موضوع اكثر من هام لكل ملاك الكارينز و كل من ذوى الخبرة

[ashouhdy]

دلوقتى كاوتش العربية 205 60 16

عامل ارتفاع للعربية عن الارض 15.6 cm




دلوقتى المقاس رقم 215 60 16

عامل ارتفاع عن الارض 18 سم بفرق 1.8% اختلاف عن الكاوتش الأصلى وكل المواقع كاتبة ان لحد اختلاف 4% مقبول وعادى



اية رأيكم هل ممكن اثناء تبديل الكاوتش نغير للمقاس الجديد ونفس الجنوط ونفس كل حاجة والعربية يزيد ارتفاعها ؟؟؟



جاااد جداااا للاهمية ولو انا غلطان فى الحسابات صححونى

حضرتك جبت رقم 18 سم ده منين؟؟... انت زودت سنتي واحد في العرض والنسبة بتاع الارتفاع 60% يبقى كده الارتفاع هيزيد 6 مللي فقط بمعنى انه بدل ال 15.6 سنتي هيبقى 16.2 .... والدليل على كده هتشوف ال Sidewall... هتلاقيها زادت من 123 مللي الى 129 مللي...مش فارقة حاجة... دي هتعمل لك فرق بس على عداد السرعة في حدود 3%

[ashouhdy]

يا دكتور واحدة واحدة احنا بنتناقش داخل جامد فيا لية


ياسيدى فهمنى بشويش !! فعلا عندك حق .... قولى بقى بما انك فاهم لحد 3.5% يديك علو كام ؟ على نفس الجنط او جنط 17 ؟؟

أنا آسف ما أقصدش والله

[exact]

انت عندك جنط 17 وعاوز توصل لأقصى ارتفاع بتزويد العرض؟؟

طب ما نجرب ندور على نسبة 65 بدل 60 وخللي العرض مثلا 225

[ashouhdy]

ياباشا العفو :)))

لأ اصل بفكر لو جة ميعاد تبديل الكاوتش لة اجيب نفس المقاس مااجيب مقاس اعلى وافضل

الاصلى 205 60 16

فالجديد فى حدود المعقول اللى ميضرش بالعربية ممكن نعرض و نعلى لحد فين ؟



للعلم مقاس ال 17 رقمة 225 50 17

[hugan]

متابع

الموضوع ده مهم جدا انا عربيتي عاملة 62000 دلوقتي و السؤال هنا هو لازم اغير الكاوتش دلوقتي و لو غيرته اجيب ايه بالضبط و بكام
الجنوط 16 و 205 تقريبا و مستني ردكم يا جماعة

بص حضرتك اى عربيه بيبقى ليها مقاسين للكاوتش و بيبقوا مكتوبين فى كتالوج العربيه فممكن حضرتك تدور عليهم و تشوف المقاس التانى كام وده تبقى مطمن لو ركبته من ان مفيش تأثير سلبى على اى حاجه

[Ahmed_Adham]

لو الكاوتش كبر مش هيقرب من الرفرف ولا ايه؟ خد بالك تعريض الكاوتش هيزود الاكتكاك شويه ويقلل السحب وانت عارف العربيه يادوب. أنا رأيي لو الهدف ان العربيه متحكش يبقى الاهم من تكبير الجنط انك تحافظ على ضغط الهوا على 35 وميقلش عن كده أبدا وهيه مش هتحك الا في مطبات نادره جدا. انا عن نفسي محكتش مني غير مره واحده بس وكان في العربيه 4 غيري وطفلين والمطب كان رفيع. على فكره أنا بشيك على ضغط الهوا مره كل 4-5 أيام بجهاز لقياس ضغط الهوا ديجيتال براقب بيه الهوا لما بحس ان العربيه مريحه.