موش حنام النهاردة قبل ما اعرف سعر الريو 2013 وكيل

[HSE_eng_ramy]

السلام عليكم جميعا
بالله عليكو عايز رد ضرورى دلوقتى اللى عنده فكرة اسعار الريو وصلت كام لحد النهاردة موش من موقع كونتاكت يا ريت يقولى ومنتظر ردوودكو عشان انا فى البحر وموش حنزل غير يوم الخميس ان شاء الله

[eng.khater]

فعلا العربيه سعرها ارتفع و اﻻسعار كما يلي
108 Lx m/t
118 Lx m/t
125 Ex Fo
135 highline
دا اسعار السيدان من المعرض اليوم. مش من موقع كونتكت اﻻسعار دي من مندوب كيا في معرض اتوماك علي البرشور معايا ربنا يهديك للي فيه الخير أنا عارف انها أوقات صعبه للي بيشتري وترجع بالسلامة ربنا يسهلها

[د.اشرف هنداوى]

يعني زادت 12 الف تقريبا و لا انا غلطان؟

[HSE_eng_ramy]

ميرسى ليك يا باشمهندس بس يا رب يطلع كلامك غلط احسن هيجيلى صدمة عصبية من بعد اسبوع متكلم فيه زيادة عن 1000 دقيقة تليفون عشان اقارن الفئات واحجز ربنا يسترها علينا

[HSE_eng_ramy]

لو زى ما اخونا بيقول 135000 يبقى كلام حضرتك مظبوط 100% زادت 12-13 الف

[د.اشرف هنداوى]

كده يبقي بلاها ريو

[eng.khater]

معلش ﻻ ألف سلامه عليك من الصدمه و أنا اسف لو زعلتك او ديقتك بس أنا حبيت اقلك الي عرفته انهرده ربنا يوفئك للي فيه الخير واتمني أنا اﻻسعار تقل و يكون الراجل غلطان

[HSE_eng_ramy]

طب قولولى بالله عليكو انا بعت عربيتى وبدور على عربية من 5 شهور وما فكرتش فى الزيرو خالص الا من اسبوع وحجزت على طول اقترحو عليا لو بلاها ريو اجيب ايه
والله ما تعرفو شعورى ايه دلوقتى موش على العربية خالص انا بتكلم على حال البلد ولا حول ولا قوة الا بالله

[mostafaelfayed]

طب قولولى بالله عليكم انا بعت عربيتى وبدور على عربية من 5 شهور وما فكرتش فى الزيرو خالص الا من اسبوع وحجزت على طول اقترحو عليا لو بلاها ريو اجيب ايه
والله ما تعرفو شعورى ايه دلوقتى موش على العربية خالص انا بتكلم على حال البلد ولا حول ولا قوة الا بالله

لو عاوز ريو خليجي فل اوبشن فكك من الهاي لاين اعتقد مش هتعدي ال 117 خليك فيها و ربنا يوفقك بما فيه الخير بإذن الله

[khaledverna]

لو عاوز ريو خليجي فل اوبشن فكك من الهاي لاين اعتقد مش هتعدي ال 117 خليك فيها و ربنا يوفقك بما فيه الخير بإذن الله

حضرتك الكيا ريو الهاتشباك هاى لاين.كامله انا سمعت 135. واخر سمعتوا 145