إعـــــــلان

Collapse

.

,
See more
See less

# البيكانتو بعد 10000كم من استخدامي#

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    # البيكانتو بعد 10000كم من استخدامي#

    الوقت بيمر و الكيلومترات بتعد بسرعة الصاروخ.....

    ماهي إلا 5 أشهر بالتمام و الكمال...حتى أكملت سيارتي الكيا بيكانتو موديل 2005 عدد 45000 كيلومتر منهم 10000كم باستخدامي الشخصي...تخللتها 1500 كيلومتر سفر للاسكندرية مرتين و طنطا.

    و اليكم ملاحظاتي من جميع الاوجه:

    المحرك و الأداء:

    في بداية استخدامي للسيارة لاحظت وجود بعض الصفع (التسقيف) اثناء النقل علي جميع الغيارات....رغم انني كنت استخدم بنزين 92...و أيضا لاحظت ضعف السحب في بعض المواقف....لكن هذا ربطه بصغر حجم المحرك...

    بعد ذهابي الي صيانة ال 40000 و التي اتمتها عند ال 38000 لاحظت اختلاف في أداء السيارة من حيث قوة و شدة السحب...و هو شئ طبيعي حيث تم تغيير البوجيهات و الفلاتر....لكن بعد اتمام ال 40000كم اختلف اداء السيارة تماما...و اختفت مشكله التسقيف التي كنت اعاني منها...و ده انا ربطه بان المستخدم السابق للسيارة كان يستخدم بنزين 90 و قيادته هادئة نوعا ما...فكانت تحتاج الي بعض الوقت للتأقلم علي رقم الاوكتان الأعلي و اسلوب قيادتي ..
    مع العلم انه بعد الصيانة مباشرة اضفت سائل تنظيف دورة الوقود مع تفويلتين بنزين 95 (أيام العز) و طلعت علي طريق سفر....و ده ساهم بشكل كبير في رفع اداء السيارة.

    نسب تخفيض الفتيس أكثر من ممتازة بالنسبة لحجم المحرك الصغير....لكم ان تتخيلوا ان سرعة ال 100 تكون عند 2950 RPM ...علي الخامس....و ال120 عند 3500 RPM....أعتقد سيارات كثيرة بسعات ليترية أكبر من كده ماوصلتش للرقم ده أبدا...علي سبيل المثال لا الحصر...النيسان صني 1300 عند سرعة 100 يكون الRPM عند 3300.....

    صوت الموتور ايا كانت سرعتك غير مسموع ...و غير محسوس في جسم السيارة اطلاقا...بمعني ان اثناء التسارع و السير لا تجد الاهتزازات الخفيفة في عجلة القيادة و الكرسي و الدواسات و ما الي ذلك (أكيد انتم فاهمين قصدي)....و لولا وجود عداد الRPM لكانت مشكلة كبيرة

    أفضل عدد لفات ممكن تاخد منها أفضل قوه للموتور من 2500 ل 4000 RPM....قبل كده بطئية و بعد كده التسارع شدته هاتقل و يفضل تنقل لنقلة أعلي....

    مع التكييف الأداء معقول....ممكن ندي الأداء جيد مرتفع....تأثيره واضح أثناء التسارع...لكن بها ميزه أعتقد موجودة في جميع السيارات...و هي ان لما تكون بتجري بالعربية و الRPM بيعلي...تلاقي الكومبريسور فصل أوتوماتيك لحد ماتخلص حرق و يرجع يشتغل تاني....عدا ذللك لو سرعتك ثابته التكييف مش مشكل أي حمل علي العربية حتي لو في 4 فيها...و لحد 120 ماتحسش بأي حمل و ثقل...


    استهلاك البنزين:

    علي الطرق الطوالي الاستهلاك رائع حتي لو التكييف شغال و العربية محملة....50 جنيه (27 لتر) عملت حوالي 500 كيلو بالتكييف و اربعة بالغين علي سرعة 100....

    تزداد شراهة داخل المدينة خصوصا اثناء تشغيل التكييف...يعني ممكن تلاقي ال 27 لتر دول عملوا من 350 ل 400 كم

    العفشة و الثبات:

    ناعمة جدا جدا جدا جدا فوق الوصف...و أكثر مما توقعته في سيارة بهذا الحجم...الباور سلس و ناعم و استجابته سريعة جدا و مفيد في تفادي المطبات المفاجئة....عندي صوت خبط بسيط قدام يمين....غالبا جلب مقصات.

    ثباتها ممتاز و متماسكة في شتي الطرق...لم اشعر بعدم التحكم مره واحدة (الا ايام الكاوتش القديم)...حتي في الملفات الصعبة ال Body roll مش عالي قوي...و ده معززه وجود الجنوط و الكاوتش العريض عندي...

    توجد مشكله و انا ذكرتها قبل كده...و هي ان العربية قاعدة عجلاتها نوعا ما مربعة و صغيرة ...فا مطبات الهواء تؤثر سلبيا علي السيارة ...أي ان مستوي التنطيط هايزيد خصوصا لو فيه ناس قاعدة ورا..

    عدا ذللك نظام تعليق السيارة ممتاز و يشعرك انك في سيارة أكبر من حجمها.

    العملية:

    طبعا الفئة دي من السيارات مش محتاج اتكلم فيها عن العملية...سواء في الركن من أول مره في أي منطقة...او الدوران للخلف في أضيق الشوارع...أو استهلاك البنزين أو حتي مساحة المقصورة الواسعة التي مازال أصدقائي يستغربون لها...مقارنة باحجام سيارتهم..

    عيب قاتل السيارة هو عدم وجود شنطة كبيرة...لكن ده شئ طبيعي في الفئة دي...انا مفرقش معايا قوي موضوع الشنطة ده لأني لسه قدامي فتره كبيره لحد مايبقي فيه عيال...فا مش محتاجها قوي...و بعدين دي كانت حجة رائعة لتخفيف الحمل من سياراتي و نقل الأمتعة الي سيارات أصدقائي

    ملحوظة علي جنب كده...

    لاحظت من أول ما استلمت العربية ان أحزمة الامان ممابترجعش بسهولة و تقيله جدا...بس مع الاستخدام رجعت زي الميه تاني...و ده أربطه بان المالك السابق مكانش معترف بالحزام اساسا...

    فئات تانية؟؟؟بنفس السعر:

    طبعا لا يخفي عليكم ان اثناء بحثي عن سيارة كل الناس قعدت تقول فيرنا و لانوس و صني و كريستاله و الحاجات المشهورة دي...س انا من جوايا مكنتش عايز الأحجام ديه...ولا المواتير ديه...انا لسه شاب و مش عايز عربية عائلية و مش عايز عربية مليا الشوارع و الناس كلها راكباها....

    و بعد اختياري للبيكانتو ....مازلت أشكر الله انه اعطاني النعمة دي...فعلا فرق شاسع في احساس القيادة بين العربية دي و العربيات اللي قلت عليها في الأول...سواء من ناحية التقفيل و الخامات(حتي الصني و الكريستاله) و صوت الموتور و المتعة ...بس طبعا في فرق ثبات و عفشة انعم...بس مش فرق رهيب!(السيارات المجربة ذكرتهم فوق و هم سيارات أصحابي)

    لمسات في سيارتي:

    أكيد كل واحد لازم يحط لمسته علي العربية بتاعته...و ديه شوية حاجات بسيطة عملتها من ساعة ما أخدت العربية:
    فاميه زيرو 1....هو أخف من كده بكتير بس عشان الشمس ضاربة فيه....و فارق جدا في موضوع عزل الشمس و كفاءة التكييف...و ميزته انه مش باين عشان العربية كلها سوداء...

    و حته فاميه صغيره علي الجزء الأبيض من الفانوس...







    انذار ولف و وحدة رفع للزجاج الأمامي (المنظر أثناء التركيب بالتوفيقية....بشع طبعا )


    CD MP3 ال جي....هدية من عمي بمناسبة السيارة...



    زجاج أمامي ....اتغير في التأمين...


    و طبعا زي ما انتم عارفين غيرت ال4 فرد كاوتش ببريدجستون ...و نفسي أغير الجنوط...بس بحاول أقنع نفسي بيهم عشان مافيش ماني

    _________________________________________

    عفوا لقد نفذ رصيدكم و لن يسمح بالكتابة أكثر من ذلك في هذا الموضوع...يرجي الذهاب من هنا وشوفلك أي حاجة تعملها يا نادر...
    [CENTER][SIGPIC][/SIGPIC][/CENTER]
    الكلمات الدلالية (Tags): 1300, 1500, 20, 2007, 2008, 40, 400, 50, ex., i10, rpm, أوتوماتيك, اداء, استخدامي#, استلمت, استهلاك البنزين, اسكندرية, البنزين, البيكانتو, التأمين, التسارع, التو, التوكيل, الشمس, الشنطة, الصيانة, الفئة, اللانسر, اللي, الي, انتاج, انذار, بعد, بكرة, بنزين, بنزين 90, بنزين 92, بنزين 95, بيع, بيكانتو, تركيب, تغيير, تقييم, تكييف, تنظيف, ثبات, جنوط, جين 2, حساس, رائع, ريس, زيرو, سرعة, سعة, سعر, سكندرية, سيارات, سيارة, سير, شنطة, صوت, صوت الموتور, صور, صيانة, عايز, عجلات, عداد, عدة, عربية, عفشة, عمة, عن, غيار, فئة, فتيس, فرق, في, فيرنا, قوة, كاوتش, كرسي, كريستاله, كل, كيا, كيا بيكانتو, لانوس, مشكلة, مع, مقارنة, من, مواتير, موتور, موديل, مين, نظام التعليق, نيسان, هل, هنا, هي, وصف
  • #2
    ربنا يبارك لك فيها يا نادر باشا ......و ما تخافش رصيدك كبيييير قوي في المنتدي يا باشا ..في انتظار المزيد من التقييمات الجامدة إن شاء الله
    [CENTER] [/CENTER]

    Comment

    • #3
      شكرا يا شيكو باشا :)

      نسيت أقول حاجة ان العربية لازم يكون اتعلم عليها من الشارع:)

      الرفرفين اللي ورا (شمال و يمين) ميكروباظين باسوهم و كل واحد في وقت غير التاني خالص....حاجة كده تفتح النفس
      [CENTER][SIGPIC][/SIGPIC][/CENTER]

      Comment

      • #4
        ربنا يحفظهالك بخير دايما باذن الله
        انا ثانيا باشكرك جدا على اهتمامك وردك على سؤالى
        جزاك الله خيرا
        انت حببتنى فيها جدا العربيه دى وان شاء الله تباركلى قريب
        الا اذا الميزانيه زادت يبقى جين 2 باذن الله
        فى منتدى الجين 2 هناك الاستاذ توت برضه بيحب عربيته وكلامه دايما منطقى ومقنع
        وهو اللى حببنى فيها جدا جدا
        وهنا فى منتدى الكيا انت المرجع بتاع البيكانتو
        عقبال ماتتم بيها 1000000000 كم ان شاء الله
        [SIGPIC][/SIGPIC]
        [FONT=Comic Sans MS][SIZE=1][B][I][SIZE=3][COLOR=black]م ياسر عياد[/COLOR][/SIZE][/I][/B]
        [/SIZE][/FONT]

        Comment

        • #5
          انا هدفع فلوس ال 2008 بكرة ، و هستلمها بعد بكرة

          قبل ما ادفع

          انا استعمالى مش تقيل ، مشاوير الجامعة و دروس و خروجات ، كلها حاجات مش بعيدة

          اتوكل على الله ؟ و لا ايه ؟ و هل موتورها ضعيف ، و لا كويس ؟
          Everything's not lost..

          Comment

          • #6
            ربنا يحفظهالك بخير دايما باذن الله
            انا ثانيا باشكرك جدا على اهتمامك وردك على سؤالى
            جزاك الله خيرا
            انت حببتنى فيها جدا العربيه دى وان شاء الله تباركلى قريب
            الا اذا الميزانيه زادت يبقى جين 2 باذن الله
            فى منتدى الجين 2 هناك الاستاذ توت برضه بيحب عربيته وكلامه دايما منطقى ومقنع
            وهو اللى حببنى فيها جدا جدا
            وهنا فى منتدى الكيا انت المرجع بتاع البيكانتو
            عقبال ماتتم بيها 1000000000 كم ان شاء الله
            ربنا يخلييك يا ياسر باشا..ده بس من ذوقك...و ربنا يرشدك للعربية المناسبة

            انا هدفع فلوس ال 2008 بكرة ، و هستلمها بعد بكرة

            قبل ما ادفع

            انا استعمالى مش تقيل ، مشاوير الجامعة و دروس و خروجات ، كلها حاجات مش بعيدة

            اتوكل على الله ؟ و لا ايه ؟ و هل موتورها ضعيف ، و لا كويس ؟
            أعتقد الموضوع ده و الموضوع المثبت مجاوبين الأسأله اللي حضرتك بتسألها...
            [CENTER][SIGPIC][/SIGPIC][/CENTER]

            Comment

            • #7
              ربنا يباركلك فيها يا نادر والله انا بحب العربية دية جدا
              [CENTER]الحمد لله[/CENTER]
              [CENTER] [/CENTER]
              [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

              Comment

              • #8
                ربنا يباركلك يا نادر فيها

                و تتبسط بيها كمان و كمان ،،

                فعلآ بيكانتو ابداع السيارات الصغيرة

                Comment

                • #9
                  ربنا يباركلك فيها يا نادر ويكفيك شرها وشر الكمين قول آميييييييييييييين
                  [RIGHT][marq="3;right;3;scroll"](●̪•) H∂$$αற (•̪●)[/marq][/RIGHT]

                  [CENTER][img2]http://img687.imageshack.us/img687/6783/carcovercls.jpg[/img2][/CENTER]

                  Comment

                  • #10
                    هوا الفاميه مش ممنوع ولا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
                    لا بجد هوا ممنوع تقريبا
                    بس البتاع الاحمر اللى بيتركب على الفوانيس ورا اسمو ايه؟ والله يباركلك فيها
                    بقت زى البولو من بره على فكره انا حاسس انها مش بيكانتو
                    نفسى احس ان انا بنى أدم جوا جمهوريه مصر العربيه :sad:
                    عاشق تراب اللانسر مهما كانت اوحش عربيه فى الوجود:whtauwant::whtauwant:

                    Comment

                    • #11
                      هوا الفاميه مش ممنوع ولا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
                      لا بجد هوا ممنوع تقريبا
                      بس البتاع الاحمر اللى بيتركب على الفوانيس ورا اسمو ايه؟ والله يباركلك فيها
                      بقت زى البولو من بره على فكره انا حاسس انها مش بيكانتو
                      ممنوع طبعا...بس الدرجة اللي انا حاططها خفيفة...و لو انت واقف قدام العربية مش بيبان خالص...انا احطياطي بنزل القزازين اللي قدام و انا داخل علي أي كمين... و الحمد لله ماوقفتش ولا مره...و لسه اخرهم يوم تطبيق القانون...لجنه ما شاء الله 6 رتب و معدي من وسطهم محدش اتكلم

                      البتاع بتاع الفوانيس ده اسمه فاميه برده...بس نوع أتقل و بيتعمل بسشوار عشان يلزق كويس...و علي فكره اللي انا حاطه رمادي مش احمر
                      [CENTER][SIGPIC][/SIGPIC][/CENTER]

                      Comment

                      • #12
                        ربنا يبارك لك فيها وتاخد خيرها و يحميها لك من بوس المكيروباصات و احضانهم...و احلى حاجة فيها انها مش ملعوب فيها يعنى هو الفاميه و الجنوط و تمام كده ..احلى حاجة البساطة..بس فعلا شيك.

                        Comment

                        • #13
                          بسم الله ما شاء الله ربنا يباركلك فيها ويملهالك بركه
                          اللعب فيها هادي وشيك ما شاء الله
                          ........ شكلك حتباركلي على ال 2008 قريب إن شاء الله يا أفيو بإذن الله .
                          [url=http://www.postimage.org/image.php?v=Pq2rLLOS][img]http://www.postimage.org/Pq2rLLOS.jpg[/img][/url]

                          Comment

                          • #14
                            عربية جمبلة جدا وشكلها جذاب ربنا يباركلك فيها ويحفظهالك

                            Comment

                            • #15
                              المشاركة الأصلية كتبت بواسطة NaderNabil مشاهدة المشاركة

                              عفوا لقد نفذ رصيدكم و لن يسمح بالكتابة أكثر من ذلك في هذا الموضوع...يرجي الذهاب من هنا وشوفلك أي حاجة تعملها يا نادر...
                              مش مهم يانادر انا ممكن احولك رصيد .... بس انت رصيدك كبير فى المنتدى.

                              كالعادة تقيم مميز ورائع باستمتع وانا بقراء كل كلمة فيه ... حببتنى فى العربية اكتر ما انا حببها اصلا وان شاء الله ربنا يسهل ونضمها لاسرتنا علشان الست حرمنا عايزة عربية (ربنا يستر).

                              العربية شكلها مميز جدا والفيمه والجنوط عملين شغل تمام (الجمال فى البساطة)

                              ربنا يبركلك فيها ويكفيك شرها ... وعقبال 100.000 كيلو والتقيم الجديد

                              [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                              [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                              [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                              [/CENTER]
                              [/CENTER]
                              [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                              [CENTER] _______________[B]
                              [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                              [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                              [/CENTER]
                              [B][COLOR=Blue][B][SIZE=2]
                              اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                              _______[COLOR=Blue]_______________
                              [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                              Comment

                              السابق 1 2 template التالي
                              Working...
                              X