صيانة عابرة بمركز Eit (محمد زكي)

[NaderNabil]

بالإشارة الي المشكلة بالموضوع التالي....

http://www.nilemotors.net/Nile/showthread.php?t=35674

قمت بالتوجه في يوم الأربعاء الموافق 20\8\2008...إلي مركز صيانة كيا و رينو (محمد زكي) بالقطامية....و هو مركز صيانة معتمد و يتبع التوكيل مباشرة (EIT)..

كنت هناك الساعة 11:15 صباحا...وقفت العربية علي مدخل المركز..و موظف الأمن قاللي روح علي غرفة الأستقبال...روحت و استنيت المهندس لحد ما جالي لانه كان بيسلم عربية...بس كان واضح ان مكانش فيه ضغط شغل خالص...و ده شئ طبيعي لأنه يوم في وسط الاسبوع..

جالي المهندس...(مش فاكر اسمه الصراحة)...و شرحتله المشكله و بعض المشاكل الأخري:

1- مشكلة لمبة الCheck و الحركة الغريبة اللي حصلت
2- الدبرياج تقيل سنة و فيه زي عضة كده في النص
3-دبدبة بالعفشة الأمامية يمين
4-رشاش المساحات الشمال مسدود
5-الولاعة مش شغالة

نسيت أقول ان الكاسيت اشتغل عادي لوحده و مكانش فيه مشاكل...

عمل أمر الشغل أو الJOB:)...و أخد العربية و نزل بيها علي الورشة....و انا روحت علي صالة العرض...اتفرج علي البيكانتو الجديدة....لاقيت ان لون الدواخل مازال أسود في رمادي...عكس اللي شوفتها في التوكيل المرة اللي فاتت...كانت كلها سوداء...
و أسعرها كالتالي:
61000 تكييف و باور
64000 تكييف باور سنتر 2 زجاج كهرباء اكصدمات بلون السيارة

طلعت علي الاستراحة فوق....ظريفة جدا بس كل حاجة تتشرب كانت خلصانة:)..مكانش فيه غير الشاي....و عجبني قوي وجود 4 تلفيزونات تعرض ما يحدث بالورشة ...اي يمكنك رؤية سيارتك و هم بيشتغلوا فيها...

في الأول ماشوفتهاش...بس بعد كده لاقيتها بعييييد...و فاتحين الكابوت و بيشتغوا...قعدت علي كده حوالي ساعة...بعد كده ذهبت عن الأنظار حوالي ساعتين...و رجعت تاني عشان يرفعوها و حظي ان الكاميرا كانت قدام الرافعة بتاعة عربيتي...فا شوفت كل حاجة:) عد ما نزلت لاقيت واحد داخل بالكومبيوتر و بيوصله بالعربية و قعد شوية و مشي و اخدوا العربية علي الغسيل...

طول ما انا قاعد كنت باشوف العربيات اللي بتخلص بتتغسل علطول...بس صراحة غسيل بروفيشونال...بره و جوه و دوسات و مكنسة و فوم....حاجة أخر دلع و من غير ما تطلب كمان..

خلص العربية و لاقيته طالع بيها قلت انزل انا كمان بدل ما نقعد ننده علي بعض...

دخلت علي المهندس في غرفة الاستقبال....و قالي انت محتاج طقم دبرياج....قلتله ليه ان شاء الله؟؟؟؟عمري ماشتكيت من السحب ولا المطالع ولا أي حاجة...هو التقل بس...قالي ماهو ريش الديسك بدأت تحجر و لازم تغيير الطقم كله مره واحدة....بكام يا عم؟...ب 1175جم....شامل اسطوانة و ديسك و بلية وسلك و مصنعيات....قلتله ان شاء الله أول ما يجيلي الفلوس هاجيبهاللك علطول( في المشمش)

و طول ما هو قاعد عمال يحذرني...لازم تغيره لازم تغيره...وان أقول له حاضر حاضر......بس اللي انا هاعمله...هاغير السللك الأول...عشان انا متأكد ان التقل ده منه...غالبا بدأ يشعر)

سألته عملتوا ايه في المشكلة الأساسية اللي جاي عشانها...قالي السينسورس بالفيش بتاعتها كلها كانت محتاجة تتنظف + الرشاشات كمان...و تم تنظيفهم...و قالي احتمال كبير جدا يكون من البنزين...

و بقيه الحاجات اللي طلبتها اتعملت برده الحمد لله!

الحساب:

82 مصنعيات
8 ضريبة
---------
المجموع 90 جنيه مصري فقط لاغير...

الحمد لله المشكلة ماظهرتش تاني من ساعتها ...و العفشة بقت أحسن كتير و صوتها أهدا و متماسكة...اللي انا حاسه ان السحب قل شوية...جايز يكونوا عملوا ريسيت للECU فهتاخد شوية عقبال ماترجع للأول تاني...

________________________________________________
خلاصة مركز محمد زكي القطامية:
مستوي جيد جدا...و مريح....و سريع...افضله عن أبو رواش لقرب المسافة...لكن في حالة الصيانات الكبيرة هاروح أبو رواش...

شكرا لحسن استماعكم....:)

[tutankhamoun]

طيب الحمد لله يا أستاذ نادر إن المشكلة أتحلت و العربية طلعت تمام
ربنا يباركلك فيها و يحفظ طريقك

[tamohsen]

شكرا يا نادر

[IAbdou]

ألى بتنزل أسود كلها من جوة هى الصفرة ودى كانت أخر وحدة (ألى أنا ختها) عندة من الفول أوبشن كل ألى عندة من ألى 61

[Yarisawy]

بجد اسلوبك كويس اوى شيق ودمه ظريف وحسسنى كأنى معاك

عموما الحمد لله انك اطمنت على العربيه

[bee]

مبروك يا باشا
والحمد لله انك اطمنت على العربية
وربنا يباركلك فيها

[M_55]

الف سلامة علي عربيتك ، وكويس الكلام ده بجد طمأنتني علي التوكيل

[M.Mokhtar]

دخلت علي المهندس في غرفة الاستقبال....و قالي انت محتاج طقم دبرياج....قلتله ليه ان شاء الله؟؟؟؟عمري ماشتكيت من السحب ولا المطالع ولا أي حاجة...هو التقل بس...قالي ماهو ريش الديسك بدأت تحجر و لازم تغيير الطقم كله مره واحدة....بكام يا عم؟...ب 1175جم....شامل اسطوانة و ديسك و بلية وسلك و مصنعيات....قلتله ان شاء الله أول ما يجيلي الفلوس هاجيبهاللك علطول( في المشمش)

اولا الف مبروك يا باشا وربنا يباركلك فيها وميحصلهاش حاجة تانى
ثانيا ادعى ربنا غيرك طقم الدبرياج بتاعه ب 3000 جم :( من التوكيل

[hazem_khidr]

طب الحمد لله
كويس انها جات علي قد كده
و كويس انك اطمنت :)

[shery103]

طب انت كده طمنتنى يا نادر على مستوى الصيانة

انا لسه فين و فين لحد ال 5000 ، بس لسه مش عارفة هروح اى واحد فيهم ، بس مادام الاتنين كويسين يبقى الحمد لله

[CryptonX]

.ب 1175جم..

لما بسمع الارقام دي بنبسط اوي .. بحس اني مش لوحدي :)

انا طقم الدبرياج عندي
جوة التوكيل بتاع الفاروميو 147 - برافو - جراند بونتو :) فالحمد الله تمنه 950 جنيه

برة التوكيل بس ماركة فرنسي كدة ب 500 تقريبا .

[tamera]

[quote=NaderNabil;383150]
بكام يا عم؟...ب 1175جم....شامل اسطوانة و ديسك و بلية وسلك و مصنعيات....[/
quote]
هو السعر غريب وعالي شوية بس يمكن علشان المصنعيات!!
لان انا سألت على طقم الدبرياج ل سيراتو 2006 قالي ب 825ج بالضريبة !!!
معقول الطقم للبيكانتو أغلى؟ ومعقول المصنعية غالية كدا

[tamera]

[quote=NaderNabil;383150]
بكام يا عم؟...ب 1175جم....شامل اسطوانة و ديسك و بلية وسلك و مصنعيات....[/
quote]
هو السعر غريب وعالي شوية بس يمكن علشان المصنعيات!!
لان انا سألت على طقم الدبرياج ل سيراتو 2006 قالي ب 825ج بالضريبة !!!
(مع اني سألت الاسبوع اللي فات قالي ب 715ج بالضريبة !!)
معقول الطقم للبيكانتو أغلى؟ ومعقول المصنعية غالية كدا

[tamera]

بكام يا عم؟...ب 1175جم....شامل اسطوانة و ديسك و بلية وسلك و مصنعيات....

هو السعر غريب وعالي شوية بس يمكن علشان المصنعيات!!
لان انا سألت على طقم الدبرياج ل سيراتو 2006 قالي ب 825ج بالضريبة !!!
(مع اني سألت الاسبوع اللي فات قالي ب 715ج بالضريبة !!)
معقول الطقم للبيكانتو أغلى؟ ومعقول المصنعية غالية كدا

[M.Mokhtar]

[quote=tamera;390826]

بكام يا عم؟...ب 1175جم....شامل اسطوانة و ديسك و بلية وسلك و مصنعيات....[/
quote]
هو السعر غريب وعالي شوية بس يمكن علشان المصنعيات!!
لان انا سألت على طقم الدبرياج ل سيراتو 2006 قالي ب 825ج بالضريبة !!!
معقول الطقم للبيكانتو أغلى؟ ومعقول المصنعية غالية كدا

يا جماعة عيب كده
حسوا بالناس التانيه شوية :(
طقم الديبرياج فكترا B فى التوكيل ب 3000 جنيه