شيفوروليه افيو متعه القياده والراحه وقمه الشياكه (رأيى الشخصى)

[احمد عز]

انا استلمت عربيتى الافيو الاسبوع الفات وحبيت اقول لكم على تجربتى مع هذه السياره الشاقيه بصراحه عربيه مريحه جدااااا فى السفر وملهاش صوت نهائى والتبلوه شكله شيك جدا والكراسى مريحه واهم حاجه ان العربيه عليا يعنى تاخد المطب برحتك على الاخر والصالون بتاعها كبير يعنى الكنبه تاخر 4 مستريحين والشنطه كبيره بس التكيف بصراحه مش عاجبنى ولمى سالت قالو لى فى منصور متشغلش التكيف الا بعد ال500 كيلو علشان الفريون يشتغل
وعلى فكره مفيش وجه المقارنه بينها وبين الانوس الفرق كبير جدااا وانا حسيت بالفرق


لو حد عنده اى استفسار على الافيو يتفضل يسال

[yasserayad]

الف مليون مبروك
ربنا يعطيك خيرها ويكفيك شرها

[احمد عز]

الف شكر يا yasserayad والله يعطيك العافيه

[yasserayad]

انا عايز اسالك عن حاجات كتير بس اصبر شويه لما حضرتك تاخد وقتك مع العربيه وتكتبلنا تقييم كامل
بس ليا سؤال صغير ايه الفرق بين المصرى 74000
والكورى اللى تمنها 80000

[احمد عز]

اتفضل اسال الاسئله الى انت عاوزها فى وقت تنور
امال الفرق بين المصرى والكورى
هو فى 3 انواع من الافيو
1-افيو هاف اوبشن ودى الاوبشن الى فيها (تكيف -بور -كاست ) ودى سعرها 73000
2-افيو Ls ودى فول اوبشن ودى الى فى منها مصرى وكورىودى الاوبشن بتاعتها (تكيف -سنتر -بور-كاست-زجاج كهرباء (امامى )-كنبه قابله للطى -لمبه تحذير الفرامل - ضبط تدريجى لاضائه التابلوه
سعر المصرى 76000 اما الكورى موديل 2009 ب80000 والفرق الوحيد هو التقفيل وطبعا يستسن الكورى علشان انت عارف طبعا المصريين مش بيعرفو يعملو حاجه وثانيا كل السيارات الى متافله فى مصر لازم يكون 40% من مكوناتها مصرى حسب قانون الصناعه المصرى اما لكورى كل مكوناتها كورى 100%
اما بالنسبه للضمان المصرى 3سنوات او 100.000 كيلو
اما الكورى 3 سنوات او 60.000 كيلو
هو ده الفرق
ومستنى باقى اسالتك

[eng / AhmeD]

ربنا يباركلك فيها
بس هل الشكل القديم بتاعها ده هيفضل شغال وله الهاتش باك الجديد هيحل محله؟

[احمد عز]

لا يا eng / AhmeD باشا الهاتش باك حاجه والسيدان الى هى بشنطه حاجه تانيه بس نفس السعر يعنى الحتفضل زى ما هى

[magedomran]

الف الف مليون مبروك اخى العزيز ربنا يباركلك فيها ويديك خيرها ويكفيك شرها
كنت عايز اسأل على كام حاجه
انت عربيتك مانيوال ولا اتوماتيك ؟
سمعت كتير ان سحب الافيو ضعيف وناس بتقولى الاتوماتيك بتاعها احيانا السحب بتاعه بيكون حلو قوى واحيانا بيكون وحش قوى قولتلهم ممكن علشان التكييف قالولى احيانا بيكون التكييف مش شغال
؟
اخيرا معلش احكلنا عن تقييمك للعربيه

[eng / AhmeD]

و بالمرة أخبار استهلاك البنزين ايه؟؟
و الثبات؟؟

[احمد عز]

اولا يا magedomran الله يبارك فيك
ثانيا انا عربيتى مانيوال وانا مش قادر اقيم موضوع السحب ده علشان العربيه لسه عمله ال500 كيلو دلوقتى وفى منصور وانا بستلم العربيه قال لى متعديش ال80كيلو الا بعد ال 700 بس الى انا شيفه لحد دلوقتى ان السحب كويس

[احمد عز]

يا eng / AhmeD باشا انا فولت العربيه اول ما اول ما استلمتها وكان العداد عامل 25 كيلو متر وخدت 40 لتر والمؤشر وصل عند الشرطه الاولى عند330 كيلو متر فمش عارف كده كويس ولى ايه اما باتلنسبه للثبات انا حقلك بس لمى اعدى ال700 كيلو متر الاولى قريبا ان شاء الله
مستنى مزيد من الاسئله

[eng / AhmeD]

ربنا يباركلك فيها و تعدي ال10000000 كيلو بيها
و هي بتحك في المطباط ولا لا و هي متحمله علي الاخر ؟
انت شاريها كاش ولا قسط؟؟

[mahamedaraby]

ياريت بقى كده تقيم كامل بالصور فى كل جزء فى العربيه علشان يكون مرجع لكل اللى عايز يشترى الافيو

[احمد عز]

صديقى eng / AhmeD وياريت تسمحلى نكون اصدقاء متشكر جدا
اما بالنسبه لموضوع المطباط ده والله اول مره اسوف عربيه جديده عمرها ما حكت فى المطباط المصريه انا كان معايا عربيه لادا موديل 2006 وجبتها على سمعتها على اساس انها حموله متستحمل والكلام الى كلانا عرفينه ده مافيش مطب مشيت من عليه الا وكانت بتحك فيه اما دى كنت راكب انا واخويا جنبى و4 اصحابنا فى الكنبه ومشينا على طريق المنصوريه لو تعرفه وطبعا الطريق ده مشهور بالمطباط وانا كنت ماشى فيه وخايف بس بسم الله ماشاء الله لا حك ولا تجريح من تحت ولا الهوى بس الى مضيقنى فيها الابشن يعنى انا شاريها فول اوبشن اولا الكاست شرايط مش CD ثانيا الزجاج الامامى فقط هو الى زجاج

[احمد عز]

والله يا استاذ mahamedaraby انا كنت عاوز اعمل كده بس معرفتش ارفع الصور على الموقع لو تعرف الطريقه قلى وان شاء الله اظبط الموضوع