استفسار عن لانسر الجديدة ... و حكاية و لا فى الخيال

**alivara** · 14-07-2008 01:32 AM

انا حكايتى حكاية بجد ياريت تسمعوها و مش حطول :
*اول ما قررت اشتري عربية قولت حشتري تويوتا ياريس و دخلت مواقع كتيرة كلها بتشكر فى ياريس , بعد كده لقيت اعضاء فى المنتدى بيقولو ان ثباتها وحش و ما فيهاش كماليات كتيرة فقررت اشوف الانترا بس برده لقيت عيوب فيها و خاصة انها كوري , فرجعت تانى لياريس و قولت كل مشاكلها سطحية لغاية لما رحت فرع المصرية للسيارات فى سموحة و شوفت ياريس و النترا كمان بس لقيت النترا احسن فى كل حاجة و فخامتها عالية قلت يبقى النترا , بعدها ب 24 ساعة قعدت مع نفسي و قلت ان النترا كوري و (ان فاتك اليابانى مش حيرجع تانى) ففكرت فى لانسر القديمة و فكرت انها احدث نوع لانسر و نسيت خالص ان فيه نوع جديد , بس لقيت شكل لانسر القديمة وحش فقلت مش حشتري لانسر حتى و ان كانت يابانى 100% و رجعت لالنترا , شوية لقيت عربية غريبة ماشية فى الشارع و لقيت عليها علامة ميتسوبيشى و كان شكلها جميل جدا و لما سألت عرفت ان ديه لانسر الجديدة فقررت اشتريها لانها يابانى و شكلها تحفة ,,,,, فياريت حد يقوللى لانسر الجديدة مانوال فول اوبشن بكام و ايه عيوبها ؟ اتمنى الا يكون هناك عيوب جوهرية عشان انا معجب بلانسر الجديدة و حالف انى اركب يابانى :)
يا ريت حد يساعدنى فى كده
شكرا

**mero5005** · 14-07-2008 02:25 AM

ولا وجع دماغ ولا حاجه خد حضرتك نمره التوكيل واسأله على الاسعار اللى انتا عيزها
25785405/25794496
والخط الساخن 19830

**hazem_khidr** · 14-07-2008 05:08 AM

الف مبروك
و ربنا يثبتك و ما تغيرش
و اسال في التوكيل علي الاسعار زي ما قالك الاستاذ ميمو كده

**Ramy.Gamal** · 14-07-2008 03:21 PM

اللانسر الجديده عربيه تحفه فى كل حاجه ولا تقارن نهائيا بالانترا بس طبعا غاليه اعتقد ان فيه سعريين للمانيوال الاول 129 الف جنيه( GLX) والتانى ب 137 الف(GLS) حسب الكماليات وعلى فكره قطع غيارها رخيصا جدا مقارنتا بمنافسيها واحسن بمراحل من اللانسر الشكل القديم وخصوصا فى الفرامل والباور و الثبات