حل مشكلة صوت الكمبرويسور :) بالصور :)

[Deshahcoka]

ارجاللللللللللللللللللللل لة

كل سنة و انتوا طيبين :)

انا عملكم مفاجأة النهاردة :) مش كنت قايل انوا بعد الشتى طلع صوت من بكرة الكمبورسيور مع المشي ( طول ما الموتور شغال ) و فصل التاكيف و تشغيلة ...

لما رحت التاوكيل قالي لازم تغير الكمبريسور كله و ده بألوف مؤلفة ... قلتله انا راجل تيت اني جيت هنا اساسا

مشيت بيها اسبوع لقيت صوتها بقى ولا اجدعها فيراري :) قلت ما بلاها بقت سياح ..

رحت لعم حسن الكهربائي .. احج يرضيك كدة قالي يا باشا عيب عليك ديه بلية الكمبرويسور اتفضل معنا اشرب شاي و انا اظبطك ...

قام الواد بلية فك الكساحة الفبر و قالي انا حعمل معاك واجب مش حفط الكباس بره عشان منفضيش الفريون مع انوا المكان ضيق و ياخد وقت اكتر كدة ... قلتله الله يباركلك احج :) قالي عشان انتا حبيبي بس :) قلتله تسلم :) فقك البكرة و طلع الرمان بلي :) و راح نزل جاب و احد زيه جديد و ركب و حط البكرة و ركب السير و قفل :)

دور و دوس و شغل و طفي الكمبرويسور :) بقت بسم الله ما شاء الله صامت :)

البكرة ب 130 جنيه و المصنعية 120 جنيه :) ... قالك توكيل ابن تيت عاوز يلبسني كمبوريسور قال ...

[mahmoud_afifi]

الف مبروك حل المشكله وربنا مايحوجكش للتوكيل :)
انا عندي نفس المشكله دي في النترا :(
اروح لأي حد كهربائي يعني ولا بتاع تكييف ولا ايه بالظبط ؟ شكرا

الف شكر ياباشا على المشاركة ,,, بس ياريت تقولنا فين الميكانيكي ده وايه كانت اعراض المشكلة بالظبط

[Deshahcoka]

الف مبروك حل المشكله وربنا مايحوجكش للتوكيل :)
انا عندي نفس المشكله دي في النترا :(
اروح لأي حد كهربائي يعني ولا بتاع تكييف ولا ايه بالظبط ؟ شكرا

مهوا معظم بتوع التاكيف شغالين في الكهرباء برضه

شوف حد بتاع تاكيف متمكن يعني يكون قديم عشان ايده تبقى متمكنة بس لاكن مفيهاش تكلنولوجيا ولا مجال للخطأ و لا للتبويظ

الف شكر ياباشا على المشاركة ,,, بس ياريت تقولنا فين الميكانيكي ده وايه كانت اعراض المشكلة بالظبط

يا باشا تسلم

بيبقى في صوت خشونة كدة كأنك راكب كراكه يعني كل ما دوس بنازين الصوت يعلى و كل ما تسيب يهدى .. تشغل التاكيف يخف تطفيه يرجع زي صوت خخخخخخخخخخخخخخ سسسسسسسسسس حاجة كدة يعني

المكانيكي ده في الاسكندرية :( ده بتاع تاكيف عادي يعني مش اختراع اطمن :)

و كل العربيات بيغيروهلها البلي مش السيراتوا بس و بترجع زي الفل !

[mahmoud_afifi]

مهوا معظم بتوع التاكيف شغالين في الكهرباء برضه

شوف حد بتاع تاكيف متمكن يعني يكون قديم عشان ايده تبقى متمكنة بس لاكن مفيهاش تكلنولوجيا ولا مجال للخطأ و لا للتبويظ

متشكر جدا يا باشا :)

[moha4tec]

انت برنس
مش بس كده انت معلم
مشكور جدا
هنجيلك زياره باذن الله نشوفك و بالمره نعمل البليه

ما شاء الله
مبروك ..

انت برنس
مش بس كده انت معلم
مشكور جدا
هنجيلك زياره باذن الله نشوفك و بالمره نعمل البليه

يا باشا انتا الي برنس و الكبير :) عيب عليك يعني احنا بنحاول اهوا :)

يا باشا تشرف و تنور :) تعالى اتغدا انتا بس و اعتبر الموضوع خلص :)

ما شاء الله
مبروك ..

الله يبارك فيك :)

[moha4tec]

لو الصوت رجع تانى بعد فتره
يبقى المشكله فى الvis
http://www.kiatechinfo.com/data/PASS...stdfl0114n.gif

Variable Intake Solenoid (VIS) Valve

الله ينور يا رجاله احلى كلام والله