عيوب الكارينز الهاى لاين بعد سنة ونص هرى ولف

[ashouhdy]

السلام عليكم ورحمة الله

دلوقتى بعد سنة ونص من شرائي للكارينز ..... الايام بتجرى على فكرة ! انا حاسس انة امبارح بالذات بعد وداع فيرنتى !

المهم !

عيوبها فى وجهة نظرى تتلخص كالاتى:


فرامل اليد ! او الرجل !!! المهم انها مش بتستحمل وزن العريية ولو علي منزل او مطلع حتريح منك ولازم ولابد تديها p مع الفرامل

هى ما بتشلش وزن العربية غير وانا طالع من التوكيل ومظبطين الرجلاش وكلة 100 100



البنزين ! يعنى جوة البلد 170 كيلو فى ال20لتر ! ياللهول ! انا طلعت سفرية كدة مع صاحبي وهو معاة اوكتافيا a4 مانيوال تقريبا زيادة ربع الاستهلاك حوالى 20لتر زيادة

بس ارجع واقول الحجم والمساحة والتقل والثبات برضوا يستاهلوا بالذات ان ال a4 كلها من جوة قد الشنطة والكنبة عندى !!


مش حقول موتور ضعيف لانكم عارفنى وحافظنى وانصح اى حد عايزها نشيطة يتقل رجلة شوية عالبنزين وبلاش دلع وتحسيس ياخوانا :))) او اقلب ستيب ترونيك بس دلدل خرطوم للبنزينة وراك :)) هههه


لما تركب ديفندر ذى ومحمل حيحك للاسف فى المطبات العالية ... الديفندر مش العربية




اية كمان اية كمان ياواد ياحمد ..... اة زراير ازاز الكهربا التكتييين تقيلة حبتين


ااااة الحاجة بقى اللى ممكن تخلينى ابيع العربية ودة بجد مش هزار علي الاقل بالنسبة ليا ... يعنى مثلا انا شغلي بيقطم ضهرى علي طول متنى اة موطي مقلوب معكوس كدة يعنى فبعد الشغل بيكون ضهرى و رقبتي بيوجعوا
الدركسيون بعيد ! ايوا بعيد اذاى مفيش فية خاصية انك تقربة تليسكوبك يعنى .... انا مرجع الكرسي للاخر والضهر 90درجة وعشان اطول الدركسيون كويس لازم افرد دراعى للاخر ... عربية بالحجم دة والوسع دة كان لازم يقربوا الدركسيون !


اللى ناقصها تاني يكون فى بكرة تحكم فى اضاءة العدسات اطلعها وانزلها بكيفي وانا قاعد.

مش حتكلم علي المميزات لانى عامل موضوع اول ماجبتها بالصور

معلش بكتب من الموبايل لانى قاعد مريح عالبحر وبشرب شاى بالنعناع عالقهوة :))) اتفضلوا معايا :)))

Sent from my Note2 GT-N7100 using Forum Runner

حمدا لله على السلامة يا دكتور أحمد

بقى لك كثير مش بتشارك , ألف حمدا لله على السلامة

وربنا يبارك في الكارينز وفي كل ملاكها , وفي كل سيارات المنتدى ويحفظها من كل عين

علشان محدش يزعل ههههههههههه

أنا امبارح كنت باعمل صيانة ال 10000 عند السبع اللي في زهراء المعادي

واشتكيت لهم برضة من موضوع فرامل اليد ده , وعملوا الرجلاش وبقت تمام والحمد لله

ربنا يبارك لك , والسلام عليكم ورحمة الله وبركاته

عملت كام لحد دلوقتى؟
انا مرخص فى 3 2010 و داخل على 40000 بس انا بستخدمها اكتر فى السفر و نص نص فى البلد لانى كتير بستخدم العربيه الصغيره لو مراتى مش عايزاها

السلام عليكم
تحياتي لصاحب الموضوع و لجميع الاعضاء
هل يوجد اي شكوى من التكييف في الصيف
هل هناك نقط عمياء اثناء الركن
الفئة التي ليس بها فرامل مانعة للانغلاق هل يوجد مشكلة فيها ( لو حد عنده فكره )

[S O P H O S]

تقيم رائع منك للعيوب
ربنا يباركلك فيها ..

[تامر.محمد]

بيع و هات فلوانس يا معلم , كل اللي ناقصك فيها :))))))))))))



لأ لأ ما تبدأش الخناق باهزر :d :d :d :d :d :d

اسلوب كتابه وعرض جميل ... وشكرا للتقرير .

[محمد بدر]

والله كلامك كله مضبوط
وده كله يهون امام المميزات الكثيرة
فما زلت أقول
الكارينز السيارة العائلية الأولى فى مصر دون منافس أو منازع

سنة و نص .. ياااه .. الأيام بتعدي بسرعه فعلا.

أنا لسه فاكر اعلانك عن عربيتك الفيرنا كأنه من شهرين مثلا.

ربنا يبارك لك فيها و يحفظهالك.

[Mohamed.Muslim]

تقرير رائع و فعلا العربية دى ابداع