عايز اركب فوانيس شبورة للكيا ريو الجديدة

**الجنرال** · 26-01-2013 08:39 PM

السلام عليكم ورحمة الله

انا معايا كيا ريو الجديدة 2013

وكنت عايز اركبلها فوانيس شبورة .. للاسف فوانيس الشبورة الاصلية بتاعت الشركة عبارة عن كشاف لعبة وحاطينه فى العربية

انا عايز اركب فوانيس كبيرة .. كنت بفكر فى الفوانيس بتاعت الكوبيه على اساس انها هتبقى انسب حاجة تركب عندي

حد عنده اقتراحات؟؟ او حد عمل حاجة زي كده قبل كده؟؟

**AlGazar2** · 26-01-2013 09:14 PM

بدل ما تغير فى الفوانيس و تلعب فى الاكصدام جرب تحطلها زينون و شوف اخبارها ايه

و عموما فى معظم العربيات فوانيس الشبوره مبتعملش فرق كبير غير فى اضاءه جوانب الطريق

**Mohab555** · 27-01-2013 01:53 AM

بلاش اي تعديل علي العربيه يا باشا خصوصا ان العربيه لسه جديده و بعدين الفوجات مش مطلوب منها نور قوي جدا هي يادوب بتفرش الجزء الي قدام الاكصدام نور بسيط .... لو عايز تقوي الاضاءه غير اللمض بلمض فيليبس او اوسرام و هتدي نور اقوي من اللمبه الاصليه

بس بلاش تعديل و تركيب حاجة مش بتاعه العربيه

**sonybony** · 27-01-2013 05:27 AM

فعلا حرام تلعب في العربيه دلوقتي وربنا يكفيك شرها

**mostafaelfayed** · 27-01-2013 06:31 AM

وجهة نظري حرام سيبها دلوقتي زي ما هي وربنا يباركلك فيها يارب .. بلاش تلعب في كهرباء العربية من دلوقتي حرام

**الجنرال** · 27-01-2013 10:14 AM

اممممممم

طيب خلاص .. اقتنعت بوجهة نظركوا

طيب .. انا كنت بفكر اركب تونجسرام فى الفانوس الواطي (وممكن العالي لو ينفع)

فهل تركيب اللمبات دي والكتاوت بتاعتها يأثر فى العربية والكهرباء بتاعتها؟؟ وهل ممكن يخرجها بره الضمان؟؟

**2CODE** · 27-01-2013 03:37 PM

انا اعرف انك لو غيرت في وصلات الكهرباء هتخرجك برا الضمان يعني لو ركبت كاميرا خلفية واخدت لها ضفيره وكده
لكن التوكيل يتلكك ويقول لك انت عدلت على العربية دي برا الضمان وده مش السبب اللي يخليك تخرج بسببه من الضمان يعني من وجهة نظري لو الحاجة التافهه دي هتخرجني برا الضمان دا انا اروح فيها ههههههههه