الفارق بين الريس العادة والريس الفاير

[hanymah]

لو سمحتم يا جماعة انا كنت عايز اعرف الفارق بين الريس العادة والريس الفاير ما عئنهم بيكونو غالبا نفس ال cc ومعلش ليا كمان سؤال انا باشوف مكتوب على الريس ال honda كلمة (cbr) كنت عايز اعرف معناها وجزاكم الله كل خير ..

[CBR]

الفرق بينه و يبن العادي ان السلندر بتاع الموتور علي حرف v

والعادي بيبقى زي مكنه وحده قريب من المكن الصيني بس اشد طبعا

الفاير الكربراتير بتاعه غير العاده فى حاجه اسمها حداف مش موجده فى cbr

وطبعا في

cbr و VFR

بيبقى الاختلاف الشكل والحجات الي سبقت

سلام

[hanymah]

شكرا يا اخ (dj1) على المعلومات دية بس كنت عايز اعرف حاجة هوا الريس الية بيكون مثلا 250cc بيوازى اية من ال cc بتاع العربيات يعنى مثلا ممكن اشد مع مين منهوم واعدى منهم اصلى انا للاسف باحب الجرى ...

[CBR]

ال250

بصراحه مجربتوش اظن ميت

انا بحب اركب من فوق 600 عشان تدي باور اعلى

وبعدين عادي ممكن بالريس ال 250 و 400

تسابق عربيات كتير

لان وزن الموتورسيكل اخف بكتير من وزن السياره

وفي سيارات بتتجاب بسهوله جدا

وانت ماشي حتلاقي سيارات بتستفزك وانت معاشي

عشان تسابق معاها

واحيانا انا بعمل العكس وانا ماشي لو سياره جامده بستفزه عشان اسابقه D:

وعامة لو عملت كده بفضل دايس بس لو حسيت اني خلاص حتفرتك على الارض

بهدي في ثواني يعني متتغاباش

مضيعش نفسك عشان حتت سباق اهبل

اعملها لو الفرصه اتاحت الروح مش لعبه عشان تضيعها

الا لو كان سباق بجد او تحدي على حاجه ههههههههههههههههههه

وطبعا اسئل مقلوب ولا تسئل عارف


سلام

[hanymah]

عندك حق فعلا الروح مش لعبه عشان نضيعها بس الشيطان بقا
بص بقا انا عارف انى زهقتك بس انا لسا جديد فى عالم الموتوسكلات الريس وياريت تستحملنى على كتر الاسئلة ..

انا على فكره عندى عربية بس زهقت من الزحمة فقررت اجيب الموتوسكل الريس رغم تحزير الناس ليا فبحاول اعرف كل حاجة عنة ..

[CBR]

صدقني مفيش احسن من الموتوسيكل في الزحمه

خصوصا ل مستعجل


لو بالسياره مشوار تاخده في نص ساعه بالموتوسيكل

10 دقايق اكون هناك

وممكن اكون في التربه



ههههههههههههههههههههههههههههه

كلا الحالتين حتوصل حتوصل

بس الله اعلم فين

هههههههه

سلام

[hanymah]

انا كنت عايز اعرف رائيك فى الموتوسيكل الهارلى والريس مين احس ومين اريح فى السواقة وكمان اسرع ...

[CBR]

الموتوسيكلات الكاستم احسن طبعا بكتير

بس مشكلتها انها تقيله جدا لما بتمشي بطيء

بس مريحه في القعده

والريس حلو بردوا بس لو مسافات حتتعب وانت راكب

بس لذيذ في الغرز تخدها على طول وبسرعه

وفي موتوسيكلات

الي هيا نصها ريس ونصها كاستم

يعني خليط ما بين الاتنين

بصراحه ديه احسن حاجه

ممكن ترفع وتعمل بيها كل حاجه وغرز ومريحه

ولو حتجيب هات ريس وخلاص

سلام

[hanymah]

شكرا يا عم dj1 على المعلومات الحلوة دية ..

[CBR]

وان شاء لله

لو ناوي تجيب واحد

قلي عايز في حدود كام وانا ادلك

واعرف واحد بيقسط كمان

بس احسن حاجه

مزودش تمن الموتوسيكل عن 2000 الف

عارف ليه؟

عشان لو حبيت تبيعه تلاقي مشتري بسهوله جدا

لان لو ب 30 الف وفوق البيع بيكون بطيء عقبال ما تلاقي واحد هاوي وكمان

عشان لو وقع واتكسر

او اتسرق

او اي حاجه

تكون الخساره مش كبيره


_____________
تم التعديل بواسطة
الإشراف...

[hanymah]

طيب لو تعرف حد بيقسط انا كنت عايز ريس عادى 250cc honda اية نظام التقسيط وعلى كام شهر .... وعلى فكرة انا لاقيت ريس صينى بس ماعجبنيش شكلة وبالتقسيط بردة بس لاقيت بانى لو هاقسط اجيب حاجة محترمة شوية ....

[hotboja]

اية يا شباب دخلونى معاكو فى الحوار

هو اية شكل المتوسيكل الللى نصة كاستم ونصة ريس ؟؟؟

واية احسن رايس اعطالة قليلة وسريع واية اهم حاجة اخد بالى منة وانا بشترى واحد ...؟؟

وشكرا يا دى جى وان على الردود الحلو وشكرا لهانى على طرح الموضوع

[CBR]

في واحد بيقسط

انت توريه الموتوسيكل الي عاجبك وهو يشتريه وتقسط معاه

بصورة البطاقه ووصل النور

والي نصه كاستم

زي

b-king

mt-01

سوزوكي وياماها

وفي انواع تانيه كتير

ودوكاتي مونستر

واحسن ريس في مصر هو الهوندا

لانه منتشر وتصليحه وقطع غياره متوافره وكمان اعادة البيع كويس

الافضل لما تشتري وديها لميكانيكي

وخليك واقف عشان صاحب الموتوسيكل ميتفقش معاه عليك

وطبعا شيك على المتور هل حالل ولا لا

امشي بيه بسرعه شوفه بيكركر ولا عادي

وادي غيار تالت وامشي لو كركر اوي يبقى في عيب

وشوف الدخنه

وهل واقع ولا لا

على العموم تصليح الموتوسيكلات سهل مش صعب ومش مكلف اوي سي السياره

[hotboja]

شكرا يا دى جى

انا زمان ركبت جاوةjawa اللى هو 350 سى سى وكان بطيء قوى

فى قولت احسن حاجة اجيب هوندا 400 او 600

بس لسة عايز اتطلع رخصة روحت المرور بس قالولى عايزين شوية اجراءت شهادة طبية وحاجات تانية كدة طاب مهو انا عامل رخصة خاصة لكن قالولى مينفعش لزم تعمل من اول وجديد قولت اوك


بس مش عارف بقى استنا لم امتحان المادة اللى عندى فى شهر 9 والة اروح وخير البر عاجلة

فكرت فى انى اروح مدرسة للتعلم الموتوسيل بس فى وحدة فى حلون اسمة نور كار وانا ساكن فى المهندسين يعنى مشوار بس برضو لو ملقتش غيرة هروح على شان عايز اتعلم كل الفنيات الصغيرة


بس سؤال تانى يا دى جى معلش لو حبيت اجر هوندا سى بى ار 400 كدة متعرفش بكام فى الشهر ؟

[CBR]

تأجير لمدة شهر

مظنش فيه

ولو في حيكون غالي يعني اليوم ب 50 مثلا

وممكن تقع بيه وحتصلحها شغلانه على الفاضي

وبالنسبه للتدريت على الموتوسيكل لو كان عندي موتوسيكل خفيف كنت دربتك بس الي

عندي تقيل جدا زي الهارلي

لو عايز تدرب صح

ادرب على صيني

روح محل موتوسيكلات صيني وقله عايز ادرب حيدربك

والموتوسيكل كله اصلا ب 2500 وتصليحه رخيص جدا لو وقع

وبالنسبه للرخصه طلعها على طول وخلاص خصوصا لو قبل رمضان افضل

ومش بتاخد وقت

شهادتين طبيتين نظر وباطني

حتفتح ملف ب 60 جنيه

حترش 30

لو معندكش موتوسيكل حتأجر ب 50 او 40

بس وتطلع على طول