لأول مرة ؟؟؟؟؟ وكمان إبيزا!!!

[msami2k]

السلام عليكم
الحمد لله ... بعد جهد جهيد ، وصراع عنيف مريع ، وجهاد طويل ، ولأول مرة فى العمر اشتريت عربية امبارح
وتخيلو كانت ابيزا
ابيزا 2000 فضي عاملة 107500 كيلو راشة بره ،كشفت عليها فى محطة مصر عباس العقاد - واخدلها خبطتين فى الشنطة وواحدة قدام "اللي قدام أثرت على صباع الشاسيه الشمال تنيه خفيفة خالص - الراجل أكد أنها مش مؤثرة" وكبس الموتور 70 فى الميه
حاله العربية كويسة وخلصت على 45 ألف -وكاوتشات أربعة ألاف كيلو طبعا فيه عشرات الصغائر فيها لكن مش مشكلة
انا شايف انه سعر كويس هوا مش لقطة كان ممكن تنزل ألف كمان بس انا مبحبش أموت الحاجة قوي لما أشتريها "رحم الله رجلا سمحا إذا باع، سمحا إذا اشترى، سمحا إذا اقتضى"
استخرت كتير لحد ما جبتها
انا اللي عاوزه منها أني أتقن السواقة وتقضي غرض لحد ما الواحد ينقل على أحسن بإذن الله

عندي يجي 34 سؤال معلش هزعجكم بيهم بس ربنا يكرم اللي هيجاوب ويفك كربه - واللي مش هيجاوب كمان

1- مبدأيا تقييم العربية والسعر ايه ؟ "للتعلم والاستفادة لكن انا راضي"
2- انا محتاج أبص على ايه زيت موتور وفتيس وفرامل ومية وتبديل كاوتشات ومساعدين وأشياء أخري ؟ وأماكنهم فين ؟ ويتغيرو كل أد ايه ؟ واعرف ازاي اذا كان المفروض أغيرهم ولا لأ لأن اللى انا واخد منه العربية مش فاكر أي حاجة منهم عملها امتى؟

3- لو حد عنده أي معلومات عن العربية دي أو مانيوال أو كاتلوج صيانة أو أي موقع أو موضوع فى المنتدى ده أو غيره بالعربي او الانجليزي ياريت ممكن يقول عليه أو يبعته ميل أو أقابله أصوره مفيش مشكلة لأني تايه جدا جدا جدا

4- عندي شاشة سوداء فى نص التابلوه فيها شوية لمض بتنور مع التشغيل وتطفي وفيه لمض مش واضحة فى النص ما بتنورش خالص انا مش فاهم منهم غير الايرباج وفرامل اليد والبطارية
الباقي بتوع ايه واللي مبينوروش دول معناهم مشكلة ولا لأ

انا عارف ان كتير من الكلام ده ممكن يكون اتناقش فى المنتدى قبل كده بس ياريت توضحولي اللينكات للمواضيع أو حتى اسماء المواضيع وانا أدور عليها لأني مش عارف ألاقيها

وجزاكم الله خيرا
محمد

[dr_3eshoo]

مبدائيا الف مبروك على العربيه الجديده يديك خيرها و يبعد عنك شرها
العربيه من كلامك متهانه جدا و صاحبها مش مهتم بيها بس السعر كويس
و شكلها كده بيقول من غير تكييف
اما بالنسبه للسؤال التاني اقلك لما تشتري عربيه مستعمله لازم تغير زيت و فلاتر و سيور و تيل فرامل علشان يبقى فتحت صفحه مع العربيه دي مع نفسك علشان كمان تعرف تغيرهم امته
بالنسبه للسيور كل 60 الف كيلو
للفلاتر و البوجيهات كل 30 الف كيلو
للفرامل حسب استخدامك و حسب نوع التيل يعني لحد 60 الف كيلو
الكاوتش كل 40 الف كيلو
بالنسبه للشاشه كده فل قوي مش عايزين الادول ينوروا بس مش عايزين حاجه تانيه تنور كفايه انك منورها
تعملهم فين
عند محمد سمير
مين اكتر واحد يفيدك في المنتدى
محمد ابيزا و ابيزا
لما هايخشوا هما هايفيدوك اكتر مني لانهم الي ماسكين قسم السيات و دايسين فيه اكتر مني
و يالا بالاباي

[eng_m]

مبروك والف مبروك كمان

[iBiZa]

السلام عليكم
الحمد لله ... بعد جهد جهيد ، وصراع عنيف مريع ، وجهاد طويل ، ولأول مرة فى العمر اشتريت عربية امبارح
وتخيلو كانت ابيزا

أخيرا يا باشا, الف مبروك

1- مبدأيا تقييم العربية والسعر ايه ؟ "للتعلم والاستفادة لكن انا راضي"

انا شايف السعر معقول غلى الحالة اللى انت قلتها.

2- انا محتاج أبص على ايه زيت موتور وفتيس وفرامل ومية وتبديل كاوتشات ومساعدين وأشياء أخري ؟ وأماكنهم فين ؟ ويتغيرو كل أد ايه ؟ واعرف ازاي اذا كان المفروض أغيرهم ولا لأ لأن اللى انا واخد منه العربية مش فاكر أي حاجة منهم عملها امتى؟

انا رأى دايما اول ما تجيب عربية اعملها Service كامل و ريح نفسك.
وهو كالتالى:

• زيت Shell Ultra 10000 + فلتر {كل 10000 كيلو}
• زيت فتيس تغيير كل 50000 كيلو
• فلتر بنزين كل 20000 كيلو
• فلتر هواء كل 20000 كيلو
• زيت فرامل كل 50000 كيلو
• بوجيهات كل 20000 كيلو
• سلوك بوجيهات كل 100000 كيلو
• سير كاتينة + دينامو كل 50000 كيلو
• مياة تبريد {G12} كل 50000 كيلو او سنتين {ايهم اقرب}
• زيت Power كل 100000 كيلو
• كاوتش كل 50000 كيلو
• مساعدين كل 100000 كيلو

و طبعا كل الناس هتقول ان دة اى كلام و مالوش لازمة, بس لو عايز تمشى على الصح هو دة و طبعا الاختيار الاول و الاخير ليك.

3- لو حد عنده أي معلومات عن العربية دي أو مانيوال أو كاتلوج صيانة أو أي موقع أو موضوع فى المنتدى ده أو غيره بالعربي او الانجليزي ياريت ممكن يقول عليه أو يبعته ميل أو أقابله أصوره مفيش مشكلة لأني تايه جدا جدا جدا

مبدئيا, خد الSite دة عيش فية شوية, فية حاجات مفيدة (بس مش هتلاقى ال1000cc فية)

http://www.seatforum.net/forum/index.php

4- عندي شاشة سوداء فى نص التابلوه فيها شوية لمض بتنور مع التشغيل وتطفي وفيه لمض مش واضحة فى النص ما بتنورش خالص انا مش فاهم منهم غير الايرباج وفرامل اليد والبطارية
الباقي بتوع ايه واللي مبينوروش دول معناهم مشكلة ولا لأ

العربية برة مصر بينزل فيها Options كتير اوى و كل حاجة ليها لمبة Check فى التابلوة, و بما ان عربيتك نازلة نقريبا فاضية فا مش هتلاقى الحاجات دية بتنور.

[msami2k]

أخيرا يا باشا, الف مبروك



انا شايف السعر معقول غلى الحالة اللى انت قلتها.



انا رأى دايما اول ما تجيب عربية اعملها Service كامل و ريح نفسك.
وهو كالتالى:

• زيت Shell Ultra 10000 + فلتر {كل 10000 كيلو}
• زيت فتيس تغيير كل 50000 كيلو
• فلتر بنزين كل 20000 كيلو
• فلتر هواء كل 20000 كيلو
• زيت فرامل كل 50000 كيلو
• بوجيهات كل 20000 كيلو
• سلوك بوجيهات كل 100000 كيلو
• سير كاتينة + دينامو كل 50000 كيلو
• مياة تبريد {G12} كل 50000 كيلو او سنتين {ايهم اقرب}
• زيت Power كل 100000 كيلو
• كاوتش كل 50000 كيلو
• مساعدين كل 100000 كيلو

و طبعا كل الناس هتقول ان دة اى كلام و مالوش لازمة, بس لو عايز تمشى على الصح هو دة و طبعا الاختيار الاول و الاخير ليك.



مبدئيا, خد الSite دة عيش فية شوية, فية حاجات مفيدة (بس مش هتلاقى ال1000cc فية)

http://www.seatforum.net/forum/index.php

العربية برة مصر بينزل فيها Options كتير اوى و كل حاجة ليها لمبة Check فى التابلوة, و بما ان عربيتك نازلة نقريبا فاضية فا مش هتلاقى الحاجات دية بتنور.

مبروك والف مبروك كمان

مبدائيا الف مبروك على العربيه الجديده يديك خيرها و يبعد عنك شرها
العربيه من كلامك متهانه جدا و صاحبها مش مهتم بيها بس السعر كويس
و شكلها كده بيقول من غير تكييف
اما بالنسبه للسؤال التاني اقلك لما تشتري عربيه مستعمله لازم تغير زيت و فلاتر و سيور و تيل فرامل علشان يبقى فتحت صفحه مع العربيه دي مع نفسك علشان كمان تعرف تغيرهم امته
بالنسبه للسيور كل 60 الف كيلو
للفلاتر و البوجيهات كل 30 الف كيلو
للفرامل حسب استخدامك و حسب نوع التيل يعني لحد 60 الف كيلو
الكاوتش كل 40 الف كيلو
بالنسبه للشاشه كده فل قوي مش عايزين الادول ينوروا بس مش عايزين حاجه تانيه تنور كفايه انك منورها
تعملهم فين
عند محمد سمير
مين اكتر واحد يفيدك في المنتدى
محمد ابيزا و ابيزا
لما هايخشوا هما هايفيدوك اكتر مني لانهم الي ماسكين قسم السيات و دايسين فيه اكتر مني
و يالا بالاباي

الله يبارك فيكم يا جماعة
جزاكم الله خيرا على المساعدات القيمة وجزى الله خيرا كل اللي ساعدوني انا وغيري فى المنتدى هنا وربنا يأجرهم أجر طيب فى الدنيا والأخرة
الحمد لله كرم ربنا واسع وسهل موضوع تجميع المبلغ لشراء الابيزا فالحمد لله
الحاجات اللي قلتوها كتير وشكلها هتتكلف جامد "وانا مأشفر خالص" بس ربنا يسهل واحدة واحدة

العربية بالتكييف والحمد لله شغال كويس ، بس الكاسيت تعبان وعاوزة تظبيط لكن العربية حالتها العامة جيدة
انا غيرت زيت وحطيت موبيل أبو 95 جنيه أخدت 3 لتر وزودت زيت الفتيس احتاجت نص كيلو
وزودت المياه
لسه عاوز أغسلها وأحط بنزين 92 ، وبعدين أبقى أروح لمحمد سمير يظبطها
العربية من جوه الأكسيسورز وغطيان السماعات مفككة حبتين ومحتاجة مسدس شمع يثبتها
من الجمعة الساعة 11 بالليل لحد الاتنين 11 الصبح 60 ساعة عملت بيها 275 كيلو داخل القاهرة، والمشكلة ان ده معدل تحركاتي الطبيعي وده مقلقني ومخليني حاسس انها هتتفحت معايا بس ربنا يحفظها ويكون في عونها وعوني

حد عنده فكره ازاي الواحد يساوي أرضية الشنطة لأن الموكيت محطوط على العجلة الاستبن والعجلة أعلى من أرضية العربية والارضية أساسا مش متساوية كلها فالشنطة محصلتها كأنها الصحراء الغربية
انا فكرت أعمل لوح خشب بمساحة الشنطة وأحط فوقه الموكيت بتاع الشنطة

دعواتكم جميعا
محمد

[mohamed ibiza]

كلام ibiza زي الفل و مش هعدل عليه عشان الطريقة اللي هو منظملك بيها الحاجات دي هتحافظ علي العربية و تخليها دايما منتعشة بس انا مش ماشي بالنظم ده في الابيزا 94 بتاعتي :D يعني زيت ال5000 بغيره 8000 او 12000 عادي :D:D و بالنسبة للمياعدين لما تلاقي المساعد نشع زيت او المساعدين بقت خفيفة و العربية وطيت لتحت تبقي كده محتاج تغيير غير كده متغيرش و اتبع كلام ibiza لان طريقة الصيانة دي هتحافظلك عليها و تخليها دايما منتعشة و تيد احسن اداء و يا ريت متنزلش عن بنزين 92

[iBiZa]

من الجمعة الساعة 11 بالليل لحد الاتنين 11 الصبح 60 ساعة عملت بيها 275 كيلو داخل القاهرة، والمشكلة ان ده معدل تحركاتي الطبيعي وده مقلقني ومخليني حاسس انها هتتفحت معايا بس ربنا يحفظها ويكون في عونها وعوني

يا باشا متقلقش عليها, العربية دية بتشيل كتير و مبتقولش لا.

حد عنده فكره ازاي الواحد يساوي أرضية الشنطة لأن الموكيت محطوط على العجلة الاستبن والعجلة أعلى من أرضية العربية والارضية أساسا مش متساوية كلها فالشنطة محصلتها كأنها الصحراء الغربية
انا فكرت أعمل لوح خشب بمساحة الشنطة وأحط فوقه الموكيت بتاع الشنطة

اتاكد الاول ان الاستبن اللى عندك الصغير الاسود بتاعها عشان فية ناس كتير بتغيرة و تجيب جنط عادى {انا عن نفسى غيرتة} فا دة هيرفعلك فرش الشنطة.

او انة بيحط حاجات ثقيلة اوى فيها فا بيبوظ شكل الفرش.

ممكن تروح لحد يفكلك الفرش دة و تغسلة و بعدين تتطلع على نجار يقصلك حتة خشب اديها بالظبط عشان شكلها مايبقاش وحش.

كلام ibiza زي الفل و مش هعدل عليه عشان الطريقة اللي هو منظملك بيها الحاجات دي هتحافظ علي العربية و تخليها دايما منتعشة

يا باشا ربنا يخليك, هو فعلا لو الدنيا مزنقة معاك شوية ممكن تستنى على الحاجة لان دة المفروض الميعاد القياسى لتغير الشئ فا عادة بيبقى طالع من العربية شغال عشان المصنع مش عايز الحاجة تبقى منتهية عشان العربية متقفش بيك.

و يا ريت متنزلش عن بنزين 92

يا ريت يا ريت يا ريت يا ريت

[msami2k]

يا باشا متقلقش عليها, العربية دية بتشيل كتير و مبتقولش لا.



اتاكد الاول ان الاستبن اللى عندك الصغير الاسود بتاعها عشان فية ناس كتير بتغيرة و تجيب جنط عادى {انا عن نفسى غيرتة} فا دة هيرفعلك فرش الشنطة.

او انة بيحط حاجات ثقيلة اوى فيها فا بيبوظ شكل الفرش.

ممكن تروح لحد يفكلك الفرش دة و تغسلة و بعدين تتطلع على نجار يقصلك حتة خشب اديها بالظبط عشان شكلها مايبقاش وحش.

لأ العربية متجنطة والكاوتش جديد بقاله 4 ألاف كيلو وعشان كده الاستبن جنط متضخم طالع بجي نص متر عن ماكنه فى الشنطة بس غالبا هعمل حكاية الخشب ده
جزاكم الله خيرا

[mohamed ibiza]

لأ العربية متجنطة والكاوتش جديد بقاله 4 ألاف كيلو وعشان كده الاستبن جنط متضخم طالع بجي نص متر عن ماكنه فى الشنطة بس غالبا هعمل حكاية الخشب ده
جزاكم الله خيرا

كنت تاخد برضه استبن الفابريقة منه دي بتبقي فرده لا تعوض اصلا مش مشكلة الحمد لله و ان شاء الله العربية هتعجبك و ربنا يباركلك فيها يا باشا اكتب بقي عربيتي ibiza 2001 عشان الزعيم ميزعلش منك:D:D

[mohamed ibiza]

ibiza فعلا طريقة تنظيمك جامدة جدا جدا و تعتبر نموذج لكل من يريد اعلي اداء و الحفاظ علي العربية

[mohamed_fatouh]

الف مبروك عليك العربية الجديدة ربنا يديك خيرها و يكفيك شرها امين

[iBiZa]

اكتب بقي عربيتي ibiza 2001 عشان الزعيم ميزعلش منك:D:D

ياريت فعلا تكتب العربية و Welcome to the club

لأ العربية متجنطة والكاوتش جديد بقاله 4 ألاف كيلو وعشان كده الاستبن جنط متضخم طالع بجي نص متر عن ماكنه فى الشنطة بس غالبا هعمل حكاية الخشب ده
جزاكم الله خيرا

ممكن لو حبيت, تجيب الاصلى و دة موجود عند بتوع الاستيراد بس مش عارف بكام.

بس لو بتسافر كتير منصحكش عشان لو فردة نامت و ركبت الصغيرة ما ينفعش تمشى اكتر من 80 و الا الفردة هتبوظ + العربية مش هتبقى سابتة معاك.

و عشان كدة انا جبت جنط 14 بتاع Ibiza 94 و عاملة استبن.

[mohamed ibiza]

ياريت فعلا تكتب العربية و Welcome to the club



ممكن لو حبيت, تجيب الاصلى و دة موجود عند بتوع الاستيراد بس مش عارف بكام.

بس لو بتسافر كتير منصحكش عشان لو فردة نامت و ركبت الصغيرة ما ينفعش تمشى اكتر من 80 و الا الفردة هتبوظ + العربية مش هتبقى سابتة معاك.

و عشان كدة انا جبت جنط 14 بتاع Ibiza 94 و عاملة استبن.

حلو اوي جبت بقي جانط الابيزا 94 منين و بكام عشان انا عندي جانطين فابريقه و جانطين مش قابريقة لو ينفع اعمل مقايضة مع الراجل يبقي حلو اوي عشان اللي عندي شكلهم وحش

[iBiZa]

جبتة من عند واحد فى الحرفيين من سنة تقريبا كان ال14 ب 75 و كان بيتكلم فى ال13 ب50 بس مش عارف عندة دلوقتى ولا لأ. و لو عندك مكان خلى القديم ينفع فى وقت زنقة + محدش هياخدة منك بفلوس.

[mohamed ibiza]

جبتة من عند واحد فى الحرفيين من سنة تقريبا كان ال14 ب 75 و كان بيتكلم فى ال13 ب50 بس مش عارف عندة دلوقتى ولا لأ. و لو عندك مكان خلى القديم ينفع فى وقت زنقة + محدش هياخدة منك بفلوس.

انا مش عايز فلوس يا باشا انا عايز راس في راس يعني و لو هدفع فرق مش مشكلة بس الف شكر للرد انا جايب جانطين 14 الواحد ب 70 و مستعد ادفع فرق هشوف الموضوع عشان الجانطين اللي عندي الطاسات مش هتركب عليهم كده