ميعاد الصيانة بعد شهر لييييييييييه؟

[AhmedElsayed]

معايا شاريد وبروح اعمل الصيانة واغير زيت كل 5 الاف فى التوكيل
وعادة بتصل قبليها باسبوع علشان ببقى عايز يوم السبت لكن لو فى وسط الاسبوع تقريبا ممكن تحجز قبليها بحاجة بسيطة

دلوقتى بتصل لقيت البنت بتقولى اول ميعاد 23 اغسطس!!!!!!!!!!!!!!!!
ليه يا ستى؟ تقولى عندنا ضغط صيانة جامد
طيب انا فى خلال الشهر ده حكون عديت ال 30 الف ب بشوية حلوين وخاصة لو سافرت اى حتة
بصراحة اتنرفزت وقلت للبنت اننا مش ذنبنا انكم عندكم مكان صيانة واحد بس لغاية دلوقتى والعربيات عمالة تكتر
بصراحة حاجة مستفزة هو مفيش حاجة بتلزم التوكيل خالص ان يبقى عنده عدد فروع معينة قبل ميتوسع فى النشاط

[Sharky]

ربنا يعينك و مافيش قدامك للأسف غير إنك تستنى و تحاول بعد كده تتصل قبل ميعاد صيانتك بشهر على الأقل

و فى إنتظار إفتتاح مركز أبو رواش فى القريب العاجل

[AhmedElsayed]

الموضوع انى قبل كده كنت بحاول اتصل قبل الصيانة باسبوع علشان يوم السبت بيبقى فى ضغط
يقولولى منقدرش نحجز قبليها باسبوع!!!!!!!!!!!

[aliabutaleb]

وقدامك تعمل زي ما ناس عملت ولسة هاتعمل
وهي إنك تغير زيت برة التوكيل عشان ارتباطك بالسفر
غيره برة واهو من ناحية تانية توفير
ولما ييجي عليك وقت الصيانة 23 أغسطس إبقى كمل الصيانة
انا قررت اعمل كدة في عربيتي اللي عاملة 4600 كم دلوقتي
الأمر لله مش قدامنا غير احتمال الوضع الحالي لغاية ما يفتحوا مركز صيانة أبو رواش في 2018 إن شاء الله
يدينا ويديكم طول العمر

[AhmedElsayed]

فعلا حضطر اعمل كده بس عامة كان فى حاجات مضايقانى فى العربية
كل مدخل فى يوتيرن وابقى بلف العجل وهو بيتعدل الاقى بيطلع صوت عالى
والفرامل لو دوست عليها دوسة متوسطة بتطلع صوت وكنت عايز اتشك علي الحاجات دى

على العموم انا قلت اكتب الموضوع ده هنا علشان انبه الناس اللى حتحجز قدام يحجزوا من دلوقتى
او ممكن الواحد بعد كده يحجز للصيانة الجاية وهو بيعمل الصيانة

[أبو عبدالله]

فعلا حضطر اعمل كده بس عامة كان فى حاجات مضايقانى فى العربية
كل مدخل فى يوتيرن وابقى بلف العجل وهو بيتعدل الاقى بيطلع صوت عالى
والفرامل لو دوست عليها دوسة متوسطة بتطلع صوت وكنت عايز اتشك علي الحاجات دى

على العموم انا قلت اكتب الموضوع ده هنا علشان انبه الناس اللى حتحجز قدام يحجزوا من دلوقتى
او ممكن الواحد بعد كده يحجز للصيانة الجاية وهو بيعمل الصيانة

أولا اخي ربنا يباركلك في عربيتك
ثانيا مشكلة اليوتيرن دي لو الصوت ده صوت تصفير او كما نسميها صريخ من العجل
يبقى المشكلة مشكلة ضبط زوايا العربيه

ومشكلة الصوت مع الفرامل الخفيفه دي لو صوت عامل زي تصفيره خفيفه كده
يبقى حضرتك اكيد بتغسل العجل بتاع العربيه بالميه او اللي بيغسلك العربيه بيجيب ميه على العجل فبييجي على الطنبورة والتيل فبيخلي التيل يعمل حاجه اسمها يبلط وده اللي بيسبب الصوت ده

واي استفسار اخر انا موجود ان شاء الله

اما بخصوص الصيانة والحجر فدي مشكلة طبعا والمفروض انهم يعجلو بالمركز الكبير بتاع ابو رواش بقه لأن كده هيدخل في تهريج طبعا

[ara]

انا كلمت الصيانة الخميس اللى فات قالو مافيش حجز قبل 3 أسابيع بداية من 14/8!!
و اللى ردت عليا إقترحت إنى اغير الزيت برده التوكيل و طبعا مش هاعمل كده... انا كلمت الرقم الأرضى إمبارح اشتكى من موضوع الحجز ده و قلتلهم إن حد نصحنى من 16168 إنى اغير زيت بره قالولى لا طبعا و إحنا هنراجعهم فى الموضوع ده!
و طبعا برضه قالولى إن شاء الله أبو رواش يفتح قريب!!

[aliabutaleb]

اما بخصوص الصيانة والحجر فدي مشكلة طبعا والمفروض انهم يعجلو بالمركز الكبير بتاع ابو رواش بقه لأن كده هيدخل في تهريج طبعا

إمسسسسسسسسسسسك عندك هنا
معقول أبو عبد الله بينتقد توكيل دايهاتسو؟؟؟
انا باهزر يا عمي أوعى تزعل

[AhmedElsayed]

شكرا يا استاذ عبد الله وان شاء الله احاول اشوفها بره التوكيل
والزيت قبل كده برده غيرته بره وقعدوا عملولى فيلم وكده الفلتر مش اصلى وممكن يأثر ويعمل

وبرده انا لو مكانهم حيبقى لى تصرف تانى ومش حقعد استنى ابو رواش
يعنى لو فترة الصيف ضغط يبقى خلاص يزود فترة التعامل لغاية 8 بالليل مثلا ويعوض العمال هو
يلغى ساعة البريك ويشتغل يوم الجمعة كمان وهكذا تبقى فترة ضغط عليه هو مش عليا انا لانها مشكلته مش مشكلتى

[Sharky]

هو إيه لازمة التوكيل لما تعمل جزء من الصيانة الدورية بره !!!!

[أبو عبدالله]

إمسسسسسسسسسسسك عندك هنا
معقول أبو عبد الله بينتقد توكيل دايهاتسو؟؟؟
انا باهزر يا عمي أوعى تزعل

لا يا عمي والله الحق ميزعلشي حد
اول ما يظهر استهبال صدقني هكون اول معارض لهم
ولكن مش كل واحد يشوف من وجهة نظره شئ يبقى لازم يكون صح واهلله وراه

يعني المفروض ان الواحد يكون له اسلوب للتحقق من اي شئ يذكر او فهمه بطريقه صحيحه بدل ما يتكلم وبعين يطلع على مافيش مش اكتر

[Sharky]

لا يا عمي والله الحق ميزعلشي حد
اول ما يظهر استهبال صدقني هكون اول معارض لهم
ولكن مش كل واحد يشوف من وجهة نظره شئ يبقى لازم يكون صح واهلله وراه

يعني المفروض ان الواحد يكون له اسلوب للتحقق من اي شئ يذكر او فهمه بطريقه صحيحه بدل ما يتكلم وبعين يطلع على مافيش مش اكتر

يا أبو عبدالله قول الحق كل دا و مش إستهبال من التوكيل

[أبو عبدالله]

يا أبو عبدالله قول الحق كل دا و مش إستهبال من التوكيل

لا بالحق ده ربع استهبال ولا استطيع ان اجزم الا لما اعرف ايه السبب

ما هو مش كل حاجه تتقال من وجهة نظرنا تبقى صح يعني

يعني لازم تعرف الرأي من النحيتين وبالادلة والأستنتاجات تقدر تعرف مين اللي بيستهبل بالظبط

[معاذ الشرباصى]

احمد باشا

حضرتك علشان محدش يقول لك حاجة

اشترى الفلتر من منفذ البيع بتاعهم فى احمد عرابى و غير الزيت فى اى بنزينة

لو حد قالك الفلتر و مش مضمون و الكلام ده, قول له الفلتر من عندكم, و معاك الفاتورة

يبقى كده محدش له عندك حاجة, لأن التقصير من ناحيتهم مش من عندك

[MoToRiZeR]

انا برجح رأي معاذ برضه .. اشتري الفلتر من أحمد عرابي و غير الزيت في أي محطة موبيل عشان يبقي نفس الزيت اللي بيستعملوه برضه .. المحطة اللي بعد هايبر وان عاليمين فاضية و رايقة و فيها section للزيت لوحده