صيانة ال 190.000 كيلو سيراتو 2010

[romeldes]

بسم الله الرحمن الرحيم

ازيكم يا شباب انا كنت عملت موضوع قبل كده وانا 160.000 وافدت واستفدت منكم بصراحه والنهارده جيلكو وانا 190.000 وبقالى فتره متابع بس مش بعمل مواضيع لحد ما قررت اعمل موضوع استفيد منه ونستفيد كلنا وهو عباره عن انى هشرح انا عملت ايه صيانه فى عربيتى والعيوب اللى اكتشغتها فى السيراتو وحاله العربيه بعد المشوار ده وكمان عايز اعرف منكم فى ايه ممكن اعمله تانى غير اللى عملته مع العلم ان الصيانه بره التوكيل عند ميكانيكى سيارات امريكى والمانى فقط بس هو حبيبى فبيظبطنى

نبتدى ان شاء الله

1- فلتر الهواء 20000
2- فلتر زيت 10000
3- فلتر بنزين 50000
4- بوجيهات 20000
5- فلتر تكييف 60000
6- سير 60000
7- زيت فتيس 50000
8- تيل فرامل أمامى غاليا كل 25000 أو 30000
9- مساعدين امامى 110000
10- مساعدين خلفى لسه هفيرهم لما افضى
11- تيل خلفى هغيره بكره
12- تنظيف رشاشات 180000
13- صوابع ميزان غيرتهم مرتين ودى غاليا بتبوظ من الجنط ال 17
14 - جلب مقصات مره واحده مردتش اجيب المقص كامل بصراحه المقص كان سليم جدا
15- مالتى فنكشن الدريكسيون بسبب دخول مياه وصابون فى المغسله
16- أكره الباب الخلفى شمال واحد ابن حلال سرقها مش فاهم ليه بس اتكسرت طبعا
17- الكلكس لسه بايظ وانا بركن النهارده
18 - طبعا دراع الاشاره زرار الفوجات
19 - مشكله الزينون اللى عند كل البشر
20 - زارير الزجاج ابتدت تنعم


وفى النهايه طبعا اكيد العربيه طبعا مشيت كتير بس الحمد لله حاله الموتور متختلفش كتير اوى عن الزيرو والحمد لله بس انا عايز اعرف بقى هل فى حاجه تانى ممكن اغيرها وطبعا انا فى الخدمه لو فى اى سؤال وحتى اللى عايز يجرب العربيه او يشوفها انا فى الخدمه برضه ياريت نفيد ونستفيد ومتشكر لكل واحد علق او رد على الموضوع وجارى رفع الصور .....

[mhf_77]

1-تغيير زيت باور - على كام الف؟؟
2-تغيير مياه ريداتير - على كام الف؟؟
3-تغيير كاوتش - على كام الف؟؟
4-تغيير طقم سيور كامله - على كام الف؟؟
5-تغيير بطاريه - على كام الف؟؟
6-تغيير زيت باكم - على كام الف؟؟
7-تغيير خراطيم تبريد - ولا لسه مغيرتش؟؟
8-تغيير ترموستات المروحه - ولا لسه مغيرتش؟؟
9-تغيير لمبة واطى ولمبة عالى ولمبة فوجات ولمبة اشارات - ولا لسه مغيرتش؟؟
10 -تزويد غاز فريون - ولا لسه مزوتش ؟؟
اخبار الصاج والباروما والعفشه وصوت الموتور وهل قطع غيارها معمره ولا لأ؟؟

[temo85]

ربنا يطمنك ياباشا و عقبال صيانه المليون :)
الكلام اللى حضرتك كتبته يعتبر مفيش عيوب جوهريه مقارنه بالكيلومتر
ربنا يباركلك فيها

[romeldes]

1-تغيير زيت باور - على كام الف تم التزويد فقط
2-تغيير مياه ريداتير - على كام الف تم التزويد فقط
3-تغيير كاوتش - على كام الف غيرت طقمين كومهو ومعايا دلوقتى لاسا تركى بس جامد اخر 10 حاجات مع العلم الجنط 17
4-تغيير طقم سيور كامله سير الدينمو او مايطلق عليه سير المجموعه
5-تغيير بطاريه - نامت على 150.000 أول الشتاء ده
6-تغيير زيت باكم - على كام الف على 3 غيار تيل ومره لقيته عامل تجمد على الوش عيرته
7-تغيير خراطيم تبريد لسه الحمد لله والتكييف طلقه الحمد لله وجارى الكشف بكره ان شاء الله
8-تغيير ترموستات المروحه - الحمد لله لا تمام الحراره تمام ديما الحمد لله
9-تغيير لمبة واطى ولمبة عالى ولمبة فوجات ولمبة اشارات مركب زينون عالى وواطى وفوجات فيرت الفوج مره والباقى مرتين مطلعين عينى والله ونصيحه لو هتركب زينون يبقى الفوج بس اما المرشدين وحده فصلت وغيرتها بس
10 -انطباعك ايه عليها هل قطع غيارها معمره عربيه قطع غيارها بحسها غير معمره بصراحه مقارنه بعربيات كتير ركبتها واحنا فى الخدمه ياباشا لو فى اى استفسار ومشكور على الاهتمام ؟؟

[romeldes]

ربنا يطمنك ياباشا و عقبال صيانه المليون :)
الكلام اللى حضرتك كتبته يعتبر مفيش عيوب جوهريه مقارنه بالكيلومتر
ربنا يباركلك فيها

متشكر ياباشا على الرد وربنا ميجيب اى عيوب لاى حد

[Ahmed_Adham]

الله يباركلك. بس العربيه موديل كام و شاريها امتى؟ المفروض تغير ميه الرادياتير كامله يعني تفضيها وتحط غيرها ميه خضرا جديده يبقى أفضل من التزويد عشان تاخد تبريد أفضل للموتور.

متشكر جدا أكيد ناس كتير هتستفيد بالموضوع ده.

[romeldes]

الله يباركلك. بس العربيه موديل كام و شاريها امتى؟ المفروض تغير ميه الرادياتير كامله يعني تفضيها وتحط غيرها ميه خضرا جديده يبقى أفضل من التزويد عشان تاخد تبريد أفضل للموتور.

متشكر جدا أكيد ناس كتير هتستفيد بالموضوع ده.

العربيه شاريها يوم 27/3/2010 وهى موديل 2010 وبالنسبه للميه عرفت موخرا انها بتتغيير بس ان شاء الله هغيرها قريب ومتشكرين على الرد يا احمد باشا

[Mohab555]

190 الف كم ماشاء الله
دى قصة كفاح و انت اكتر واحد هنا فى المنتدى عمل كليومتر بالسيراتو
عاوزينك توافينا بالتفاصيل
بس سؤال : هو الجنط الى فى الصوره ده انت الى راشه ولا هو جاى كده ؟؟

ما شاء الله
مبروك الصيانة وعقبال ال300 الف ..

[dr.hazem]

ربنا يباركلك فيها ويديك خيرها ويبعد عنك كل شر....
تحياتي

Sent from my SE Arc S using Forum Runner