هو ده طبيعي ؟؟؟

[dr.oun]

حضراتكم انا حاسس باختلاف شديد بين دريكسيون الكيا سيراتو كوبيه و اي عربيه ركبتها قبل كده
يعني ركبت لانسر و اوبل فيكترا و نيسان صني
بس كلهم مكنوش جنوط
و الوحيده اللي كانت جنط كانت جنط ١٥ اللانسر

ده طبيعي ؟؟ و هتعود عليه يعني و لا في ايه ؟؟
و انا حاسس ان طاره الكوبيه صغيره عن كل اللي ركبته برضو قبل كده

[aldesha989]

طبيعى ان كل عربيه جديده تركبها تحتاج ليها وقت لحد ما تتعود عليها

[hi_nmr]

اكيد اي عربيه جديده لازم تاخد وقت عشان تتعود عليها

[dr.oun]

مقصدش موضوع التعود انا فاهم ده

بس انا حاسس ان باور السيراتو اتقل حتي من النيسان

و سألت قالولي ده بسبب ان الجنط ١٧ و الكاوتش عريض هل فعلا ده السبب ؟؟

[ostoraa]

الجنط ملووووووووش اي دعوه
هو فعلا باور السيراتو عامتا بيبقي تقيل شويه وملوش اي دعوه بالجنط

[hism]

مقصدش موضوع التعود انا فاهم ده

بس انا حاسس ان باور السيراتو اتقل حتي من النيسان

و سألت قالولي ده بسبب ان الجنط ١٧ و الكاوتش عريض هل فعلا ده السبب ؟؟

انا برضو بشتكى من نفس الموضوع ده وغيرت زيت الباور ومفيش فايده

[salodas]

فعلا هو تقيل شويتين

[Formulator]

هى كده ياباشا، السيراتو دركسيونها ثقيل (والكارينز كمان اعتقد نفس الـsetup بتاع العلبة)!!

شوف
فيه 3 حاجات بيأثروا عـ الدركسيون والهاندلينج بتاع العربية

- الـSteering Wheel Lock-to-Lock عدد لفات الدركسيون
- الـSteering-ratio نسبة لفة الدركسيون للفة العجل (بيحددها الـrack والـpinion) السكاترة
- كمية الـPower-Assist طلمبة الباور (فـ الهيدروليك) أو الموتور (فـ الباور الكهرباء) بيدى assist للعلبة قد أيــــــــه؟؟

AFAIK
السيراتو كوب مختلفة عن السيدان

- الـlock-to-lock فـ السيدان 2.9 وفـ الكوب 2.7
- الـsteering-ratio فـ السيدان 14.2 وفـ الكوب 13.4

طبعا المقصود بالتغييرات دى: ان دركسيون الكوبيه يبقى سبورت عن السيدان لفات أقل و زاوية دوران أضيق..
عشان يعرف يعمل quick-turns بيقرب من الـdirect-steering؟!!
بس للأسف: جت منهم غلط (لنقص الخبرة فـ صناعة السيارات الرياضية طبعا)
الطارة السبورت والهاندلينج الـnimble دى صنعة صعبة جدا -و محتاجة خبرة وتكنولوجى؟!!

- عايز تشوف الفرق بقى فـ عربيات تانى -مشهورة بالهاندلينج:
لفات الطارة lock-to-lock بيبقى 2.9 (زى السيراتو سيدان)، مع steering-ratio بتوصل لـ12.5-13.0 (أدق وأفضل من الكوبيه)؟!!!
يعنى عرفوا يعملوا compromise مابين الـ2 parameter مع بعض!

أقولك: كان عندنا ألفاروميو 156 لفات الدركسيون 2.1 والـsteering-ratio كانت 12.5:1؟؟!!!
يعنى سرعة رهيبة فـ الإستجابة للملفات والهاندلينج الـiconic؟!!

بالنسبة للجنوط وعرض الكاوتش:
طبعا طبعا كل ما الجنط أكبر والكاوتش بقى أعرض وlow-profile هيبقى الدركسيون أثقل،
دى fundamentals؟؟!!
لكن أعتقد السيراتو بالباور الكهرباء (زى الإلنترا) هتبقى أخف من الزيت-الهيدروليك! حتى لو الجنط 17"

Rgds،

طيب مفيش حل للموضوع ده يا باشا ؟