هو الزيت ده افضل ولا موبيل 1 للعشر 10000
رقم العضوية : 20516
تاريخ التسجيل : 29Sep2008
المشاركات : 1,378
النوع : ذكر
الاقامة : مصر
السيارة: Terious GX Plus 2012
السيارة[2]: Kia Rio HB 2013
دراجة بخارية: no
الحالة :
بسم الله الرحمن الرحيم
---------------------------
أزيكم يا نمور كيا الاعزاء احب اقدم لكم النهاردة اول تقرير عن صيانة ال 1000 كم لسيارتى العزيزة ريو 2013 هاتشباك خليجى فى مركز توب جير و الى بتعامل علطول معاه و الصراحة ولا اجدع توكيل وانا الحمد لله من الاعضاء المؤسسين فيه ....
-------------------------------
بدأت الرحلة لما كملت 1000 كم ومشيت كمان ووصلت ل 1050 كم و كلمت المهندس محمد فضالى مدير المركز و اتفقنا على النهاردة علشان نعمل صيانة ال 1000 و الى كان مستنيها من زمان المهندس محمد علشان الحمد لله حب العربية من اول ما شفها جديدة و هو الصراحة من اول الناس الى شافوها و فرح بيها اكنها عربيته تمام و انا فعلا بعتبرها عربيته زى ما هى عربيتى .... وصلت المركز الساعة 4 وحددنا ايه الى هيتم فى الصيانة و كان كالاتى :
1- زيت موتور + فلتر زيت
2- تنظيف فلتر الهواء
3- تربيط العشفه
4- مراجعه السوائل كلها
و بدأت عمله الصيانة
.................................................. ......*
رفعنا العربية على الونش علشان نربط العفشه و ننزل الزيت القديم
و بدأنا بتنزيل الزيت القديم و الى كان نازل كويس مش وحش و سبنا العربية تصفى براحتها خالص و علشان نكسب وقت ربطنا العشفة قدام وورا وكانت فى حاجات محتاجه تتربط قدام لا كن ورا كانت تمام ...... بعد التربيط كانت العربية صفت كل الزيت و تم تركيب فلتر الزيت الجديد
بعدين نزلنا العربية وتم تنظيف فلتر الهواء و الكشف على السوائل و كله تمام الحمد لله و جينا للحظة التاريخية لحظة وضع اول جركن زيت جديد فى العربية و حطينا زيت لكوى مولى توب تك 5W40 و ده بيمشى 10000 كم مرتاح
و الحمد لله العربية خدت 3.5 لتر بالفلتر
وتمت الصيانة بحمد الله
تكلفه الصيانة :
------------------
1- زيت لكوى مولى توب تك : 260 جنية
2- فلتر زيت اصلى : 30 جنية
وكله من المركز مجبتش حاجة من بره
المصنعيات : مدفعتش حاجة محمد فضالى الجميل كالعاده مع العبد لله قالى هدية العربية الجديدة اول صيانة ببلاش
-------------------------------------
التقييم بعد اول 1000 كم للسيارة :
- الموتور : مع الوقت العربية بحساها بتفوق اكتر و اكتر وماشاء الله الموتور مش 1400 خالص ... الموتور اداء 1600 بجداره انا على فكره كنت راكب جيتز 1600 مانوال وانتوا عارفين الجيتز بتجرى ازاى .. الحمد لله العربية سحبها ماشاء الله جميل جميل ولا اى 1600 ...
- العفشه : رغم ان الجنوط 17 منشفه الدنيا حبه و ده طبيعى بس العفشه ناعمة مش زى السيراتو الكوبيه والعادية تحس فيها بدب خالص .... و انعم من عفشه الجيتز
3- استهلاك البنزين : بيتحسن بشكل ملحوظ و الحمد لله بتعمل معايا فى الصفيحة 200 كم فى الزحمة الشديدة و على الطريق السريع وصل معايا نص التانك ل 260 كم ماشاء الله و انا راضى جدا جدا عن الاستهلاك الحمد لله بس ملحوظة مهمة ياشباب التنك لازم تفوله للاخر علشان تعرف تحسب الاستهلاك صح و تكون عارف انها التنك اتمله للاخر لان العربية بعد اول فصلة من المسدس بتاخد بتاع 5-8 لتر حاجة كده
4- الثبات : الحمد لله فرق كبير عن الجيتز رغم انى مجرتش اكتر من 120 لحد دلوقتى بس الحمد لله العربية ثابتها ممتاز
5- داخليا : العربية ممتازة ومريحة فى السواقه جدا رغم ان فى حاجة مضايقانى انى معنديش المسند بتاع الايد الى فى الكونسول الى فى النص ( نازل فى كل الفئات ماعدا الفولى لودد !! ) و نظام الصوت الى نازل فيها ممتاز ممتاز و التبلوه تحس فيه بفخامة العربيات الاوروبى
الخلاصة : العربية بالنسبة ليا انا راضى تماما عنها ولو رجع بيا الزمن هجبها تانى و تالت
[sor2]http://s24.postimg.org/48vqezkw5/1405119604784.jpg[/sor2]
Eng/Mohab Elnahas
Aviation Engineer
رقم العضوية : 132754
تاريخ التسجيل : 27Dec2012
المشاركات : 64
النوع : ذكر
الاقامة : benha
السيارة: kia rio 2013 white
السيارة[2]: kia carens 2012
الحالة :
هو الزيت ده افضل ولا موبيل 1 للعشر 10000
رقم العضوية : 20516
تاريخ التسجيل : 29Sep2008
المشاركات : 1,378
النوع : ذكر
الاقامة : مصر
السيارة: Terious GX Plus 2012
السيارة[2]: Kia Rio HB 2013
دراجة بخارية: no
الحالة :
رقم العضوية : 61530
تاريخ التسجيل : 09Feb2010
المشاركات : 5,916
النوع : ذكر
الاقامة : EL Haram
السيارة: no
السيارة[2]: kia new cerato 2010
دراجة بخارية: no
الحالة :
تقرير ممتاز يا أ / مهاب والف مبروك على الصيانة ويارب توصل لل 1000000
مركز توب جير انا شخصيا اتعملت مرتين معاه ومع المهندس محمد فضالى اولا لانه جارى والمركز يعتبر جنبى فى شارع فيصل وثانيا لما رحت واتاكدت فعلا من كلام الناس عليه وعلى زوقه العالى وبأذن الله ناوى اعمل صيانة ال 30000 الف عنده .
سؤالى كتير من الناس فى اول مرة بتحط زيت الموصى بيه من الشركة الام اللى هو شل الترا وحضرتك كنت واخد قرار اكيد قبل التغير بزيت لوكى مولى لو ليك تجربة مع الزيت ياريت نعرفها
لانى ناوى اغير فعلا لنفس الزيت فقط من باب التجربة .
رقم العضوية : 132152
تاريخ التسجيل : 11Dec2012
المشاركات : 191
النوع : ذكر
الاقامة : cairo
السيارة: kia
السيارة[2]: verna
الحالة :
تقرير ممتاز يا بوب
رقم العضوية : 20516
تاريخ التسجيل : 29Sep2008
المشاركات : 1,378
النوع : ذكر
الاقامة : مصر
السيارة: Terious GX Plus 2012
السيارة[2]: Kia Rio HB 2013
دراجة بخارية: no
الحالة :
ربنا يخليك يا فندم المهم الناس تستفيد ,,, و بعدين على كده انا و حضرتك طلعنا جران بقه انا كمان جار ابو فضالى .........
موضوع الزيت كل عربيات كيا الجديدة الى نزلت من اول 2013 مكتوب فى الكتالوج المفاجأه ( زيت توتال ) !! والموضوع الزيت المرشح من الشركة بيبقى تجارى اكتر منه تقنى يعنى شركات بتقدم عروض والى بتقدم اكبر عرض مادى الشركة الام بتخليها صاحبة الزيت المعتمد ... بس هى دى القصة .... وانا الصراحة جربت فى عربيتى القديمة الشل الترا و بعدين غيرت للكوى مولى و حسيت بفرق فى صوت الموتور و الجوده العالية للزيت و استحماله العالى لظروف العمل الشاقة سواء جرى او تكييف .. تحفه بمعنى الكلمة علشان كده كنت واخدت القرار انى هحط فى الريو ان شاء الله لكوى مولى برده ,,,
[sor2]http://s24.postimg.org/48vqezkw5/1405119604784.jpg[/sor2]
Eng/Mohab Elnahas
Aviation Engineer
رقم العضوية : 61530
تاريخ التسجيل : 09Feb2010
المشاركات : 5,916
النوع : ذكر
الاقامة : EL Haram
السيارة: no
السيارة[2]: kia new cerato 2010
دراجة بخارية: no
الحالة :
ياسبحان الله كمان جيران انا فى التعاون فيصل وحضرتك ؟
توتال الزيت المعتمد فى السعودية لكيا وفعلا زى ما حضرتك قلت بتبقى مسالة تجارية قبل ما تكون فنية
ولكن اغلب الشعب المصرى بيقول وانا هفتى وهفهم احسن من التوكيل وكمان الوكيل بيشترط شل
ولو حطيت غيره يقولك الموتور بره الضمان ... على العموم انا عندى الرغبة فعلا فى تغير الزيت
لو معجبنيش .... هجيلك تحت البيت عندك وانت عارف بقى الباقى هههههههه
رقم العضوية : 132152
تاريخ التسجيل : 11Dec2012
المشاركات : 191
النوع : ذكر
الاقامة : cairo
السيارة: kia
السيارة[2]: verna
الحالة :
لقطة كارز :: كيا ريو هاتشباك طاسات خليجى سعودى جنط 17 توب لاين فرش جلد. هى مش ديه الى مع حضؤتك ال 130. .ولا فى اختلاف
رقم العضوية : 290
تاريخ التسجيل : 27Apr2007
المشاركات : 694
النوع : ذكر
الاقامة : cairo
السيارة: fiat
السيارة[2]: polonez
دراجة بخارية: هوندا
الحالة :
مبروك وتقرير ممتاز انا معايا البيكانتو الخليجي وعايز اعمل صيانه الالف في المركز ده ممكن تليفونه او عنوانه او قريب من ايه في شارع فيصل ولك جزيل الشكر وعقبال صيانه المليون
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
الف مبروووك يا مهاب باشا
عقبال ال 100 الف ان شاء الله
ربنا يبارك ..
المفضلات