إعـــــــلان

Collapse

.

,
See more
See less

تقييمى للهيونداى i30 ( بالصور )

Collapse
X
Collapse
 
  • Page of 10
  • Filter
  • الوقت
  • Show
Clear All
new posts
السابق 1 2 3 4 5 6 7 10 template التالي
  • #1

    تقييمى للهيونداى i30 ( بالصور )

    [frame="7 80"]تم اختيار هذا الموضوع كافضل موضوع لشهر مايو 2009 و سيتم اختيار افضل موضوع شهريا لتثبيته
    مشرف هيونداي
    [/frame]

    السلام عليكم

    انا كنت واعدكم من زمان انى حعمل التقييم بس معلش اتأخرت شوية علشان كنت مشغول جدا والله و اول ما حضرت الصور لقيت المنتدى وقع :( بس الحمد لله بعد ما المنتدى اتحسن قلت اكتب التقييم
    نايل موتورز


    اولا الكماليات

    الكماليات العادية جدا و الموجودة فى اغلب العربيات الجديدة بس الحمد لله مبسوط منهم جدا
    (و اتعقدت لما فتحت الكاتلوج و والله قفلتة و مفتحتوش لغاية دلوقتى علشان متعقدش اكتر كمية كماليات رهيبة جدا متشالة حتى فى اعلى فئة )

    -تكييف طبعا عادى مش تاتش و حتكلم علية بعدين
    -باور بجد تححححححفة و خفيف جدا و مريح ( كهرباء ) و بجد لما بسوق الجيتز بتاعت خالتى بحس ان الباور تقيل بتاع الجيتز
    -4 زجاج كهرباء + وحدات رفع ( السائق بس هوة الأوتو )
    -مرايات كهرباء
    -سنتر لوك مع ريموت من مصر مش بتاعها
    -كاسيت اصلى (built in ) مع تحكم مالتى فانكشن من الدريكسيون و 4 سماعات
    -مساحة خلفية

    دية الكماليات الى عندى و فية كماليات بقى موجودة فى الفئات الأعلى زى مثلا

    - تكييف تاتش
    -فتحة سقف
    -ايرباج
    -ABS
    -فتحة Ipod و USB
    -6سماعات
    -كمبيوتر رحلات
    و حاجات تانية بصراحة مش متذكرهم اوى


    الشكل الخارجى

    العربية جميلة جدا من الخارج و انسيابية ( ازواق ) و بصراحة معرفتش اصورها صورة حلوة من الخارج فا ممكن حاخد صورة من على النت






    الفوانيس الخلفية كبار شوية بس شكلهم حلو و مش حاجة شاذة

    الفوانيس الامامية عدسات و دية مهمة لو انت عاوز تركب زينون و كمان مش بيعمو الى جاى امامك ( العدسات على الواطى ) و النور بجد قوى جدا جدا جدا لو نورت العالى
    نايل موتورز

    الشكل الداخلى

    التصميم الداخلى انا شايفة شيك و حلو جدا و الخامات بتاعتة بجد جيدة جدا يعنى البلاستيك مش خشن لأ ناعم و طرى يعنى لو دست علية حتلاقية بيخش لجوة :) و الخامات مش فقيرة ابدا و قوية و فية شوية نواكل بسيطة كدة مديالة شكل جميل زى ما موجود مثلا حول بكر التكييف و الكاسيت و المرايات الكهرباء و الفتيس







    التكييف :

    قوى و ممكن تشغلة على 3 لو انت فى عز الحر بعد الظهر و بعدين تنزل ل 2 و حتلاقى الجو ساقع حتى لو مركب ناس و بالليل 2 يكفى جدا و ممكن تشغلة على 1 و هوة بكر فى الفئات الأولى و تاتش فى الفئات الأعلى

    التحكم فى فتحات خروج الهواء ( من فوق ولا من تحت ) بزراير مش بمفتاح

    الكاسيت :

    صوتة جميل و السماعات كويسين الى حد كبير بس مش بتوع انك تعليهم لأ يعنى تسمع صوت كويس و BASS كويس بس منغير متعلى اوى لو عليت حتلاقى السماعات خرفت
    و جميل جدا المالتى فانكشن و فية تحكم فى ال MODE و ال VOLUME و ال Track او المحطات بتاعت الراديو

    نايل موتورز
    عيب الكاسيت بس انة اوديو و صعب انك تغيرة لأنك حتبوظ شكل التابلوة و كمان حتستغنى عن المالتى فانكشن

    - ساعة تتوسط التابلوة بتنور ازرق :)

    العدادات :

    جميلة جدا و واضحة و نورها ازرق بس مش زى بتاع الفولكس لأنى مش بحبة ابدا





    و زى ما هو موضح فى الصورة الشاشة الى فى النص بتوضح الكيلومترات و فيها عداد ممكن تعملة ريسيت فقط و لكن مفيش كمبيوتر رحلات ( فى الفئات الاعلى ) و كمان بيوضحلك انهى باب مفتوح بالظبط ( الأربع ابواب + الشنطة مجربتش الكابوت بصراحة ) و كمان بيوضح انت على انهى نقلة ( بطريقة واضحة و كبيرة )

    نايل موتورز

    تقفيل الابواب ممتاز برضة و مفيهوش غلطة و موجود فى الأجناب اماكن تخزين



    الدرج بتاع التابلوة وسعة متوسط و فية فتحة للتكييف علشان لو حطيت حاجة متسيحش و ممكن تقفلها لو عاوز




    اماكن التخزين فى التابلوة

    للأسف المكان دة ميقديش CD الباب مش حيقفل








    السيارة يوجد بها مخرج كهرباء بجانب الولاعة



    الطفاية جديدة محدش استخدمها علشان مبندخنش كلنا



    الأزرار فى الباب بتاع السائق

    الزجاج و زرار فتح و غلق السنتر و زرار القفل بتاع الأطفال فى المقاعد الخلفية و المرايات

    المرايات الجانبية كبيرة جدا و بتوفر مساحة رؤية رائعة و الخلفية كويسة بس هوة المساحة بتاعت الزجاج الخلفى مش كبيرة اوى بس بتشوف كويس برضة

    نايل موتورز



    الكراسى مريحة جدا بس واطية جدا جدا جدا و تحس انك قاعد فى الأرض ( لا يمكن تعديل ارتفاع المقعد الا فى الفئات الاعلى ) و هية قعدة سبور و الفرش شكلة حلو جدا و بيثبت الواحد فى مكانة فى الملفات



    و المساحة الامامية ممتازة و يمكن تعديل ارتفاع الدريكسيون

    المساحة الخلفية اكثر من رائعة بجد واسعة جدا و عكس ما الناس ممكن تبقى فكرة لأنها هاتشباك بس هية مش Supermini هية small family car

    و دية المساحة الخلفية و الكراسى راجعة لورا على قعدتى و انا برجع الكرسى بس مش للاخر يعنى بس بقعد مرتاح جدا جدا

    نايل موتورز

    ( اسف الدواسات مش نضيفة كنت رايح اغسلها )



    المساحة الخلفية ممتازة جدا ك Headroom و Legroom و انا برضة على قعدنى قدام بقعد مرتاح جدا ورا و كمان بيبقى فية مساحة فاضية بين الكرسى و رجلى



    الصورة دية على نفس ظبطة الكراسى فى الصورة الى فوقها

    العربية فى الليل نورها ازرق



    معلش مكنتش مدور العربية فا الشاشة الزرقاء الى فى النص مش منورة



    نيجى بقى للشنطة الخلفية هية 340 لتر هية مش واسعة اوى و مش ضيقة و هية مرتفعة يعنى مش عميقة و دة بسبب نظام التعليق بتاعها

    نايل موتورز

    ملحوظة الشنطة دية مش شنطة كبيرة علشان محدش يفتكرها كبيرة هية شنطة صغيرة



    نايل موتورز
    تقفيل الموتور مش متغطى كلة يعنى فية اسلاك باينة




    _____________________________

    نيجى بقى للقيادة

    نايل موتورز
    العربية بجد ثابتة جدا جدا جدا على الأرض و تقيلة بجد وزنها 1300 كجم و العربية ممكن تسرح و متحسش بالسرعة و الملفات عادى جدا انا مجربتهاش فى سرعات عالية اوى علشان مش بحب السرعة الجنونية بس بجد الى اقدر اقولة انها ثابتة بشكل غريب و دة بسبب حاجات كتيير

    نايل موتورز
    العربية عريضة جدا و دية مشكلة فى الشوارع الصغيرة بجد ببقى مخنوق جدا ابقى بعدى بالعافية و لازق فى العربيتين الى على الجمبين و بالراحة و الاقى العربية الى ورايا بتعدى عادى جدا :( مش عيب سواق على فكرة :) :) ) و كمان بلاحظها لما بركن بلاقيها طالعة عن معظم العربيات برة مع انى لازقها فى الرصيف

    العفشة ناشفة و مش مريحة فى الشوارع الجميلة بتاعتنا بس هوة دة دة ثمن الثبات يعنى من الأخر العربية مش مريحة هية ناشفة فى المطبات

    وزنها زى ما ذكرت 1300 كجم

    القعدة فى العربية منخفضة جدا يعنى بحس انى قاعد فى الأرض

    لية ملاحظة على الكاوتش بتاعها بحس انة صغير عليها و انها عاوزة كاوتش اعرض و جنوط اكبر و دة موجود فى الفولى لودد

    نايل موتورز

    __________


    الرؤية من الداخل حتبقى صعبة لو الى بيسوق قصير و لكن لو طولة عادى حيبقى عادى جدا و الكابوت فية زى خطين بارزين كدة بيبينو اخر العربية ( الكابوت مش صغير )

    الرؤية الخلفية مش ممتازة و لكن جيدة جدا و دة لأن الزجاج الخلفى مش كبير اوى فى الأرتفاع بس المرايات الجانبية بتعوض دة و هية كبيرة جدا

    نايل موتورز
    __________

    المحرك كويس جدا و سحبة جميل جدا لما تعمل كيك داون غير كدة العربية عادية و سحبها مش عالى اوى و دة لأنها اوتوماتيك و كمان 1300 كجم و على فكرة طلعت العربية قوية مش ضعيفة و لو عاوز تسحب يبقى تعمل كيك داون حتحس بال 122 حصان

    نايل موتورز
    و التكييف بيأثر على السحب


    و مش مقتنع بأى حد يقولى عربية 1300 سى سى او 1600 سى سى و التكييف على الموتور و العربية مش بتتأثر بالسحب او بتتأثر تأثير خفيف لايذكر لأ انا بحس جدا بالعربية لما بشغل التكييف مبتبقاش زى و انا مش مشغل التكييف الطلعة بتبقى ابطأ و لازم ادوس بنزين اكتر و السحب بيقل و مش فرق طفيف لأ فرق ملحوظ بس العربية مش بتموت يعنى لأ بتمشى عادى جدا بس التكييف بياثر على السحب

    نايل موتورز




    __________

    استهلاك البنزين بصراحة محسبتوش بس هوة بيبقى كويس جدا مع القيادة الهادئة حتى فى الزحام و التكييف

    __________

    الفتيس نقلاتة كويسة و ناعمة و هوة حارات و بجد احسن من الى بزرار فى رأى

    انا مكنتش بحب الحارات بس بعد ما جربتها بجد احسن من التانى و فية نقلات 1 - 2 - 3 - D - N - R - P و ممكن تستعمل النقلات دية انك تنقل انت و سهلة جدا لأن السوستة بتاعت الفتيس بتجيب العصا فى المكان الى هوة علشان تنقل من 1 ل 2 يبقى تزق الفتيس زقة لفوق و حتلاقية مظبط نفسة بعدين انك علشان تجيب من 2 ل 3 يبقى تزق برضة زقة لفوق مش تقعد تجيب يمين و شمال علشان تظبط الحارة ( انا عارف انها ممكن تكون حاجة عادية جدا بس انا حبيت بس اوضح انا لية عجبنى ) و ممكن تطلع المفتاح و انت على N عادى
    نايل موتورز


    بعض الملحوظات البسيطة :

    -العفشة ناشفة
    -الثبات ممتاز
    -العربية عريضة
    -التكييف قوى
    -كبيرة نوعا ما مش صغيرة
    -بيعجبنى طريقة رش المياة على الزجاج الأمامى انة مش بس مية بتطلع و خلاص لأ دة بيرش مية بطريقة كدة عجيبة بتخلى الزجاج كلة يجى علية مياة
    -الأنوار الداخلية للعربية عاجبانى جدا
    -ناقصها ال Airbags و ال ABS فى الفئات الأولى
    -سعرها عالى حبتين فى نظر الناس بس انا مش شايفة عالى لأنة تقريبا زى سعر الألنترا و هية تقريبا الانترا هاتشبك و المعروف ان الهاتشباك اغلى من السيدان ( مثل التيدا )
    -الأسعار من 103 لغاية 134 للفولى لودد
    -الأنتشار مش كبيرة و دية ميزة و عيب بس انا بشوفة ميزة حلوة
    -التقييمات كلها على النت بتشكر جامد فى العربية و مفيش حد ذم فيها خالص
    -بتنافس فى الخارج الجولف و الفوكاس و ال307 و الأسترا يعنى فى الفئة دية


    و فى النهاية انا الحمد لله مبسوط جدا جدا من العربية و مش ندمان خالص على الشراء و لو رجع بيا الزمن كنت حجيبها برضة بس كنت ممكن استنى شوية و اجيب الفئة الى اعلى شوية


    الحمد لله كدة خلصت الموضوع اتمنى انه يكون عجبكم و لو حد عندة اى استفسار عن اى حاجة فى العربية انا موجود و الموضوع مجهودى الشخصى ياريت لو حد عاوز ينقلة يذكر اسم المصدر نايل موتورز
    [CENTER]الحمد لله[/CENTER]
    [CENTER] [/CENTER]
    [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]
    الكلمات الدلالية (Tags): 1300, 1600, 20, 2008, 2009, 316, 40, 50, 504, abs, advice, airbags, egr, engine, font, hyundai, i30, أسعار, أشهر, ابو غالى, اداء, استهلاك البنزين, اسلاك, افضل, الأولى, البنزين, التسارع, التوكيل, الجديدة, الجي, السرعة, السى دى, الشنطة, الضمان, العزل, الفئة, اللي, المروحة, النترا, الهادئ, الي, اوبشن, اوتوماتيك, بالصور, بنزين, بيع, تعديل, تقصم, تقييم, تقييمى, تكييف, تويوتا, تويوتا كورولا, تيدا, ثبات, جنزير, جنط, جنوط, جولف, جيتز, حجز, خليجي, دى, رائع, ريس, سرعة, سعة, سعر, سوست, سيارة, سيراتو, شار, شراء, شنطة, صوت, صور, صيانة, ضمان, ضيف, طريقة, عداد, عدادات, عدة, عربية, عرض, عفشة, عليهم, عمة, عن, غبور, فئة, فتحة, فتيس, فرامل, فرامل اليد, فرش, فرق, فوانيس, فولكس, في, كاسيت, كاوتش, كل, كماليات, كورولا
  • #2
    يشرفني اني اكون اول واحد يرد علي تقييمك الرائع لعربيتك يا استاذ فهد وربنا يباركلك فيها ويبعد عنك الحسد والعين
    [CENTER][B][SIZE=5][FONT=Comic Sans MS][/FONT][/SIZE][/B]
    [img2]http://imageshack.com/a/img538/7929/6YG51m.jpg[/img2][/CENTER]

    Comment

    • #3

      تقييم ممتاز يا فهد مش سايب حاجة غير واتكلمت عليها

      ربنا يباركلك فيها يارب
      [CENTER]
      [FONT=Comic Sans MS][SIZE=4][COLOR=Blue]Omar[/COLOR][/SIZE][/FONT]

      [img2]http://www8.0zz0.com/thumbs/2009/10/06/18/187809311.jpg[/img2]
      [/CENTER]

      Comment

      • #4
        ما شاء الله يافهد العربيه ممتازه وتقييمك ممتاز اكتر وربنا يباركلك فيها ويديلك خيرها ويكفيك شرها

        Comment

        • #5
          تقييم هاااايل و مجهود رائع يا فهد ماشاء الله

          ربنا يباركلك فيها و بحفظهالك يا رب :)
          [SIZE="2"]i'll miss everyone[/SIZE]

          Comment

          • #6
            معلش كنت عاوزة اسال على سعرها؟؟
            [SIZE="2"]i'll miss everyone[/SIZE]

            Comment

            • #7
              ايه الحلاوه ديه يا فهد :):)
              و لله تقييم 100 100
              ربنا يباركلك فيها و هي ما شاء الله تحفه
              بس انا اول مره اعرف انها 1300 كجم !!!
              [URL="http://www.postimage.org/image.php?v=aV1YY7F0"]
              [/URL]

              Comment

              • #8
                مع اني مش من محبي الهيونداي إلا ان وصفك التفصيلي للعربية شدني إني أكمل للآخر :)

                ربنا يبارك لك فيها يا رب :)

                Comment

                • #9
                  ما شاء الله لا قوة الا بالله.. عربية ممتازة فعلاً.
                  أشكرك على تقييمك الممتاز و ربنا يحفظهالك و تستعملها في الخير دايماً.

                  Comment

                  • #10
                    تقيييم ممتاز ..
                    وعربيه فعلا جميله واول العربيات الفاخره من هيونداى من وجهة نظرى

                    Comment

                    • #11
                      الله ينور عليك يا فهد وتقيم ممتاز جدا جدا
                      [SIZE=3][COLOR=navy][gdwl]
                      [SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
                      [/gdwl][/COLOR][/SIZE][SIZE=4][COLOR=navy][/COLOR][/SIZE]
                      [SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]

                      Comment

                      • #12
                        متشكر جدا جدا يا جماعة على الردود الحلوة دية

                        بالنسبة للأخت نهى

                        السعر من اول 106 الف للمانيوال و نفس الكماليات الى عندى و تزيد 3000 جنية لو بفتحة سقف او 112 اوتوماتيك و دية اول فئة فى الأوتوماتيك و تزيد 3000 جنية لو بفتحة سقف و فية بعدين فئة ب 131 و دية فل اوبشن و بتزيد 3000 جنية برضة لو بفتحة سقف
                        [CENTER]الحمد لله[/CENTER]
                        [CENTER] [/CENTER]
                        [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

                        Comment

                        • #13
                          الف شكر يا فهد علي التقييم

                          وربنا يباركلك فيها
                          [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

                          Comment

                          • #14
                            تقيم مميز
                            الف مبروك على العربية
                            ربنا يباركلك فيها ان شاء الله
                            [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                            [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                            [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                            [/CENTER]
                            [/CENTER]
                            [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                            [CENTER] _______________[B]
                            [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                            [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                            [/CENTER]
                            [B][COLOR=Blue][B][SIZE=2]
                            اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                            _______[COLOR=Blue]_______________
                            [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                            Comment

                            • #15
                              تقيم رائع يا فهد ربنا يباركلك فى عربيتك , ال I 30 عربيه محترمه جدا ..... لما ركبتها فى المعرض لفت نظرى جوده التقفيل و الخامات الجيده جدا + انى حسيت ان المساحه الخلفيه للصالون اوسع نوعا ما من الالنترا !! مش عارف انا صح ولا تهيؤات .

                              و متفق معاك مليار % ان التكيف بيأثر على سحب اى عربيه خصوصا الى اقل من 2000 سى سى .

                              انا لما بشغل التكيف بحس ان15 : 20 % من عزم الموتور نقص ... و بتبان اكتر فى الطلعه الاولى , او فى مطالع الكبارى .... لازم تدوس بنزين ازيد . وانا شايف ان ده الطبيعى .

                              Comment

                              السابق 1 2 3 4 5 6 7 10 template التالي
                              Working...
                              X