*** حصري !!!! هوندا سيتي 2009 - صور + معلومات ***

[CryptonX]

الجيل الجديد من هوندا سيتي شوهد مغطى تماما علي احد القاطرات بالصين و ماليزيا .

ولكن انهاردة ( من 3 ساعات بالظبط ) سربت كام صورة الي الانترنت للسيارة كاملة بدون اي تغطية و صور من الداخل .

الموتور iVitec ال 1500 - 119 حصان ! ! ! !!!!!!!!!!!!!!

التصميم الخارجي في راي مميز و مستوحى من السيفيك .. الداخلي .. حاسه فاضي شوية .. بس شيك برده . و لو بنفس درجة تقفيل و خامات السيتي الحالية اتوقعلها نجاح ساحق .

اسيبكم مع الصور :















الصور القديمة :

[wawoo]

تصميمها حلو فعلا يا كريم , ربنا يخللنا كاميرا الموبيل دى فضحت السيارة كلها برة و جوة ,
دلوقتى لازم هوندا تنزلها بسرعة بقى , بس المهم التوكيل هنا بقى مايتهبلش فى تمنها عشنا تصميم جديد

[blazer]

شكلها جامد جدا واحلى حاجه فيها الشبكه الاماميه مع الفوانيس (حاسس الفوانيس شبه الكورولا الجديده )

منو را شبه البى ام 320!
بس هى عموما روعه بلذت التابلوه الخطييير والماتور الجبار

[r0xer]

يا ترى لما تنزل هنا التوكيل هيحطلها سعر كام؟

أعتقد لو نزلها بسعر معقول هتنافس عربيات بالهبللللللللللللل و هيونداي و شيفورليه هيعانو من هوندا.

لكن لو عملو المعتاد وهو سعر خرافي فمش هتحقق مبيعات للأسف.

بس كشكل..العربية خرافة و طبعا جودة خامات هوندا مينفعش نتكلم عليها أصلاً.

[blazer]

ممكن نتوقع ان سعرها مش هيقل عن ال 120 الف باى حال من الاحوال

[Nile_Storm]

بس حاسس ان العربيه ضيقه علي التصميم ده
بمعني ان كان عاوز عربيه اعرض علشان الخطوط تبقي مستريحه عليه
حاسس ان القدمه و الخلفيه مزدحمه
" تحس ان ترزي بيتكلم هههههههههههههههههههههههه "

بس التصميم ده خرج السيتي من طابعها الكلاسيكي
بصراحه مش مرتاحله

[Hassan Khalil]

تسلم ايدك يا كريم يا اكسكلوسيف :)
بس موضوع الحكم علي الشكل بدري شوية لغاية ما نشوف العربية بأعيننا ..
عاجبني جدا الدريكسيون .. لاني كنت دائما معجب بدريكسيون السيفيك ( غلاسة بقي .. واحد سايب العربية كلها و معجب بالدريكسيون ) .. و طبعا المحرك الجديد ... يا مسهل ..يا ريت نشوفها قريبا .

[fahd_628]

شكلها حلو فى رأى

الف شكر

[hitsh88]

العربية تحفة بجد بس اعتقد سعرها مش هيقل عن 120 عشان عندنا بتتعامل بمبدأ عدد الاحصنة :]

[mahamedaraby]

تسلم على الصور

وشكلها فعلا رائع يارب تنزل بسعر منافس

[mohamed ibiza]

مبقتش كلاسيكية دخلت في نطاق تاني بقت جريئة من ادام و شبه 320 من ورا بس اشد 100 مرة من القديمة القديمة مكنتش بحس انها هوندا



شكرا يا كريم علي الصور:)

[sa3dawy]

دى نسخة مصغرة من الكورد الجديدة بس تحفةةةةةةةةةة
ولو نزلت بالسعر بتاع دلوقتى تبقى اكتسحت الياريس والحاجات دى

[عبد الرحمن اسامه]

الموضوع ازواق انا بصراحة مش عجباني خالص، ولا ٢٠٠٩ ولا ٢٠٠٨ و ٢٠٠٩ مش عجباني اكتر كمان، لو كان معايا فلوس اشتريها هيا ولا الياريس، كنت هشتري الياريس مع اني عارف ان السيتي احسن من حيث كل حاجة الا الشكل.

[Chicco]

شكلها حلو في رأيي لكن الاسئلة التقليديه ...حتنزل مصر امتى و بكام و ناقصة إيه عن موديلات بره

[Ahmed Anwer]

يا كريم بطل بقه تكرر المواضيع

عقدت الناس

هههههههههههههههههههههههههههه :smile::smile:


الموضوع مكرر من موضوع ا / أدهم ،،

http://www.nilemotors.net/Nile/showthread.php?t=33078

ابقي اعمل سيرش الأول ،،

متقولشي تاني مخدتش بالي ،،

كل موضوع مش واخد بالك ؟؟؟