صيانة ال 5000 للسيريون

[ows212]

السلام عليكم حبيت احكى عن تجربتى مع توكيل ديهاتسو وصيانة ال 5000
...حجزت بالتليفون قبلها بحوالى 10 ايام على يوم 12/7 الساعة 1.45
... اتصلوا بيا يوم 10/7 يأكدوا عليا الميعاد وانى اكون موجود قبلها بربع ساعة
... طلعت بالعربية يوم 12/7 الساعة الواحدة صباحا....ايوة صباحا ... علشان انا من سوهاج .. يعنى ماتزعلش يا على على ال 75 كيلو بتوعك ..
عديت على اخويا فى المنيا ريحنا ساعتين وبعدين كملنا سكتنا
... وصلنا القاهرة وأخدنا الدايرى ... وبعد كام سؤال واستفسار وصلنا التوكيل
... مهندس ماجد كان ماسك العربية بتاعتى ..
طلبت تركيب دلاية كانت وقعت .. وتركيب انذار ... وتغيير مكان مراية الصالون
وتضبيط العفشة ....وتغييير زيت موبيل ون ... والكشف عن التكييف .. واضافة سائل المساحات الأزرق
.................................................. ..........................
كل حاجة اتعملت ما عدا المراية لأنها ثابتة فى البربريز ..التكييف اتزود فيريون من غير ما ادفع فلوس
.................................................. ..........................
سائل المساحات اتكلف 20 جنيه مش هاعملها تانى .. هاحط جلانس
اجمالى الحساب 890 جنيه
طبعا الجزء الأكبر راح للأنذار
.................................................. ..........................
قبل ما يبدأ الشغل بيكون فى قعدة مع المهندس بيسألك على كل حاجة انت عايزها واى ملاحظات عن العربية .. وبيحسب التكاليف كلها علشان تكون على علم باللى هاتدفعه ... بصراجة انا عاجبنى النظام بتاعهم ...
العربية خلصت فى ساعتين والأنذار بس هو اللى عطلنا حوالى ساعة ونص كمان
.................................................. .........................
شكر خاص جدا جدا جدا لمعاذ اللى وصى عليا مهندس أحمد عبد الوهاب وكان متابع معايا بالتليفون
(ملحوظة) جميع العاملين فى التوكيل من مهندسين وفنيين وعمال وخلافه من صغار السن الغالبية لا تتعدى 30 سنة وده حسسنى انى كبرت شوية
(ملحوظة تانية) كان في 2 ماتيريا فى التوكيل ..بعد ما شفتهم مرت عليا لحظة ندم انى ما جبتش ماتيريا .. بالرغم من حبى للسيريون

[MoToRiZeR]

الف مبروك عالصيانة و يا ريت تكتبلنا انطباعاتك لو شايف اداء العربية اتغير بعد الصيانة دي .

و يا باشا الماتيريا دي عربية باشا .. بس ليها صاحبها و مزاجها مش اي حد يحبها

[ows212]

الف مبروك عالصيانة و يا ريت تكتبلنا انطباعاتك لو شايف اداء العربية اتغير بعد الصيانة دي .

و يا باشا الماتيريا دي عربية باشا .. بس ليها صاحبها و مزاجها مش اي حد يحبها

الله يبارك فيك يا محمود
بالنسبة للعربية بعد الصيانة العفشة انعم .. والتكييف افضل شوية .. كان فى صوت غريب بعد الصيانة اول ماحمل رجلى على البنزين بس الصوت اختفى تانى يوم
... بالنسبة للماتيريا مراتى كانت عايزانى اشتريها بدل السيريون بس حاسيت فى وقتها ان فرق 15 الف كتير على الأمكانيات بتاعتها مقارنة بالسيريون
وفعلا انا بابص على الماتيريا دلوقتى من منظور تانى خالص .. انا نصحت بيها اخويا بس هو بيفكر فى اللانسر الجديدة

[aliabutaleb]

... طلعت بالعربية يوم 12/7 الساعة الواحدة صباحا....ايوة صباحا ... علشان انا من سوهاج .. يعنى ماتزعلش يا على على ال 75 كيلو بتوعك ..

اللي يشوف بلوة غيره

ياللا خير ان شاء الله يا دوك
الف مبروك وعقبال الصيانة المليون :)
ألا صحيح هو بعد صيانة الـ 5 آلاف الصيانة اللي بعدها على كام؟

تاني حاجة
حساب الإنذار لوحده كام؟
وشكله ايه التحكم بتاع الانذار؟ في المفتاح نفسه ولا منفصل

سؤال أخير
كنت بافكر أعمل صيانة الـ 5000 في اسكندرية
هل تنصحوني بده ولا فيه حاجة تقلق هناك؟

[MoToRiZeR]

اللي يشوف بلوة غيره

ياللا خير ان شاء الله يا دوك
الف مبروك وعقبال الصيانة المليون :)
ألا صحيح هو بعد صيانة الـ 5 آلاف الصيانة اللي بعدها على كام؟

تاني حاجة
حساب الإنذار لوحده كام؟
وشكله ايه التحكم بتاع الانذار؟ في المفتاح نفسه ولا منفصل

سؤال أخير
كنت بافكر أعمل صيانة الـ 5000 في اسكندرية
هل تنصحوني بده ولا فيه حاجة تقلق هناك؟

الصيانة الدورية كل 5 الاف كيلو إن شاء الله يا استاذ علي
يعني الصيانة الجاية 10 الاف بس مش هتغير زيت ولا فلتر لو حضرتك في الصيانة اللي فاتت حطيت موبيل وان اللي بيقعد 10 الاف كيلو

بالنسبة للإنذار انا ركبته في يناير كان الحساب كله 560 بالتركيب بكل حاجة و كان نوعه "اونو" صناعة تايواني ..
و كان معاه اتنين ريموت عليهم علامة دايهاتسو مرفق معاهم سلاحين يمكن تركيبهم في الريموت و يتم خرطهم علي شكل المفتاح .. يعني ممكن تخلي المفتاح في الريموت و ممكن تخليه منفصل .. انا عن نفسي عامله منفصل لأن ساعات ببقي هنزل في بنزينة مثلا و انا مشغل التكييف و ملهاش لازمة ابطل العربية عشان مش هغيب الا دقيقة عشان اشتري ازازة مية فا بسيب العربية دايرة و اقفل السنتر لوك بالريموت من برة . و دي أحد ميزات المنفصل

بالنسبة لموضوع اسكندرية ده معنديش فكرة الصراحة :)

[aliabutaleb]

شكراً يابو حنفي على الرد
انا فعلاً حجزت صيانة الـ 5 يوم 9 أغسطس إن شاء الله
انا كانت مشكلتي اني مش عارف في التاريخ ده هاكون لو لي عمر في القاهرة ولا الاسكندرية
فتوكلت على الله وحجزت في القاهرة
وانا في انتظار حد من الاخوة يكون جرب الصيانة في اسكندرية
على ما أتذكر المتاح هو فقط مركز الرزق اللي في العامرية
صححولي لو غلطان

[ows212]

اللي يشوف بلوة غيره

ياللا خير ان شاء الله يا دوك
الف مبروك وعقبال الصيانة المليون :)
ألا صحيح هو بعد صيانة الـ 5 آلاف الصيانة اللي بعدها على كام؟

تاني حاجة
حساب الإنذار لوحده كام؟
وشكله ايه التحكم بتاع الانذار؟ في المفتاح نفسه ولا منفصل

سؤال أخير
كنت بافكر أعمل صيانة الـ 5000 في اسكندرية
هل تنصحوني بده ولا فيه حاجة تقلق هناك؟

الله يبارك فيك يا ابو رقية
الأنذار هايتكلف 506 بالتركيب 300 تمن الأنذار و 150 تركيب والباقى ضريبة مبيعات ..... وهو بالضبط كده زى ما محمود قال