تيريوس بعد الاضافات و الكماليات---- اتمني تعجبكو

[م.محمد شافعي]

السلام عليكم ورحمة الله و بركاته
الحمد لله ركبت معظم الكماليات والاضافات لعربيتي وهقولكو انا ركبت ايه و فين و بكام للفائده ان شاء الله.
ما تم تركيبه في التوكيل:
1- طقم دفندر كامل
2- غطاء فيبر للاستبن
3- فرش جلد اسود
4-جهاز انذار بالروافع والريموت
5- منفاخ كهربائي للعجل مع عدة اسعافات اولي و كشاف طوارئ
وبصراحه مش فاكر تفصيل سعر كل واحد بس كلهم كلفو حوالي 8300 جنيه وكان ممكن يكونو اقل بس انا ركبت اغلي طقم دفندر امامي و جانبي وخلفي لانه اجمل و امتن.
ماتركيبه خارج التوكيل:
1- شنطة سقف سوداء من معروف ب 825.
2- طقم نيكل لجميع المقابض و الفوانيس امامي و خلفي و اشارات ب 800
3- عراقه للكراسي الاماميه ب 100
4-غطاء للدركسيون جلد طبيعي اسود ب 100
5- تظليل للزجاج الجانبي الامامي يمين و يسار ب 120
6-طبقة حمايه من الخدش للفوانيس الاماميه ب 50 جنيه
طبعا الحاجات الاستيكر كلها من عند واحد اسمه مكتبة ابراهيم في شارع دمشق في مصر الجديده متخصص في الحاجات دي بس.
دلوقتي بقي مع صور العربيه و اتمني تعجبكو ان شاء الله
__________________________
بسم الله ما شاء الله
___________________

[mido777]

ماشاء الله ولا حول ولا قوة الا بالله

اشيك عربية تيريوس شوفتها لغاية دلوقتى

بس هيه اسعار الكماليات اللى غالية شوية وكنت ممكن تجيبها اقل من كده

[م.محمد شافعي]

شكرا اخي العزيز محمد الطويل وعلي فكره انا اول مكان رحته بعد ما ركبت الحاجات دي كان اسكندريه لاني بقت عاده عندي ان اول مشوار اروحه بعربيتي الجديده هيا اسكندريه واتكرر الموضوع ده في تلت عربيات.
اما موضوع السعر فانا لفيت حوالي اسبوع علي كل الاماكن اللي ممكن تكون بتبيع حاجه تخص العربيه و طبعا انا عارف ان في حاجات ارخص من كده بس بصراحه مش عايز اركب حاجه تبوظ بعد فتره بسيطه او ازهق منها و كمان الجوده و المواد ليهم دور كبير في فرق السعر.

[Islam_galal]

بسم الله ما شاء الله
ربنا يباركلك فيها

[mido777]

يا باشا اسكندرية تنور بيك ولما تنزل اسكندرية تانى ابقى قولى علشان فيه عندنا محلات اكسسوار جامده جدا

[أبو عبدالله]

مبارك عليك
ماشاء الله
ربنا يحفظك ويحفظالك ان شاء الله

بس ليا سؤال
هيا ايه الطبقة المانعة للخدوش بتاعت الفوانيس دي ومنين وبكام وو صورة لها او لعلبتها ؟؟
وشكرا لك

[YoussefMostafa]

بسم الله ماشاء الله ربنا يباركلك فيها

[م. تيمور]

بسم الله ماشاااء الله راااااائعة
الله يعطيك خيرها ويكفيك شرها يارب

[م.محمد شافعي]

شكرا ليكو جميعا يا اخواني الاعزاء جدا
وردا علي سؤال اخي ابو عبد الله عن الطبقه المانعه للخدش هي عباره عن نوع من انواع الاستيكر السميك و به طبقه خارجيه بتقاوم الخدش و انا عملتها زي ما قولت عند واحد اسمه ابراهيم في شارع دمشق بمصر الجديده مشهور جدا وكمان زحمه جداجدا.
انا بس كده ناقص عربيتي حاجه واحده هيا استيكر منتدي نايل موتورز.

[م. تيمور]

ناقصك كمان حاجتين
الاستيكر الجانبي على الابواااااب الجانبية بطول العربية
السبويلر الخلفي على السقف ... وحتلاقيه عند على رضا ب 700 جنيه تقريبا ..
:)
آه ونسيت كمان اقوللك على واقيات المطر للعجل تحت الرفارف ( مش عارف اسمها ايه بالظبط )
والله يحميك من كل سوووء ..