تأخير التوكيل في قطع الغيار

[M.Mosaad]

الحمد لله انا اشتريت سيريون اتوماتيك 2008 و استلمتها في 23-6-2008 و الحمد لله علي كل حال اتخبطت تاني يوم من الناحيه اليمين و المفروض اني اغير اكصدام امامي و كارتيرة و الفانوس اليمين و الرفرف لسه هيشوفوا هيتغير و لا التامين هيرخم و يحاولوا يردوة المهم انا النهاردة يوم 23-7-2008 و لحد دلوقتي الاكصدام الامامي لسة مش موجود و انا ماشي بالعربيه كدة بقالي شهر يعني عربيه جديدة و مخبوطة الحمد لله
انا لاحظت ان في كذا موضوع عن قطع غيار ناقصة ( زجاج امامي - و وحدات رفع ) ان كنت فاكر ان المشكله في الاكصدام بس من الواضح ان في حاجات كتير ناقصة و لا انا فاهم غلط يعني انا اشتريتها علشان التوكيل محترم لكن من الواضح كدة ان القطع بتتاخر اوي و لا انا اللي حظي وحش
سؤال تاني لو سمحتم هو الدهان و السمكرة هناك نضيفه بترجع العربيه زي ماكانت و لا بتسيب اثر اصل فعلا انا مضايق جدا لاني ملحقتش لتهني بس الحمد لله علي كل حال
و علي فكرة العربيه نفسها ممتازة لاني فعلا قعدت شهرين عمال اقارن بين كذا موديل لحد ماستقؤيت عليها بس فعلا كانت الحمد لله اختيار موفق عربيه رائعه و سحبها رائع و مريحه جدا من جوة وواسعه و ناعمه و الدركسيون الكهربا دة حاجة جميله اوي يعني من الاخر هي احسن عربيه لحد 90 الف جنيه في رأي المتواضع
شكرا جدا ليكم و اسف علي الاطاله

[zozza]

محمد باشا اولا حمد الله عالسلامة و الحمدللة انك بخير و ربنا يعوض عليك ان شاء الله

اما عملت حادثة زي بتاعتك دي بالضبط من 6 شهور تقريبا و بردو غيرت اكصدام امامي و فانوس امامي شمال و كرتيرة رفرف و كل الحاجات دي مكانتش موجودة بردو بس جابوهالي في اسبوع و العربية من ساعة ما عمالت الحادثة لحد ما استلمتها اخدت معايا 3 اسابيع و لولا التأمين كان ممكن استلمها اسبوع بدري.
اللي عاز اقولهولك ان الناس هناك بيبذلو كل المجهود اللي يقدرو عليه و ما شاء الله العربية بتتباع بشكل رهيب و هما عليهم ضغط كبير. انت بس شد حيلك معاهم و اقرص عليهم شوية و كل حاجة هتم علي خير ان شاء الله.
بخصوص الدهان انا عربيتي لونها احمر و رشولي الرفرف و الاكصدام الجداد و العربية رجعت زي الاول و احسن و الدهان عندهم ممتاز وانا كنت واقف بتفرج عليها و هي بتتدهن و للعلم هما كمان بيسرقوا من لون العربية نفسها بعد ما بيرش عشان لو كان لون العربية اتغير من الاستعمال يبقي القطعة اللي مرشوشة جديدة ماتبنش ان لونها اجدد من لون باقي العربية.
و للعلم كمان ان التأمين هو اللي دفع كل التكاليف و انا مدفعتش حاجة خالص.

[Sharky]

توكيل دايهاتسو معروف بعدم توفر كل قطع الغيار و دايما بتاخد وقت لحد ما يجيبوها

[M.Mosaad]

الف شكر علي الردود و ربنا ييسر اديني مستني و كل شويه بتصل ربنا يسهل
الف شكر ليكم جدا يا جماعه

[أبو عبدالله]

توكيل دايهاتسو معروف بعدم توفر كل قطع الغيار و دايما بتاخد وقت لحد ما يجيبوها

يا حاج احمد ما انت عارف ان التجارب الفردية ليس دليل على كده ولا ايه

يعني سبق واكام واحد من ملاك العربيه راح التوكيل ووجد اللي هو عاوزه من كام واحد راح وملقاش

يعني بلاش التعميم كأنها قاعده بنتكلم عليها

[معاذ الشرباصى]

ربنا يكون فى عونك

يا ريت حضرتك تتصل ب 16168

و تسجل شكوتك بخصوص التأخير لعل و عسى يتم تدارك الموضوع ده فى المستقبل

[M.Mosaad]

علي فكرة انا عن تجارب اصحاب كتير اعترف ان التوكيل دة من احسن التوكيلات في مصر بس المشكله في مصر ان الواحد دايما بيدور عن احسن الوحشين يعني صب اوي تمشي بعربيه جديدة مخبوطه لمدة شهر - يعني الحمد لله ان العربيه ماشية امال لو واحد تاني عربيته واقفه علي قطعه الغيار دي كان عمل ايه و خصوصا لو شغله معتمد علي وجود اعربيه
هما قالولي ان الجمارك بيبقوا عايزين اكراميات و هما مش بيدفعوا علشان كدة الحاجة بتتاخر في الجمرك - يعني الاكصدام في المينا بقاله اسوعين و لشه مخرجشي

[ushraf]

يا حاج احمد ما انت عارف ان التجارب الفردية ليس دليل على كده ولا ايه

يعني سبق واكام واحد من ملاك العربيه راح التوكيل ووجد اللي هو عاوزه من كام واحد راح وملقاش

يعني بلاش التعميم كأنها قاعده بنتكلم عليها

مع احترامي: لو زبون واحد راح التوكيل ومالقاش اللى عاوزه يبقى توكيل ؟؟؟؟
وحكاية الجمارك دي متعديش على طفل بيوأوأ

[أبو عبدالله]

مع احترامي: لو زبون واحد راح التوكيل ومالقاش اللى عاوزه يبقى توكيل ؟؟؟؟
وحكاية الجمارك دي متعديش على طفل بيوأوأ

عيبنا دائما ان احنا بنحب الكلام وخلاص
بدون ما ننظر للواقع العملي ايه اللي بيحصل

يعني حضرتك ازاي يعني ان كل واحدفي اي وقت لازم لازم يروح التوكيل يلاقي قطعه معينه محدده مستنياه

ازاي

في كام الف عربيه من الموديل وممكن تعمل حوادث لا بدخل احد ولا بحسابات احد
وفجاه تلاقي النسبة اللي حضرتك مخصصها لنفسك ولتوكيل لقيتها خلصت ايه المشكلة في كده

ثانيا موضوع الجمارك ده قبل ما تتهم ان الكلام كذب او خداع
لأن الموضوع ده بيحصل ما كبرى الشركات في مصر زي العربي كده
ولو حضرتك لك احد شغال مثلا في منتجات العربي زي التكييف هتعرف ان الجمارك كانت ساعات بتوقفله الخامات اللي داخله ويقف انتاج التكييف عنده لفتره زي دلوقتي مفيش تكييف 1.5 حصان شارب في السوق كله
تفتكر هو موقف الأنتاج بمزاجه يعني واحنا في عز الموسم الحار وموسم شغلهم

ياريت بلاش نتكلم ونتهم كمان واحنا لسنا متيقنين من الكلام او على الأقل مفيش لدينا معلومات تؤكد ولا تنفي

[Sharky]

يا حاج احمد ما انت عارف ان التجارب الفردية ليس دليل على كده ولا ايه

يعني سبق واكام واحد من ملاك العربيه راح التوكيل ووجد اللي هو عاوزه من كام واحد راح وملقاش

يعني بلاش التعميم كأنها قاعده بنتكلم عليها

يا حاج أبو عبدالله

دا مش كلامى لوحدى
دا كلام ملاك دايهاتسو فى المنتدىو تقدر تراجع المواضيع و تتأكد من عدم توفر قطع الغيار و تأخرها
و لو لا قدر الله عملت حادثة أو إحتاجت قطعة غيار بره الصيانة الدورية حتقول إللى إحنا بنقوله دا
التوكيل يا أبو عبدالله مش تيل و فلاتر فقط

يعنى الحكاية عامة مش فردية و ياريت التوكيل فعلا يحس بيها و يحلها و بلاش كلام بقى رشاوى و إكراميات الجمارك لإنها فى الاخر نتيجة لعدم توفر سيولة للوكيل من الأخر و أنا عارف بقول إيه لإنه شغلى كله له علاقة بالشحن و الجمارك

[أبو عبدالله]

يا حاج أبو عبدالله

دا مش كلامى لوحدى
دا كلام ملاك دايهاتسو فى المنتدىو تقدر تراجع المواضيع و تتأكد من عدم توفر قطع الغيار و تأخرها
و لو لا قدر الله عملت حادثة أو إحتاجت قطعة غيار بره الصيانة الدورية حتقول إللى إحنا بنقوله دا
التوكيل يا أبو عبدالله مش تيل و فلاتر فقط

يعنى الحكاية عامة مش فردية و ياريت التوكيل فعلا يحس بيها و يحلها و بلاش كلام بقى رشاوى و إكراميات الجمارك لإنها فى الاخر نتيجة لعدم توفر سيولة للوكيل من الأخر و أنا عارف بقول إيه لإنه شغلى كله له علاقة بالشحن و الجمارك

ضحكتني يا احمد بجد
سيولة ايه بس يا عم اللي انت بتتكلم فيها

انت بتهزر اكيد

انت عارف عبداللطيف الجميل ده ايه
ده بيمتلك 40% من اسهم شركة تويوتا
انت عارف هو واخد كام توكيل لتويوتا ولكزس ودايهاتسو في العالم

ده واد اكتر من نص افريقيا وغالب الخليج

اما بخصوص قطع الغيار فبرضه كلامك بتقول حاله عامه

وانا سالت قبل كده كام واحد راح ملقاش اللي هو عاوزه وكام واحد راح لقى اللي هو عاوزه وبعدين تقولي الاحصائية دي جبتها منين

كلمة عامة دي صعبه قوي يعني

[Sharky]

ضحكتني يا احمد بجد
سيولة ايه بس يا عم اللي انت بتتكلم فيها

انت بتهزر اكيد

انت عارف عبداللطيف الجميل ده ايه
ده بيمتلك 40% من اسهم شركة تويوتا
انت عارف هو واخد كام توكيل لتويوتا ولكزس ودايهاتسو في العالم

ده واد اكتر من نص افريقيا وغالب الخليج

اما بخصوص قطع الغيار فبرضه كلامك بتقول حاله عامه

وانا سالت قبل كده كام واحد راح ملقاش اللي هو عاوزه وكام واحد راح لقى اللي هو عاوزه وبعدين تقولي الاحصائية دي جبتها منين

كلمة عامة دي صعبه قوي يعني

أولا يا أبو عبدالله مع إحترامى البالغ لعبداللطيف جميل لكن طبيعى عند رجال الأعمال الكبار إنه يقد يكون عنده أزمة سيولة لفترة قليلة و دا عادى جدا فى كل العالم و طبيعى و لو شفت حال الشركات الخاصة فى مصر و أصاحبها رجال الأعمال كبار حتعرف إللى أنا بقوله و مش حتقعد تضحك على كلامى من حكم إحتكاكى بالعديد من الشركات دى فى عملى كمشتريات و معرفة بحال معظمهم من شركات الشحن و الجمارك .

من الاخر كل شركة بتغطى نفسها و عبدالله اللطيف مش حيدفع من جيبه علشان دايهاتسو مصر و إلا كان من باب أولى كان عمل مركز صيانة أكبر من إللى عاملة دلوقتى أو كان صرف و عجل بمركز الصيانة إللى لسه مخلص فى أبو رواش أو كان زمانه فتح العديد من مراكز الصيانة إللى محتاجها ملاك دايهاتسو فى مصر أو كان وفر قطع الغيار بطلبيات أكتر لتعويض مشالك الجمارك إن كانت موجودة أصلا

اما بالنسبة لقطع الغيار فممكن تسأل مثلا ملاك دايهاتسو فى المنتدى و هما يقولوا دى حالة فردية و لا عامة تولفر قطع الغيار إللى فى التوكيل هى قطع غيار الصيانات الدورية فقط و الباقى بياخد وقت طويل لتوفره و دى حقيقة ممكن تتأكد منها لو سالت التوكيل نفسه

ماتخليش حبك لدايهاتسو يعميك عن بعض العيوب زى عدم توافر قطع الغيار و ضيق مركز الصيانة و عدم إستطاعتهم حل مشكل علبة الدريكسيون حتى الان رغم مرور أكثر من عام على نزول سيارات دايهاتو فى مصر بالعكسيجب إظهارها و الضفط على التوكيل لحلها حتى يكون لها مكانه بين التوكيلات المحترمة فى مصر

[أبو عبدالله]

أولا يا أبو عبدالله مع إحترامى البالغ لعبداللطيف جميل لكن طبيعى عند رجال الأعمال الكبار إنه يقد يكون عنده أزمة سيولة لفترة قليلة و دا عادى جدا فى كل العالم و طبيعى و لو شفت حال الشركات الخاصة فى مصر و أصاحبها رجال الأعمال كبار حتعرف إللى أنا بقوله و مش حتقعد تضحك على كلامى من حكم إحتكاكى بالعديد من الشركات دى فى عملى كمشتريات و معرفة بحال معظمهم من شركات الشحن و الجمارك .

من الاخر كل شركة بتغطى نفسها و عبدالله اللطيف مش حيدفع من جيبه علشان دايهاتسو مصر و إلا كان من باب أولى كان عمل مركز صيانة أكبر من إللى عاملة دلوقتى أو كان صرف و عجل بمركز الصيانة إللى لسه مخلص فى أبو رواش أو كان زمانه فتح العديد من مراكز الصيانة إللى محتاجها ملاك دايهاتسو فى مصر أو كان وفر قطع الغيار بطلبيات أكتر لتعويض مشالك الجمارك إن كانت موجودة أصلا

اما بالنسبة لقطع الغيار فممكن تسأل مثلا ملاك دايهاتسو فى المنتدى و هما يقولوا دى حالة فردية و لا عامة تولفر قطع الغيار إللى فى التوكيل هى قطع غيار الصيانات الدورية فقط و الباقى بياخد وقت طويل لتوفره و دى حقيقة ممكن تتأكد منها لو سالت التوكيل نفسه

ماتخليش حبك لدايهاتسو يعميك عن بعض العيوب زى عدم توافر قطع الغيار و ضيق مركز الصيانة و عدم إستطاعتهم حل مشكل علبة الدريكسيون حتى الان رغم مرور أكثر من عام على نزول سيارات دايهاتو فى مصر بالعكسيجب إظهارها و الضفط على التوكيل لحلها حتى يكون لها مكانه بين التوكيلات المحترمة فى مصر

يا عمي سيوله ولا مش سيوله ولا تزعل نفسك

بس انت اللي قولت حاله عامه وانا بسألك انت مش هسأل كل الملاك لأني اللي قال الكلام ده حالات فرديه وانا عارف انا بقول ايه

انا بسألك انت فين الحاله العامه دي

انا واحد من الناس طلبت حاجات وجتلي بعديها بأسبوعين من اليابان
ولما رحت اركب حاجات في العربيه لقيتها وغيري كتير لما راحو يركبوا حاجات ويغيروا لقوا قطع الغيار عادي

مش علشان كام واحد من ضمن الملاك كلهم ملقاش اللي هو عاوزه تبقى مشكلة عامه
وهو ده مقصدي

وانا الحمد لله لا يعميني شئ ان شاء الله
لأن مفيش حاجه اسمها حبك لشركه يعميك عندي

انا اتكلم على ما اراه حاليا امام عيني وبخبرتي اللي انا عارفها

ولو شوفت غير كده وانا معايا العربيه برضه تأكد اني اول واحد هبقى ضد هذا التوكيل او الشركة

ولكن المشكلة ان ساعات الواحد يتكلم على اي شركة اكنه يعلم على يقين بما داخلها وما تفعله ولا يعلم ظروف كثيرة وراء ذلك وممكن يكون في حيثيات كتير خلف الموضوع

وعلشان كده مبحبش امشي ورا كلام غير موثق او ليس له مصدر

ولكن الموثق عندي هو أنه ازاي احنا هنبقى احرص من الوكيل في ايجاد وتوافر في قطع الغيار اللي هيا مصدر رزقه ومكسبه الحقيقي من مبيعاته
لا ونتهمه كمان انه لا يوفر قطع الغيار


بصراحه قاعده غريبه ومش قادر ادخلها في دماغي

[ushraf]

بص م الاخر التوكيل المحترم بيحترم زبائنه
ويكون جاهز في اي وقت
اما التوكيلات الاخرى بتبيع العربية وبعد كده اشرب ياحلو
ولن ارد على الكلام التاني لانه مايستاهلش

[أبو عبدالله]

بص م الاخر التوكيل المحترم بيحترم زبائنه
ويكون جاهز في اي وقت
اما التوكيلات الاخرى بتبيع العربية وبعد كده اشرب ياحلو
ولن ارد على الكلام التاني لانه مايستاهلش

كلام حضرتك مظبوط وانا معه في كل حاجه
ولكن انا هقول لحضرتك جرب وبعدين تعالى نتكلم على خدمته للعملاء بتوعه
وانا لا اقوله انه اكتر من ممتاز والكلام ده ولكن ليس سئ وهو افضل بكثير من كثير من التوكيلات في مصر