ايهما افضل الجين 2 ولا النيسان صنى؟

[the_rock002]

انا سمعت ان فى الabsوكمان ال Ebd ودى حاجات مش موجوده فى النيسان ممكن حد يفدنى اختار ايه؟
وشكرا

[memokokoo]

لو يهمك قوى الabs , ebd يبقى اشترى الجين2
لو انت حريف سواقه او بقالك سنين كتير بتسوق ممكن تستغنى عن الabs,ebd يعنى هاتقدر تلم العربيه حتى لو ما فيهاش فرامل:)
غير كده اشترى النيسان وانت مغمض
انا من رايى انك ممكن تسأل على حاجات كتير فى العربيه مهمه غير ال abs هو الabs احتمال ممكن يكون مهم بالنسبه ليك بس ده مش الشىء الوحيد اللى تشترى علشانه عربيه
اسأل على ثبات العربيتين على الطريق والموتور و الوكيل و قطع الغيار وسعر الاتنين و الكماليات بين الاتنين و الاعتماديه و العمر الافتراضى وسعر اعاده البيع
لو انت بتسأل عن النيسان صنى النيسان صنى مافيهاش abs لكن النيسان تيدا فيها
abs
انصحك انك ممكن تتكلم مع المهندس سبعاوى هو اشترى العربيه دى و يعرف كل مسمار فيها ابعتله رساله على الخاص او فى اى موضوع هو بيكتبه الراجل بيجاوب على كل الاسئله وبيساعد كل الناس
كمان ممكن تقرى الموضوع اللى هو كاتبه ملامح عن اداء النيسان هاتعرف كل حاجه

[smaw]

المعروف ان الجين 2 طلقه علي الطريق وشبابيه جدا هاتها لو بتحب السواقه
ولو عايز تجيب عربيه عائليه يبقى النيسان

[memokokoo]

انت بتقارن بين عربيتين المقارنه بينهم بعيده
كنت اتوقع انك تقارن بين الانسر و الصنى والالنترا
هاتلاقى هنا كل المعلومات عن النيسان
وملامح عن اداء النيسان صنى
http://www.nilemotors.net/Nile/showthread.php?t=2023
ودى مقارنه بين الصنى و الالنترا
https://www.nilemotors.net/Nile/31846-a.html
ودى مقارنه بين الصنى والانسر
http://www.nilemotors.net/Nile/showthread.php?t=31033
لكن المقارنه اللى انت بتعملها دى جديييييييده جدا

[memokokoo]

زى ما قال الاخsmaw
انت بتفارن بين عربيه عائليه سيدان وعربيه اخرى شبابيه هاتش باك
انت عايز ايه فيهم بالظبط؟
ولا انت هاتشترى الاتنين وتريح نفسك!!
يعنى انا نفسى فى عربيه 4*4 هقارن بين مثلا سوزوكى جراند فيتارا و دياهاتسو تيريوس
انا كنت مثلا بقارن بين الانسر و الصنى
اى نوع من العربيات انت عاوز تشترى؟ ده اول سؤال
معاك كام ؟ ده تانى سؤال
بعد كده هاتلاقى ان نطاق البحث و المقارنه بتاعتك بقى ضيق فى عربيه او اتنين وهتلاقى العربيتين دول فى فئه واحده
يعنى لو بتفكر فى عربيه هاتش باك ممكن يدخل فى المقارنه عربيات كتير
ولو بتفكر فى عربيه عائليه ممكن يدخل فى المقارنه عربيات كتير
حدد انت عايز ايه

[SAbuhashem]

لو يهمك قوى الabs , ebd يبقى اشترى الجين2
لو انت حريف سواقه او بقالك سنين كتير بتسوق ممكن تستغنى عن الabs,ebd يعنى هاتقدر تلم العربيه حتى لو ما فيهاش فرامل:)

انا من رايى انك ممكن تسأل على حاجات كتير فى العربيه مهمه غير ال abs هو الabs احتمال ممكن يكون مهم بالنسبه ليك بس ده مش الشىء الوحيد اللى تشترى علشانه عربيه

بالذمة دة إسمه كلام
حريف سواقة يعني إيه ؟
لو هو بطل في الدرفتات أو بتاع تفحيط زي بتوع السعودية ممكن يطلع بخسائر بردو إلا ما حفظ ربي

واسألني أنا مجرب
وحريف درفتات على فكرة :)

Thanks
Eng.Sherif Shaker

[memokokoo]

اه ده كلام يا استاذsabuhashem
انا لا انكر قضاء الله وقدره ولكن انا اقود سيارات منذ عشر سنين
وكمان فى الاف غيرى ساقو عربيات وماكنش فى حاجه اسمها abs عمرى ما حسيت ان مش قادر الم العربيه على اى سرعه
ايضا فى ناس اشتروا عربيات فيها abs وكان قضاء الله وقدره انهم يدخلوا فى حوادث
وكمان فى نظريه فى الفيزياء مشهوره جدا
بتقول ان لازم يبقى فى نسبه ازاحه لأى جسم بيندفع بسرعه و الازاحه بتتناسب طرديا مع سرعه السياره قبل الضغط على دواسه الفرامل يعنى لو السرعه 100 كيلو الازاحه هاتبقى خمسه متر ولو السرعه 200 يبقى الازاحه عشره متر مع الاخذ فى الاعتبار قوه الفرامل وال abs اللى ممكن تقلص من نسبه ازاحه العجلات بس مش هاتلغيها
يعنى لازم ولابد من وجود ازاحه حتى لو فى abs او غيره وهنا بتتدخل المهاره الشخصيه فى القياده والحرفنه اللى حضرتك مش مقتنع بيها.
كمان انا كان قصدى انه مش لازم الواحد يشترى عربيه علشان بس فيها abs فى حاجات تانيه كتير غير كده ممكن يبص عليها فى العربيه
يظهر ان حضرتك ما قرتش كويس كل اللى انا كاتبه و ياريت حضرتك تتكلم كلام علم مش تقول # بالذمه ده اسمه كلام#
انا اقولك اه اسمه كلام وكمان كلام علم كمان
انت متهيئ ليك ان لو فى abs يبقى خلاص الموضوع انتهى الجهاز هايقضى على اى ازاحه و الدنيا هاتبقى بمبى والواحد يسوق على 200 و يفرمل فى 2 متر ماهو خلاص مافيش انزلاق للعجل ولا حاجه
الجهاز كل الحكايه بيرفع من اداء الفرامل وخاصتا لما بيكون فى رمال او مطر او زلط صغير على الطريق
بس مش لما هاتدوس على دواسه الفرامل هايشتغل ال absو كأنك دعكت الفانوس السحرى :) وهايطلعلك واحد يقولك شبيك لبيك عبدك و بين ايديك تطلب ايه
طبعا هاتطلب انه يوقفلك العربيه
و الاختلاف فى الراى لايفسد للود قضيه
مع جزيل شكرى واحترامى لك

[vet mitcho]

الانغلاق الكامل للفرامل هيخلي العربية تنحرف عن مسارها ومش هتعرف تتحكم فيها نسبيا لو قارنت بينها وبين اخري مزودة ب Abs
مانع الانغلاق بيخليك تتحكم في العربية تحكم كامل مع دوسة الفرامل
ده غير ان انغلاق الفرامل بيعلى درجة حرارة المكابح وممكن يعطل عملها جزئيا في وقت انت محتاج جدا للفرملة
وعشان كده تتلاقي الناس ساعات تكارك للفرامل لما بتسيب يعني اي بي اس برجليك :)
وطبعا كفائته مش هتكون زي ABS اللي نازل

طب ليه كل ده متختار عربية فيها انظمة امان اكتر وخلى بالك الحوادث لا قدر الله بتحصل في اجزاء من الثانية

وده طبعا مش معناه اني برجح عربية من دول لاني معلوماتي العملية مش كفاية عليهم
انا بس حبيت اعلق على نقطة ال ABS لان النظام ده بفضل الله طبعا حماني من كام لبسة محترمة في خلال استخدامي له

[memokokoo]

اكيد طبعا يا استاذ vet mitcho
كلامك صحيح ميه فى الميه لكن انا كنت عايز اقول ان ال abs مش الحل السحرى اللى هايحميك من كل الاخطار
كمان انا عايز الفت نظرك لحاجه مهمه مش فى كل موقف الواحد هايقدر يكارك للفرامل فى مواقف بتجبرك انك لازم تدوس على الفرامل ضغط قوى و متواصل ومش بيفكر الواحد بقى ساعتها انه يكارك ولا لأ
كمان الكام موقف اللى حماك فيهم الabs اكيد انت كنت ماشى فوق رمل او فى المطره او على زلط صغير لكن لو انت ماشى فوق الاسفلت عادى مافيش مشكله من الفرامل العاديه.
انا كان عندى عربيه اوبل فيكترا موديل 94 مافيهاش abs وطبعا اللى قبلها و اللى قبلها كنت بسوقهم وكنت بتحكم فيهم تحكم كامل حتى ولو دايس على الفرامل مافيش مشكله المشكله الحقيقيه بتظهر بس لما الواحد يمشى على الرمله وطبعا لما يدوس فرامل مع اى مناوره من السائق طبعا هايلف الدركسيون فابتفقد العربيه توازنها واحتمال يعمل حادثه
يعنى الخلاصه ان الفرامل العاديه ما فيها اى مشاكل على الطرق العاديه واثبتت كفائتها وفاعليتها لمده سنين طويله
اما الabs فهو الافضل طبعا و بلا شك لأنه اثبت كفائته و ايضا فاعليته اثناء السير بالسياره اثناء المطر او على بعض الرمال او الزلط الصغير
فاذا كنت تقود سياره لا يوجد بها abs فيجدر بك ان تأخذ احتياطاتك خاصتا على هذه الطرق.
واذا كنت تقود سياره بها abs فلا تتوقع ان يقدم لك هذا الجهاز اكثر من ذلك فهناك البعض يعتقدون ان السياره التى بها abs ان ال abs بيفعل المعجزات