التوكيل نصاب بجد

[Deshahcoka]

بجد استفزاز :(

التوكيل قالي العربية عاوز مساعدين و تيل فرامل خلفي و امامي و جنوط و كاوتش !

قالي بتوع 20 الف حنيه ! حسسني اني راكب زبالة كان فاضل اقله خد العربية مش عاوزها :(

قلتلهم طيب انا معيش فلوس ولا عامل حسابي على حاجة ! بس تيال قدام وريهالي كدة و اشوف لو اغيرها عشان ديه فرامل !

و قام وريهالي فعلا كانت خلاصنة و غيرتها ببتاع 700 جنيه ولا حاجة و قلتله الباقي فاكس بعدين

قمت جمعت قرشين و قلت انا ادور بره و اجيب الي انا عاوزه و اركبه عند واحد ميكانيكي قديم و شغال مشهور انوا نضيف يعني

و تغير تيل و مساعدين مش شغلانة محتاجة توكيل :)

قمت نازل صلاح الدين جبت تيال فرامل خلفي اصلي ب 350 جنيه بدل 440 جنيه من التوكيل مختومين و محفورين

و مساعدين اصلي 1000 الجوز و في التوكيل الواحد كان ب يعني ب 2200 تقريبا حاجة كدة

و كاوتش جبت الفردة ب 600 كومهوا معفنة :( لقيت الانواع التانية معدية الاف و جنوط عملتهلهم استعدال الواحد ب 150 جنيه يعني مش معوجية بس عشان كانوا بياخدوا رصاص 40 يعتبر كتير دلوقتي صفر الحمدلله

رحلت للميكانيكي فك العفشة بيوريني المساعدين لاقتهم زي الفل ناشفين زي الجداد الي جبتهم قمت ضربت كف على كف !!!! يعني لبست اول الف جنيه على الفاضي قلتله غيرهم بقى مش شمشكلة محنا فكينة و حاولت ارجعه و الراجل مرضاش قالي و ضربت عركة معاه و الناس وقفت حكمت ما بنا و قالت ميصحش اخد الحاجة و سبتها كام يوم و مينفعش ترجعهم :( قلتله انتوا ولاد ستين ..... سبتهم ومشيت

فبس ركب المساعدين الجداد و فك تيل ورا لاقتيهم فيهم بتاع 3 اربع كدة قعد اسب و التوكيل بجد ! يعني لبست تيال كمان ! غيرتهم و

الميكانيكي غير كام جلبه على كاوتشة و زبط الدنيا و ربط العفشة ! و بيض الدركسون كان مبوش غيرته و العفشة بقت حلاوة زي ما هيا يعني مفرقتش عشان مكنش فيها مشاكل مكنتش مشتكي منها :)

بس غيرت حجات مش محتاجه كدة و لبست مصاريف على الفاضي :( و مستفدش حاجة فلوس على الارض الدنيا زي ما هيا يعني :(

الخلاص التوكيل نصاب ! مشتريش الحاجة قبل ما الميكانيكي يفك و تشوفها بعنيك انها بياضة

انا شاكك انوا تيال قدام كانت تمام و التوكيل نصب و وراني تيال مش بتاعتي و خلاني اغيرها

عشان كان في مشكلة عضو معنا هنا عامل نفص موضوع التيال ده مهي سبوبة اليومين دول !

المصاريف كدة بتاع 5 بواكي :( على الارض :( حتى لو يعني اديه تغير مهوا ديه ليا كنات انا اولا بالفلوس اشرب بيهم عصير حتى بدل ما ارميهم في العربية و حتى العربية كانت سليمة و مش حتفرق في البيع يعني لو كنت بفكرر ابيع بس حصلي ظروف و منفعتش ابيع :( و جددت العربية 3 سنين من قريب و احجة تيت بنت ستين تيت !

نجيييييييييييب منينننننننننننننن ! معنديش انا من دهههههههههههه :( يا رببببببب

[AlGazar2]

معلش يا باشا التوكيلات فعلا زباله بس اعذرنى انت غلطان كنت قبل ما تجيب الحاجة تكشف عليها فى حته تانيه غير التوكيل عشان التوكيل لو طال يخليك تغير العربيه كلها هيعملها عشان يكسب لاحظ ان مكسبهم الاكبر فى قطع الغيار و المصنعيات

و مبروك تغيير الكاوتش و المساعدين و التيل

و المساعدين الى كانوا راكبين و التيل الخلفى خليهم عندك قطع غيار ملهمش عمر محدد ممكن يقعدوا عندك سنتين تلاته او اكتر

[Deshahcoka]

معلش يا باشا التوكيلات فعلا زباله بس اعذرنى انت غلطان كنت قبل ما تجيب الحاجة تكشف عليها فى حته تانيه غير التوكيل عشان التوكيل لو طال يخليك تغير العربيه كلها هيعملها عشان يكسب لاحظ ان مكسبهم الاكبر فى قطع الغيار و المصنعيات

و مبروك تغيير الكاوتش و المساعدين و التيل

و المساعدين الى كانوا راكبين و التيل الخلفى خليهم عندك قطع غيار ملهمش عمر محدد ممكن يقعدوا عندك سنتين تلاته او اكتر

الله يبارك في حضرتك كل ذوق يا باشا

فعلا مهوا انا قلت اكيد هما بتيكلموا صح يعني ! و الغلط اني مكنش عندي وقت اغيرهم قريب فمرة جهزت معايا فلوس قمت شاريهم وراكنهم في شنطة العربية و ركبتهم بعديهم بكام يوم فليه حق ميجهمش يعني

يلا لبسة بلبسة :( الواحد ياما بيشوف و يتعمل :( محدش عارف الفلوس ديه كانت راحت فين مليش نصيب فيهم :( ربنا كيد ليه حكمة :(

مع اني مذنوق و الواحد الظروف مكعبلة و محتاج حجات تاني اولى بس العربية تعبتر هيا رجل الواحد و بتوديه و تجيبه اكل العيش مش للرفاهية يعني :(

[temo85]

معلش يباشا محدش بيتعلم ببلاش و احنا فى مصر , ربنا يعوض عليك خير
فرع ايه يباشا ده , أبو رواش صح ؟؟

[Deshahcoka]

معلش يباشا محدش بيتعلم ببلاش و احنا فى مصر , ربنا يعوض عليك خير
فرع ايه يباشا ده , أبو رواش صح ؟؟

لا ياباشا ده فرع اسكندرية سموحة ... الي شغالين فيه كانوا شغالين في فرع العامرية قبل كدة بنفس البشمهندس بنفس الطريقة الزبالة :(

[AhmedNaeem]

تعيش وتاخد غيرها وربنا يعوض عليك

استفسار بعد اذنك هو انت استعدلت الجنط ازاي وفين ؟؟ وهل بيرجع جديد ولا ايه

[Deshahcoka]

تعيش وتاخد غيرها وربنا يعوض عليك

استفسار بعد اذنك هو انت استعدلت الجنط ازاي وفين ؟؟ وهل بيرجع جديد ولا ايه

باشا الجنط بيرجع صفر رصاص و باشا بدل ما تلبس فردة ب 1000 جنيه الجنط زي ما التوكيل كان عاوز ..:(

في كذا واحد بتاع جنوط نضيف

في فصلا الدين ناس بتعدله بركبوه على مكنة خراطة طدة و بيحط مقاس و بيلف الجنط بمكنة و يقعد يعدله بدراع هيدروليكي كدة مثبت في المكنة كدية بيحيش يكمل قطر الدايرة و يخلية يلف

و بيرجع فبريكة و متقلقش طلالما جنوطك اصلي بتاعت العربةي غير الصيني بيتشرخوا و يتسكروا دول بيتعوجوا شوية بس مش حاجة يعني

هيا عيب الجنوط في انك بتحسب تمن الاتسعدال ده مع تمن تغير الكاوتش فبتلاقي الفردة وقفت عليك اغلى من انوا يكون عندك جنوط حديد او 15 بيتغير كاوتش بس من غير ال 100 150 زيادة دول :)

[Kareem Fawzy]

معلش يا باشا الواحد مبيتعلمش بالساهل
قدر الله وما شاء فعل وانا لو منك اروح اتخانق معاهم واعملهم فضيحة

معلش يا باشا الواحد مبيتعلمش بالساهل
قدر الله وما شاء فعل وانا لو منك اروح اتخانق معاهم واعملهم فضيحة

باشا انا اتخنقت مع التوكيل ده و برضه مفيش فايدة مهوا مش ملاحق على العربيات و النصب الي شغال عليه فيعني مش حفرق معاه انا زبون طز يجي مكانة 10 و مهوا كلوا بيخاف على عربياته و بيدفع ماشين بالمبدأ ده :( الي غايظني انوا العربية زيروا يعني و مش محتاجة حاجة و يجيوا يلبسوني حجات ملهاش لزمة :( الناس بتجيب زيروا توفر و انا اجيب يروا و البس :(

[Ahmed_Adham]

كان ممكن تشوف بيعه للحاجات الجديده اللي معرفتش ترجعها وتقلل الخساره وممكن برضه تبيع المستعمل اللي عندك دلوقتي وترجع جزء من اللي دفعته عشان مش هتحتاج الحاجات دي الا بعد سنتين على الاقل فتتصرف فيهم دلوقتي أحسن من تخزينهم والله يعوض عليك في المصاريف فداك وفدا عيل من العيال.