زى بتاع ال 405

[harphosh]

خد هوا مره واتنين وتلاته واربعه
واقسملك بالله وعن تجااارب كتير...انا مشفتش فى حياتى وش سلندر بيستحمل زى بتاع ال 405

كلام مضبوط 100 % من بيجوهاتى كبير

[wagdy]

شكرا FLYINGPEUGEOT و harphosh على الرد

انا متأكد ان مفيش تسريب في دورة المياه

بالنسبه لأخذ الهوا أنا واخدلها هوا فوق العشر مرات و مفيش فايده مش هى بيتاخدلها هوا من تلت اماكن

طيب تعرفوا واحد كويس اوديلو العربيه

[harphosh]

بصراحة غير أحمد عمارة بمصر القديمة
معظم الميكانيكية اللى أعرفهم مجتهدين ولى قدهم جايز Flyingpeugeot يعرف حد كويس

[the-hero]

أكيد في تسريب أملى الرداتيار الصبح وخد هوا من الردتير والترموستات وسيبه شويه لحد ميسخن ويملى هوا وأرفع العربيه بالكوريك من عن القطمة من وسط العربية اللى ورا الماتور وانزل شوف أكيد هتلاقى تسريب يا فى الرداتير يا فى طرنبة الميه يا فى خراطيم يأما مشتركات الميه ولو ملقتش أصبر شويه وشوف تانى وممكن العيب يكزون من الطرنبة

[wagdy]

بالنسبة للطرمبة أنا لسه مغيرها من 3.000 كم
على فكرة العربية كانت مرفوعة 3 سنين و لسه منزلها قريبا و اول منزلت غيرتلها زيت و فضلت تطلع دخنة بيضا لمدة يومين و بعد كدا اطعت الدخنة

[ssafwat]

يا وجدي لما غيرت الرادياتير خطيت نفش غطا الرادياتير القديم؟ ممكن ده يكون بيسرب وممكن يكون بلف إستنزاف الهوا نشف فيحتاج يتغير لكن الملفت في الموضوع ان الميا بتنقص ومع ذلك درجة الحرارة من 70 - 80 علماً حرارة البيجو شبه دايماً 90. اخبار الترموستات ايه؟

انا معرفش في مدينة نصر غير مركز الخدمة المعتمد ودول موجودة بياناتهم في توبيك مراكز الخدمة

[harphosh]

علماً حرارة البيجو شبه دايماً 90. اخبار الترموستات ايه؟

إيه الكلام ده يا باشا أنا عمرى ما شفت الحرارة عندى 90 إلا فى عز الشتا لما العربية تدور وبعدين بمجرد ما تسخن تنزل للـ 70 وترفع 80 وبعد كده 70 وهكذا
العربية بيجو 405 موديل 1995 ورادياتير ألمونيوم
حد يفيدنى العربية غريبة ولا فيها حاجة غلط ؟

[wagdy]

"إيه الكلام ده يا باشا أنا عمرى ما شفت الحرارة عندى 90 إلا فى عز الشتا لما العربية تدور وبعدين بمجرد ما تسخن تنزل للـ 70 وترفع 80 وبعد كده 70 وهكذا"
أنا الحرارة عندي زيك بالظبط يا harphosh

"يا وجدي لما غيرت الرادياتير خطيت نفش غطا الرادياتير القديم"
لأ اشتريت واحد جديد

"وممكن يكون بلف إستنزاف الهوا نشف فيحتاج يتغير"
هو فين البلف ده

أنا رحت لكهربائي و قالي ان ترموستات العالي مش موجود و قالي هو لازمته لما تكون مشغل التكيف فهل الكلام ده صح مع العلم ان الميه بتنقص من غير تشغيل التكيف