بص يا باشا. انا معايا تريوس و فيها 3 عيوب اولا عفشتها ناشفه جدا كعادة العربيات العاليه. ثانيا سحبها بطىء مبتستجبش بسرعه لدوسة رجلك لازم تفهمها الاول و بعدين تاخد و تدى معاك. ثالثا شنطتها صغيره بتضيقنى كتير فى السفر. لكنها الصراحه عربيه اعتماديه بجد الحمد لله بقالها 5 سنين معايا معملتش دقة نقص معايا بالرغم انى كنت ساعات باخد بيها مطبات هوا او بلاعه و بتكون جامده لكن عفشتها عشان ناشفه فهى قويه و بتستحمل و طبعا مش بتحك فى اى مطب. خش بقلب جامد يا معلم و لا الهوا. أما بالنسبه للسول فمعرفش عنها حاجه و محبش افتى. اسيب حد من الزملاء تكون معاه و هو يقولنا اخبارها ايه. يا ريت اكون افدتك.
المفضلات