محتويات صيدلية الإسعافات الأولية

[Islam_galal]

شاش وقطن ـ بلاستر وشرائط لاصقه ـ أربطة ضاغطه وعلاقات رفع الذراع ـ قفازات طبيه ـ مطهرات صبغة اليود والسافلون أو الديتول ـ محلول الجفاف ـ قربة ماء لكمادات الثلج ـ جبائر هوائيه ـ جبائر شد ـ محلول ملح ـ قطن ـ مشرط ـ سرنجات .


وتزداد محتويات الصيدلية حسب مستوى مهارات المسعفين فمثلاً يمكن أن يضاف إليها أنبوب الحلق وماسك اللسان لضمان التنفس فى حالات الإغماء .


تعريفات
الجبائر الهوائية:هى حزام ضاغط مملوء بالهواء لإيقاف النزيف أو تثبيت الكسر مؤقتاً.
التورنيكيه: هى عباره عن قماط أو خرطوم ضاغط يستخدم للربط على الأوردة لإيقاف النزيف.
الدرسنج: قطعه كبيره من القطن ملفوفة بالشاش.
جبائر الشد :هى عباره عن حلقه معدنيه تتيح عمل شد وشد مضاد لتقليل الألم .


منقول من موقع وزارة الداخلية

[HRH_Sameh]

شكلها تمنها هايعدي !!!
شكرا ياباشا ع الافادة

[Mohamed-Saoud]

و نركب سرينة الاسعاف بالمرة!!!!!!1

[ows212]

انا هابيع العربية وارجع للتاكسى

[م/محمد صلاح]

المفروض كده ان الشنطه ناقصه

لسه البالطو الابيض والسماعه وجهاز قياس الضغط علشان ضغطنا اللى اترفع من اللى بالى بالك منهم لله

[iunknown]

مافيش مشرط وجفت وجهاز تعقيم ؟

[momoneer]

على فكره لازم يبقى فى الشنطه دكتور

[El Prince]

مفيش جهاز قلب ؟؟!!

[mohamed hatem]

ويا ترى الظابط بقى هيفتش على كل المحتويات ...يعني يركن العربية جنبه في اللجنة عشان يدور على الشاش ويشوفه كام متر ......ربنا يكون في عونا من زحمة اللجان اللي جاية

[Dr.A.Nabil]

وماتنسوش تحط في الشنطه قياجرا
عشان البيه امين الشرطه لما يسألك عن الشنطه..

تديله قرص:
يقولك:
اتفضل يا سعادة الباشا كله تمام

[Akram]

عايزين نعرف الموضوع ده ممكن يتكلف كام فلو حد يعرف يجيبلنا الاسعار علشان الإفادة تكمل .

[AboMaro]

انا عارف بكره يقولوا ان فلان ابن (..............) اللهم احفظنا
هو صاحب الشركه اللي حتبيع علبه الاسعافات
وان القانون طالع مخصوص عشانه
_
بس بجد وكلمه حق في كل بلاد العالم محدش يلمس المصاب لحد ما السعاف تيجي
وبعدين رخصة السواقه مفيهاش دوره اسعافات اوليه
و اصلا فيه ناس بتتسرع من منظر واحد مصاب او متعور
طب لزمتها ايه شنطه الاسعاف دي
انا و الله حاسس انها اشاعه ومش ممكن تكون موجوده ف القانون الجديد
طب وبعدين ده معظم مكونات هذه الشنطه حاجات لها مدة صلاحيه
يعني كده كل شويه اراجع عليهم
عشان لما تيجي مباحث التموين قصدي مفتش الصحه ....يييييوه هو مين اللي حيفتش عليا ؟

[mkhalifa73]

لا يا جماعه انتو ناسيين حاجه مهمه جدا

المفروض لما يوقفوا العربيه ياخدوا اول واحد معدي جنب العربيه وينزلوا فيه ضرب بالايد واي حاجه تانيه مثلا عصايه حديده طوبه كده يعني
وبعدين يعملوا اختبار عملي للسايق العربيه ازاي يعالج الراجل ده
شكراااااااااااااااااااا
علي البلاعات والمطبات والحفر والنقر والزحمه واللحمه والخضار والارز وطظ