غيرت لدنلوب المانى وحسيت بالفرق وده انطباعى ودى مواصفات وسعر الكاوتش

**mhf_77** · 28-01-2013 09:40 PM

السلام عليكم ورحمة الله وبركاته
انا معايا سيراتو 2013 خليجى اول فئه اوتو بجنوط حديد 15 طاسات وكاوتش نكسن
غيرت وعملت بدل ب 16 سبور اوريجينال وراكبين فيهم الهانكوك بتوعهم ودفعت فرق بين الجنوط الاربعه الحديد ال 15 بالنيكسن -4000 كيلو وبين الجنوط الاوريجينال ال 16 وكاوتش هانكوك 40000 الفين جنيه قولت كويس انا سألت فى الحرفيين عليهم قالولى 3500 الجنوط بس ومبيخدوش القديم منى فقولت كده يعتبر انى بعت القديم ب الف ونص وربنا وفق المهم ان
الجنوط الاسبور والهانكوك كويسين ومشيو معايا كويس لمدة شهر وشكل نقشتهم محتفظ بنفسها وقولت اغيرهم فى اى يوم لانى موسوس فى الكاوتش اوى ولازم اكون انا اللى مربيه على ايدى من اول يوم
بس كام اسبوع و اتخرمت واحده منهم ورحت الحمها لقيت فيها ثلات خوابير وانا موتنى ولا اركب كوتش فيه خابور واحد وحليت الاربع فرد ولقيتهم كلهم فيهم خوابير والظاهر ان صاحبهم كان الصنايعى بيشتغلو ويفهمو ان الخوابير احسن وهى فى الحقيقه اسهل للصنايعى لانه مبيفكش حاجه لكن كارثه للكاوتش المهم قررت انى اغير وكنت محتار اجيب ايه وبعد كذا لفه وكام سؤال وكام مقارنه بين الجوده والاسعار استقريت على الدنلوب الالمانى
وهو اسمه وبياناته
dunlop sp sport 01
16R\55\205
السرعه V 240
درجة الحراره A
درجة التحمل A
الراحه 100%
الاقتصاد فى الوقود 75%
مقاومة المياه 75%
صوته 15%
النقشه صيفى
صناعه المانى
انتاج ابريل 2012
السعر 600 للفرده من واحد عندنا فى اسماعيليه (بمناسبة الطوارئ وحظر التجول ) هههه

الانطباع بعد التركيب والترصيص والنيتروجين
مع احترامى الكامل للكورى بس الالمانى دنيا تانيه
اول انطباعى قبل التركيب ان وزنه وسمك جداره اكبرالضعف من الهانكوك
اول انطباعى بعد التركيب مع اول نقره واول مطب حسيت انى ركبت مساعدين مرسيدس
تعمدت انى امشى على اسفلت خشن وغير سوى وجربت المشى عليه قبل كده بس المرد دى غير
فتحت الشباك وجريت سحب ممتاز ومش سامع غير صوت الهوا
كبست فرامل وانا على 140\150والحمد لله استجابه ممتازه بدون اى زحف
ثبات اشبه بثبات جنط ال 17
ده طبعاً انطباعى ليومين فقط ولو فيه جديد هوافيكم بيه
واى سؤال انا تحت امركم

**S O P H O S** · 28-01-2013 09:48 PM

الف مبروك يا باشا ..

**al_manara** · 28-01-2013 10:23 PM

الف مبروك ومشكور علي نقل التجربة

**MIVEC.A92** · 29-01-2013 12:09 AM

الدانلوب اللي جه مع الشارك معرفش الماني ولا ياباني بس بصراحة مش مرتاح معاه و لما اجي اغير هجيب بريدجستون لأنه الدانلوب صوته عالي جدا و العزل في الشارك مش اد كدة و كمان بيصفر علي اي حاجة في اي حاجة يعني في اليو تيرن يصفر لو هديت يصفر و لقيت المشكلة دي منتشرة ليه علي النت بس هي فرده ناعمة و ثابته و كويسة في الفرامل بس بصراحة انا مجرب بريدجستون و لا يعلي عليه.