كيا برايد يا جماعة

[zikoofire]

السلام عليكم
انا اخوكم احمد
الحقيقة انا جديد فى المنتدى وجديد عالم السيارات بشكل عام
انا لسة بتعلم السواقة اصلا
عشان ناوى اشترى انشاء الله اول عربية فى حياتى
الحقيقة المبلغ اللى معايا فى حدود 40 او 45
مش اكتر من كدا
فكرت فى كذا حاجة
كان منهم السزوكى ماروتى ، بس قالولى انها بقت تقفيل صينى وتقفيل مصرى وحاجات كدا وبلاش منها ( طبعا انا كنت هاجيبها زيرو واوفر الباقى )
وفكرت فى الكيا برايد
وسامع عنها كل خير
بس انا حابب اسالكم يعنى رايكم ايه
ولو فيه اختيار تالت انا مافكرتش فيه ياريت تساعدونى
بس ياريت نبعد عن ال فيات 128
منتظر ردكم بفارغ الصبر

شكرا لاهتمامكم

[MoDyBeNz2008]

انا اعرف ناس معاها كيا برايد و بيشكروا فيها اوي اتكل علي الله و هاتها

[zikoofire]

شكرا يا صاحبى
بس انا شايف 8 مشاهدات ماحدش تانى عاوز يرد
ياجماااعة نرجوا المساعدة

[zikoofire]

يعنى انا اول مرة اطلب مساعدتكم ماتساعدونيش؟؟
الا مافي مشرف للقسم دخل وبص
ولا حتى حد رد غير الاستاذ الفاضل مودى ربنا يكرمه
خلاص كدا يعنى ماعدش فيه اى مساعدات للناس؟؟؟
اشكركم بجد

[ashrafammar]

السلام عليكم
انا اسمى اشرف وعندى كيا برايد للبيع
موديل 99
عملا 90000
بحالة ممتازة
موبيلى 0112793794

[zikoofire]

شكرا ياباشا
بس الحقيقة ما بفكرش فى المستعمل
ياريت يا جماعة الناس تقول رايها بصراحة بجد احنا اخوات
لكن انا مش بشترى مستعمل للعلم

[MoDyBeNz2008]

بس الحقيقة ما بفكرش فى المستعمل

الكيا برايد مبقاش ينزل منها جديد دلوقتي

[khalid_adel]

بص يا جميل
بالنسبه للبرايد فهي فعلا عربيه ممتازه في كل حاجه بالنسبه للفئه بتاعتها وموديلها وسعرها بس للاسف مفيش منها خلاص جديد من زمان
واللي انت قصدك عليه دي ايراني من شركه سايبا مش كيا ودي انا معرفهاش قوي
بص لو انت جديد في العربيات وملكش في الميكانيكا يبقى هاتلك اي حاجه زيرو حتبقى احسنلك من المستعمل ده رأي

الف شكر يا رجالة والله
بس انا قولتلكوا المبلغ اللى ماعيا ومافتكرش يجيب حاجة زيرو يعنى انا مضطر

[yahaa]

السلام عليكم
انا معايا كيا برايد من 8 سنوات و مرتاح معها
مزاياها
1- سهلة و بسيطة
2- اقتصادية في البنزين 300 في الصفيحة وسط البلد
3- صالون واسع و مريح
عيوابها
1- بلي العجل الامامي
2- خفيفة شوية