العربيه مش بتدور - بيكانتو 2010

[Admmostafa]

السلام عليكم

ارجو المساعده

انا عندي مشكله ان العربيه مش بتدور

جيت الصبح ادور العربيه بتعمل صوت كأنها هتدور وبعد كده بتعمل صوت تكتكه على الفاضي

وجربت كذا مره مفيش فايده

شكيت ان ممكن تكون البطاريه نامت

بس صوت الكلاكس عالي والأنوار شغاله

وعندي شك انه يكون ترس البيندكس بس مش متأكد

كلمت الكول سنتر حولني على فني اسعاف الطريق
قاللي هجيلك في المكان اللي حضرتك فيه بعد 5 ساعات وقال ممكن تكون البطاريه او المارش
طيب حضرتك هي هتتكلف في حدود كام قالي 150
وهتعمل ايه
لأ ده مجرد تكلفة الإنتقال لعندك
ولسه هشوف فيها ايه واقولك ايه هيتغير
قلتله طيب هي ممكن يكون ترس البيندكس هو المشكله
هينفع تصلحها هنا
قالي لأ دي لازم تترفع علشان اغير المارش كله
وكده هتعوز تتنقل بس لما نشوف الأول
ايه الذكاء ده !
طيب ما انا اجيب اي واحد يشوف فيها ايه وبعد كده اصلحها في التوكيل

وكلمت مهندس الصيانه في ابو رواش قاللي ممكن تكون الدينامو

السؤال دلوقتي ايه العطل اللي فيها وينفع اصلحها بره بدون نفلها للتوكيل علشان كده هضطر انقلها على ونش

وايه اللي هيخرج من الضمان لو صلحتها بره

وهل قطع غيار العربيه لسه في الضمان

العربيه بيكانتو اوتو موديل 2010

وعامله 17000

[ozy2026]

قبل ما تعمل اى حاجه من الكلام ده جرب تأخد وصله من عربيه تانيه او تركب فيها بطاريه تانيه
وان شاء الله خير

[alking_2006]

غالبا مارش

[NaderNabil]

دي مشكلة البطارية يا باشا...كده خلاص جابت نمر ..حتى لو الكلاكس و الأنوار شغالة

خد وصلة من أي عربية و دورها و روح على أقرب واحد بتاع بطاريات...

[dr.hazem]

السلام عليكم

ارجو المساعده

انا عندي مشكله ان العربيه مش بتدور

جيت الصبح ادور العربيه بتعمل صوت كأنها هتدور وبعد كده بتعمل صوت تكتكه على الفاضي

وجربت كذا مره مفيش فايده

شكيت ان ممكن تكون البطاريه نامت

بس صوت الكلاكس عالي والأنوار شغاله

وعندي شك انه يكون ترس البيندكس بس مش متأكد

كلمت الكول سنتر حولني على فني اسعاف الطريق
قاللي هجيلك في المكان اللي حضرتك فيه بعد 5 ساعات وقال ممكن تكون البطاريه او المارش
طيب حضرتك هي هتتكلف في حدود كام قالي 150
وهتعمل ايه
لأ ده مجرد تكلفة الإنتقال لعندك
ولسه هشوف فيها ايه واقولك ايه هيتغير
قلتله طيب هي ممكن يكون ترس البيندكس هو المشكله
هينفع تصلحها هنا
قالي لأ دي لازم تترفع علشان اغير المارش كله
وكده هتعوز تتنقل بس لما نشوف الأول
ايه الذكاء ده !
طيب ما انا اجيب اي واحد يشوف فيها ايه وبعد كده اصلحها في التوكيل

وكلمت مهندس الصيانه في ابو رواش قاللي ممكن تكون الدينامو

السؤال دلوقتي ايه العطل اللي فيها وينفع اصلحها بره بدون نفلها للتوكيل علشان كده هضطر انقلها على ونش

وايه اللي هيخرج من الضمان لو صلحتها بره

وهل قطع غيار العربيه لسه في الضمان

العربيه بيكانتو اوتو موديل 2010

وعامله 17000

بذمتك مهندس التوكيل قالك ممكن الدينامو؟؟
ده مهندس ولا صبي صنايعي؟؟
الدينمو ميتحكمش عليه الا لما تدور العربية اصلا...
ما علينا...
مشكلتك غالبا بطارية...
حضرتك جرب خد اشتراك من اي حد وشغل دارت يبقى فورا على بتاع بطاريات وغيرها مدارتش نبتدي ندور في منظومة المارش....
تحياتي

Sent from my SE Arc S using Forum Runner

يا راجل انا قولت فيه كارثه بطاريه وانت مغمض وانشالله خير

[Admmostafa]

قبل ما تعمل اى حاجه من الكلام ده جرب تأخد وصله من عربيه تانيه او تركب فيها بطاريه تانيه
وان شاء الله خير

شكرا لرد ياباشا وهي فعلا طلعت البطارية

غالبا مارش

شكرا لمرورك وطلعت البطارية

دي مشكلة البطارية يا باشا...كده خلاص جابت نمر ..حتى لو الكلاكس و الأنوار شغالة

خد وصلة من أي عربية و دورها و روح على أقرب واحد بتاع بطاريات...

تمام وهو ده اللي حصل شكرا ليك

بذمتك مهندس التوكيل قالك ممكن الدينامو؟؟
ده مهندس ولا صبي صنايعي؟؟
الدينمو ميتحكمش عليه الا لما تدور العربية اصلا...
ما علينا...
مشكلتك غالبا بطارية...
حضرتك جرب خد اشتراك من اي حد وشغل دارت يبقى فورا على بتاع بطاريات وغيرها مدارتش نبتدي ندور في منظومة المارش....
تحياتي

sent from my se arc s using forum runner

للأسف يا باشا الفاتيين بيفتوا وإحنا معاهم الواحد بس مش عايز يغلط في حد الراجل يعني طلع مش بيفهم من اساسه

يا راجل انا قولت فيه كارثه بطاريه وانت مغمض وانشالله خير

طلعت فعلا البطارية بس قلة الخبرة


----------------------

المهم دلوقتي يا جماعة افضل نوع بطارية اجيبها ايه وتعيش هي موديل بطارية العربية :

mf 32-20dl 12 v rc55 min cca:354a

واجيبها سايلة ولا جافة وبكام لو حد عنده معلومه

شكرا ليكم

[temo85]

البطارية بالسلامه كده ,, غيرها وشوف

[dexter]

هي بطارية البيكانتو كده. عملتها معايا من سنة و شوية.

[alking_2006]

هي بطارية البيكانتو كده. عملتها معايا من سنة و شوية.

يعنى ايه؟
البيكانتو بتاكل بطارية زى شيفروليه لانوس؟
يعنى بتقعد قد ايه فى المتوسط؟