لملاك السول و لملاك التريوس gtx

[Motorsawyy]

السلام عليكم و رحمة الله و بركاته
يا جماعة أنا عايز رأيكم بكل وضوح في السول و التريوس gtx
لو حد ركبهم أو جربهم
عايز اجيب ال2013
و محتار فيهم جدا وعايز أعرف أنهي أحسن

[Mohamed said]

بص يا باشا. انا معايا تريوس و فيها 3 عيوب اولا عفشتها ناشفه جدا كعادة العربيات العاليه. ثانيا سحبها بطىء مبتستجبش بسرعه لدوسة رجلك لازم تفهمها الاول و بعدين تاخد و تدى معاك. ثالثا شنطتها صغيره بتضيقنى كتير فى السفر. لكنها الصراحه عربيه اعتماديه بجد الحمد لله بقالها 5 سنين معايا معملتش دقة نقص معايا بالرغم انى كنت ساعات باخد بيها مطبات هوا او بلاعه و بتكون جامده لكن عفشتها عشان ناشفه فهى قويه و بتستحمل و طبعا مش بتحك فى اى مطب. خش بقلب جامد يا معلم و لا الهوا. أما بالنسبه للسول فمعرفش عنها حاجه و محبش افتى. اسيب حد من الزملاء تكون معاه و هو يقولنا اخبارها ايه. يا ريت اكون افدتك.

[AlGazar2]

الى اعرفه عن التريوس بخلاف الى العضو الكريم قاله ان ثباتها سئ نظرا لعلوها و مفيهاش وسائل امان من abs ebd esb
و فى نفس الوقت السول فيها الكلام ده بس مش عاليه عن الارض زى التريوس و مع الجنط ال 17 عفشتها ناشفه بطريقة متعبه و بلالين لو اخدت بيها حفر جامده بس من جوه جامده جدا احلى من السيراتو فى راى

[Motorsawyy]

تسلموا يا رجالة على ردودكم
يا جماعة أي حد عنده معلومة لو سمحتم ماتتأخروش عليا

[dr_k]

بص لو انت مش بتاع جري وشد يبقى التريوس اما لو انت عايز عربية تشد معاك يبقى السول
على فكرة التريوس وانت مشغل التكيف بتبقى بطة بلدي لكن واسعة من جوة وعلية عن الارض
بالنسبة للسول انت ممكن تجيبلها جنط 16 هتفرق كتير وفى نفس الوقت عالية عن الارض

[temo85]

السول عفشه ناشفه جدا خصوصا مع جنط 18 بس عربيه ليها طابع خاص غير اى عربية ودى وجهه نظرى الشخصية

[Motorsawyy]

طيب يا جماعة أنا بردو محتار محتاج لو حد معلش يقولي نقط مقارنة بين الاتنين تبقا لصالح واحدة منهم
و تسلموا طبعا لتعبكم
و انتم لو مكاني هتجيبوا ايه ؟

[Motorsawyy]

الى اعرفه عن التريوس بخلاف الى العضو الكريم قاله ان ثباتها سئ نظرا لعلوها و مفيهاش وسائل امان من abs ebd esb
و فى نفس الوقت السول فيها الكلام ده بس مش عاليه عن الارض زى التريوس و مع الجنط ال 17 عفشتها ناشفه بطريقة متعبه و بلالين لو اخدت بيها حفر جامده بس من جوه جامده جدا احلى من السيراتو فى راى

تسلم بس بيتهيألي التريوس الجديدة فيها abs ?

[Motorsawyy]

يا جماعة
???

[ahmadm]

السلام عليكم دية مواصفات الكيا سول الحديث على الفئة الهاى لاين وكيل

1- فيتيس 6 سرعات
2- فرامل ebd + abs فى مجموعة الفرامل
3- مثبت سرعة
4- ليدات امامى و خلفى
5-اشارات فى المراية الجانبية
6- مرايات ضم وكهرباء وتسخين عشان الشبورة
7- دركسيون تيليسكوبى
8- موتور 130 حصان
9- نور فى الشماسات
10- خمسة نجوم فى اختبارات الامان الاوربية
11- جنط 16 فقط ولا يوجد غير ذلك
12- زجاج خلفى و جانبي فامية
13- مساحة خلفية
14- المراّية الداخلية تعتيم
15- كاميرا خلفية
16- باركينج سينسور
17-كونصول فى المنتصف
18- السيارة key-less entry
19- فوجات أمامية
20- 2 وسادة هوائية
21- الكشافات الامامية عدسة
22- حساس اضائة اوتوماتيكي
23- سنتر لوك
24- كاست سى دى ام بى 3 و يو اس بى
25- طارة مالتى فنكشن
26- بلوتوث و التحكم بة من الطارة
27- فتحة سقف كهرباء

بس كدة :)