كام سوال بالنسبة للفوطة الجلد غزال؟

[H.ibrahim]

السلام عليكم ورحمة الله وبركاته
امبارح و انا فى الكارفور اشتريت الفوطة جلد الغزال ( فيلدا ) المانى -ومكتوب عليها انها توضع فى ماء ساخن جدا قبل الاستخدام - فهل هذا فى كل مرة استخدم فيها الفوطة ؟ وبصراحة انا عندى المنطقة متربة جدا و العربية دايما عليها تراب باعملها بالفرشة الزفرة لكن مابتجبيش نتيجة علشان العربية لونها غامق ( احمر مارلبورو ) فهل ينفع انظفها بالفوطة الجلد غزال كل يوم على الناشف بدون ماء ؟ ولا لازم اغرق العربية بالماء وانشفها بيها ؟
اعتذر عن الاطالة و جهلى بهذه الموضوع الذى يجب معرفته منذ قدماء المصريين!
اشكر الجميع على حسن معاملتهم بالمنتدى الكريم .

[H.ibrahim]

هو انا اشتريت حاجة غلط ولا ايه ؟
الظاهر انى حطيت الموضوع فى مكان خطا - ارجو من الادارة التصحيح ياريت حد يرد علشان خاطرى !!!!!!!!!!!!!!!!!!؟؟؟؟؟؟؟
وشكرا

[Amera]

لاء انت مشترتش حاجه غلط ولاحاجه ؛ والفوطه Vielda اللى انت اشترتها دى جميله جدا لتلميع الزجاج وبتجيب نتيجه هايله ومبتسبش اى اثر للفوطه زى بقيه الفوط ؛وبعدين حكاية الميه السخنه دى اول مره بس وانا معملتش زى مامكتوب عليها وعادى خالص بحط ميه عاديه على الزجاج وبلمع بالفوطه ؛وبعد كده لما الفوطه بتتوسخ بغسلها بالمسحوق واسيبها تنشف واستخدمها تانى وتالت ورابع .........................الخ لكن اعتقد انها مش لتلميع جسم العربيه لانها هتبقى تقيله فى تلميع جسم العربيه .

[mkhalifa73]

صباح الخير
اظاهر ان انا زيك تماما
ايه بقي حكايه الفوطه جلد الغزال دي ومين اللي قالك عليها اصلا وانت جبتها بكام
انا كنت سمعت قبل كده عن فوطه اسمها ميكرو فايبر علي ما اذكر هي دي

[Amera]

بالنسبه لجسم العربيه يبقى تستعمل اللماعه اللى بيد لازاله التراب من على العربيه ؛ وعلى فكرة انا عربيتى لونها اسود وما ادراك اللون الاسود واد ايه التراب بيبان فيه فلازم اغسل العربيه مره كل اسبوع وباقى ايام الاسبوع بلمعها باللمعانه من التراب بس ؛
والزجاج بلمعه زى ماقولت سابقا . والفوطه دى على مااذكر بـ 10 جنيه .

[Karim_Monir]

الفوطة فعلا افضل استخدام ليها تحطها في مية سخنة جدا جدا اول مرة وتعصرها عصرة واحدة وخلاص
الفوطة دي لتنظيف الزجاج لانها مش بتسيب اثر على الزجاج
او تنشف بيها العربية في التلميعة الاخيرة
لكن للتلميع اليومي لازم تجيب فوطة كويسة تلمة التاراب او المساحة ام ايد طويلة

[H.ibrahim]

karim_monir
اولا اشكرك جدا على الرد بس فعلا المساحة الطويلة مش جايبة نتيجة عندى .
Amera
اشكرك جدا على مداخلتك و المعلومات التى استفدت منها وفعلا كان الله فى عون الذين يمتلكون السيارات الغامقة و برضه اللماعة مش جايبة نتيجة يمكن علشان الانشاءات جانب العمارة .

mkhalifa73
انا كنت زيك كده وسمعت عنها فى الشغل - واشتريتها من الكارفور ( المعادى ) و ثمنها 23 جنيه - ايه حكاية الفوطة الميكرو فايبر انا معرفش عنها حاجة وبتستخدم فى ايه بالظبط ؟

[H.ibrahim]

السلام عليكم ورحمة الله وبركاته

karim_monir

الفوطة فعلا افضل استخدام ليها تحطها في مية سخنة جدا جدا اول مرة وتعصرها عصرة واحدة وخلاص
الفوطة دي لتنظيف الزجاج لانها مش بتسيب اثر على الزجاج
او تنشف بيها العربية في التلميعة الاخيرة
لكن للتلميع اليومي لازم تجيب فوطة كويسة تلمة التاراب او المساحة ام ايد طويلة

Amera

؛وبعدين حكاية الميه السخنه دى اول مره بس وانا معملتش زى مامكتوب عليها وعادى خالص بحط ميه عاديه على الزجاج وبلمع بالفوطه

انا فعلا استخدمت الفوطة طبقا لنصيحة اخونا كريم منير واختنا اميرة و هى فعلا طريقة فعالة ومريحة جدا و اثرها بيبان فورا و احب اضيف حاجة عملتها ولاقيت ليها نتيجة مفيدة جدا و هى انى كل يوم بخلى البواب يرش العربية بالخرطوم بتاع الجنينة عندنا و بدل مايلمعها بالحتة الزفرة بخليه ينشف العربية بالفوطة الجديدة ويعصرها ويكمل تنشيف بصراحة شكل العربية بيبقى مختلف بعد التلميع بالفوطة دى بحس انها رجعت تلمع كان العربية لسه زيرو لدرجة ان اصحابى فى الشغل افتكرو انى ملمع العربية فى الكاركير و كلهم بداو يفكرو فى موضوع الفوطة الجلد غزال بعد لما شافوا النتيجة اليومية للتنظيف بيها , احب اشكر كل من ساهم بوقته وجهده لتقديم معلومة مفيدة للناس بالمنتدى .
و اشكر جميع القائمين على منتدنا العظيم ( جزاهم الله خيرا )

[morabet79]

جبتها من اي قسم في كارفور؟

[H.ibrahim]

من قسم ادوات و مستلزمات السيارة هناك بالكارفور (المعادى)وخلى بالك لان فيه كذا نوع باسعار مختلفة .

[mkhalifa73]

انا لقيت نوع صيني في سبينيس مدينة نصر ثمنها 6 جنيه

[A.Saad]

ممكن اعرف شكل الفوطة دى ايه

[Samah AbdAllah]

ممكن اعرف شكل الفوطة دى ايه

وانا كمان

[Bossy_Fadl]

هي جلد غزال فعلا و لا هاد اسم بس

و لو ممكن صورة ليها

انا اول مرة باسمع عنها

[adelmagdy]

The Vileda Window Cloth has the following benefits:

• Cleans windows with a streak and fluff free finish
• Extra long-lasting
• The Vileda Window cloth is equipped with a special coating with micro-pores that significantly improves the drying performance.
• Can be washed in the washing machine
• 
• 
• Vileda Window Cloths are like leather chammys - just better. Perfect for cleaning windows without leaving streaks. And they are machine washable so you can keep using them again and again.