سؤال لكل من له جولف4...

[aboumansour87]

السلام عليكم جميعا
انا ناوى انشاء الله اجيب جولف4 فكنت عايز اسال ايه احسن مكان ممكن اجيب الاقى العربيه فيه بس يكون فى القاهره
واكشف على العربيه فين؟؟؟ وايه احسن موتور ليها 1600 ولا 1800 ولا 2000 سي سي ده بس علشان قطع غياره تكون موجوده ولا لا
وشكرااااااااااااااا

[mohamed ibiza]

مبدئيا يا باشا عندك سوق الجمعة او اعلانات المجلات و الجرايد

تكشف عليها عند محمد سمير في جسر السويس
و احسن موتور ليها من ناحية الاداء طبعا 2000 سي سي
انما توافر قطع الغيار العربية نزلت اصلا بموتور 1400 سي سي و ده منتشر جدا و قطع غياره في كل حته
و نزلت 1600 سي سي بس قليل و بالتالي قطعه اقل من ال 1400 سي سي لكن موجودة

[iBiZa]

السلام عليكم جميعا
وايه احسن موتور ليها 1600 ولا 1800 ولا 2000 سي سي ده بس علشان قطع غياره تكون موجوده ولا لا
وشكرااااااااااااااا

ال1400 بيبقى ضعيف على العربية و انت مشغل التكييف او معاك ناس.

ال1600 فية Manual و فية Automatic و دة يعتبر الOptimum على العربية عشان 100hp فا مش هياكل بنزين كتير و فى نفس الوقت كويس اوى على 5 فى العربية و التكييف شغال مش هتحس انها متكتفة. و كمان ترمى معاك لحد 220 او 240 كيلو.

ال1800 لو هتجيبة يبقى لازم اللى فية Turbo و دة احسنهم و اقواهم لانة 150hp فا هتلاقى العربية بتطير معاك و بينزل علاطول مافيهوش مشاكل, و المفروض اللى هتشترى منة الموتور هياخد القديم بتاعك و تدفع فرق من 10 الى 13.

ال2000 دة يديلك 115hp فا مش جاية على التعب و انك اسمك راكب 2000cc, انا بصراحة بحس انة لزوم الوجاهة الاجتماعية و بس.

تكشف عليها عند محمد سمير في جسر السويس

+1

[dr_3eshoo]

هاقولك على سر في الفولكس
لو انت ركيب ركب ليها ماتور 1800 سي سي تربو بيتكلم في 160 حصان ماتركبش ال 2000 سي سي لانه 120 حصان لاني كنت بدور على ماتور كبير لعربيتي
اما لو حضرتك زي حالاتي فدور على عربيه جولف تكون 1400 سي سي حاله نضيفه بكتون زي ما بيقولوا حاله شازه
تكشف عند محمد سمير في حديقه بدر في جسر السويس هايجيبلك تاريخ العربيه
او تنزل بورسيعد تستنضفلك عربيه من بتوع المعاقين او تجيب عربيه منطقه حرة و تجمركها

[dr_3eshoo]

ده الرجاله قايمين بالواجب فوق ماخدش بالي

[3mr Farrag]

يا رجاله موتور 1800 بالتربو فيه منه 180 حصان

[iBiZa]

دة بتاع الtt

[3mr Farrag]

ادخل شوف هنا هتلاقي ان بينزل جولف 4 بالموتور ده

http://en.wikipedia.org/wiki/Volkswagen_Golf_Mk4

[3mr Farrag]

او ممكن تجيب موتور الجولف 5 2000 سي سي
اللي بتربو في منه اتنين....واحد بيطلع في حدود 200 حصان
و التاني في حدود 230 حصان....
بس اعتقد ان لو لقيته هيبقي غالي اوي

[iBiZa]

ادخل شوف هنا هتلاقي ان بينزل جولف 4 بالموتور ده
http://en.wikipedia.org/wiki/Volkswagen_Golf_Mk4

ايوة يا باشا بس دة مش هتلاقية هنا لانة دة بتاع الUSA Edition, اللى موجود هنا ال150hp عشان كل التجار بتقطع من Europe فا لو عايز ال180hp هتجيب موتور الTT و تغير الوش الفيبر اللى فوق و ممكن ساعتها تجيب موتور الTT الTwin Turbo و دة بيطلع 225hp

و ممكن تجيب ال150HP و تجيب SuperShip من امريكا هتخلية 190 او 200 تقريبا بس دية فى حدود 1000 دولار

او ممكن تجيب موتور الجولف 5 2000 سي سي
اللي بتربو في منه اتنين....واحد بيطلع في حدود 200 حصان
و التاني في حدود 230 حصان....
بس اعتقد ان لو لقيته هيبقي غالي اوي

موتور الGolf 5 مختلف عن الGolf 4 فى حاجات كتير اوى زى الضفيرة - الكونترولات - البور - العدادات. فا هايبقى صعب جدا.

لو لقيتة مش هيقل عن 30 او 40 الف جنية + مشاكل انك تركبة.

[adhamgolf]

taib a ra2ik fe golf 4 v 6 2800 cc . 3ala fkra gamda awi

[iBiZa]

ال2800 دة 24 صباب و بيطلع 210hp بس المشكلة فى بنزينة و الضريبة بتاعتة.

و اى tunning بسيط هتعملة فيها هيبان معاك جامد.

انا عن نفسى ناوى اجيب VR6 بس شوية كدة لما الcash يظبط.

[adhamgolf]

2na m3aya golf v6 2800 cc 210 hp model 2000 . 3andk 7ad shary. thx ibiza

[iBiZa]

انت طالب كام و مسقطة عند مين ؟؟

[adhamgolf]

3and m7md samir w hany w ana 3aiz 96000