عيــــــــــــوب الياريس

[ZIMOFOX]

-انا حبيت اثير الموضوع بالعكس
بما ان ماشاء الله الياريس من اكتر العربيات اللى عملت اسم ومبيعات فى خلال اخر سنتين
انا مش هسأل عن مميزاتها لان كلها مميزات
بس بسال من خلال تجربتم لهذه العربيه ايه اللى اكتشتفته من عيوب بها
=وازاى اتعودت على العيوب ديه

[sa3dawy]

الصراحة العربية زى ما حضرتك قولت مميزاتها كتير لكن لو حبيت اتكلم عن العيوب من خلال تجربتى لها 10000 كبلو....العربية اولا اكصدامها الامامى ضعيف بجد وتحس ان هو بلاستيك....كماان طبقة الدهاان تحس انها خفيفة شوية...وطبعا الثباات على السرعات العلية بعد 120 مش قد كده هو مش وحش لكن يعنى متوسط ....صوت الموتور عالى شوية بس مش مزعج يعنى لو شاب الى سايق هيحب الصوت لكن لو راجل كبير بيحب السواقى الهادية ممكن ميعجبوش....العربية رغم انها عالية جدا عن الارض الا انها بتنزل وتتطلع بسهولة يعنى لو خد ابسط مطب بسرعة زيادة شوية ممكن تحك فيه مش عارف الحوار دا مع الكل والا لا اصل انا بقارنها بالكورولا 2006 الصراحة الكورولا عفشها متماسكة اكتر من كده وتسعفك اوى فى اكلان المطبااات....غير كده العربية زى الفل بس على فكرة العيوب الى فوق دى مش للدرجة اوىى وتقدروا تقولو كده ان انا بتلككلها....

[ZIMOFOX]

الصراحة العربية زى ما حضرتك قولت مميزاتها كتير لكن لو حبيت اتكلم عن العيوب من خلال تجربتى لها 10000 كبلو....العربية اولا اكصدامها الامامى ضعيف بجد وتحس ان هو بلاستيك....كماان طبقة الدهاان تحس انها خفيفة شوية...وطبعا الثباات على السرعات العلية بعد 120 مش قد كده هو مش وحش لكن يعنى متوسط ....صوت الموتور عالى شوية بس مش مزعج يعنى لو شاب الى سايق هيحب الصوت لكن لو راجل كبير بيحب السواقى الهادية ممكن ميعجبوش....العربية رغم انها عالية جدا عن الارض الا انها بتنزل وتتطلع بسهولة يعنى لو خد ابسط مطب بسرعة زيادة شوية ممكن تحك فيه مش عارف الحوار دا مع الكل والا لا اصل انا بقارنها بالكورولا 2006 الصراحة الكورولا عفشها متماسكة اكتر من كده وتسعفك اوى فى اكلان المطبااات....غير كده العربية زى الفل بس على فكرة العيوب الى فوق دى مش للدرجة اوىى وتقدروا تقولو كده ان انا بتلككلها....

انت نورت الموضوع والله
اخى الفاضل حضرتم بتقول انك بتحس ان الاكصدام الامامى زى البلاستيك هل الخلفى الامامى ولا الاتنين سوا وهل يعنى بيستحمل الركن مثلا ولا بيتأثر
وطبقة الدهان بتتأثر بالشمس
والله الامور لما بتتضح بيبقى الواحد مبسوط لان كل العربيات حتى لو فيرارى ليها مميزات وعيوب

[funnylolo]

بصراحة هو sa3dawy كدة قال كل العيوب إلي في دماغي :)

[دموع الثلج]

العربية اولا اكصدامها الامامى ضعيف بجد وتحس ان هو بلاستيك....

صحيح وكلامك مظبوط لانها فيبر وعلى فكره كل العربيات الجديده كده

كماان طبقة الدهاان تحس انها خفيفة شوية...

ثانى عيب فعلاطبقه الدهان ضعيفه

وطبعا الثباات على السرعات العلية بعد 120 مش قد كده هو مش وحش لكن يعنى متوسط ....
ثالث عيب الثبا ت متوسط لانها عربيه مدن مش عربيه تسارع وجرى

صوت الموتور عالى شوية بس مش مزعج

لا انا بختلف معاك فى دى صوت الموتور مش عالى والدليل لو راكن او على المور متعرفش ان كانت العربيه دايره اصلا ولا لاء وكذا حد يجى يركب العربيه يروح مدور وتكون العربيه اصلا دايره ولما بتتحرك صوت الموتور طبيعى مش عالى

العربية رغم انها عالية جدا عن الارض الا انها بتنزل وتتطلع بسهولة يعنى لو خد ابسط مطب بسرعة زيادة شوية ممكن تحك فيه مش عارف الحوار دا مع الكل

لا العربيه ناعمه فى المطبات جدا واى عربيه هتاخد بيها مطب على سرعه هتحك من تحت طبيعى لكن الموضوع ده مبيحصلش معايا

والا لا اصل انا بقارنها بالكورولا 2006 الصراحة الكورولا عفشها متماسكة اكتر من كده وتسعفك اوى فى اكلان المطبااات....

فعلا عفشه الكورلا افضل من الياريس ولكن بفارق بسيط يعنى الياريس مش مدمره اوى كده يا استاذ سعداوى

غير كده العربية زى الفل بس على فكرة العيوب الى فوق دى مش للدرجة اوىى وتقدروا تقولو كده ان انا بتلككلها....

انت كده فصصتها بجد والمزايا اكثر من كل الحاجات اللى اتقالت دى وان كانت مش عيوب جوهريه فى العربيه

هضيف شى اخير ان التسارع فى الاتوماتيك مع تشغيل التكيف بيكون ضعيف شويه وخصوصا لان الموتور 1300

....

....................................

[tutankhamoun]

لا انا بختلف معاك فى دى صوت الموتور مش عالى والدليل لو راكن او على المور متعرفش ان كانت العربيه دايره اصلا ولا لاء وكذا حد يجى يركب العربيه يروح مدور وتكون العربيه اصلا دايره ولما بتتحرك صوت الموتور طبيعى مش عالي

أي عربية حديثة يا دموع و هي واقفة مش بيبان صوتها
و الأستاذ سعداوي يقصد صوت الموتور و العربية ماشية بسرعة عالية


الجين 2 صوت موتورها عالي و لما بتكون واقفة بس الموتور داير
مش بتستمعي حاجة

البونتو صوتها بيعلى لما بتقرصي على الموتور ...... و برضه و هي واقفة مش بتسمعي صوت الموتور

الأفيو صوت موتورها عالي نسبيا ........ و و هي واقفة مش بتسمعي صوت الموتور

[nobody]

لا صوت الياريس واطي
اللانسر وانت واقف المتور صوته واضح لما تمشي برضه الصوت بيعلى لحد ما تثبت على 100 مش بتسمع صوت الماتور
أحسن عربية ما سمعتش ليها صوت خالص السيفيك

[أبو عبدالله]

انا أتفق مع الكل فيما سبق ولكن في بعض الملاحظات

أولا :

الأكصدامات البلاستيك انا ارى انها شئ جيد جدا
خصوصا ان اكصدامي شبيه لبتاع الياريس
وانا اتخبط اكتر من مره من الخلف
وكل مره بعدل الأكصدام بأيدي
واللي يشوفه دلوقتي ميعرفشي انه اتخبط أصلا غير من الخربشه
اما التعويج وكده فملهاش اثر ظاهر
خصوصا ان فيه عربيات اكصدامها لما بيتخبط لازم يتسخن والكلام ده وغالبا كمان مبيرجعشي مكانه بنفس الشكل

وانا اراها ميزه بصراحه

ثانيا :

الطلاء
فعربيات تويوتا كلها بتبقى طلاء جيد
يمكن حضرتك مشفتش الطلاء السئ زي بتاع الدايو مثلا والعربيات ذات الفئة السعريه القليلة
دهانها بيبقى اشباه دهان
اما طلاء الياريس اراه جيد وليس ممتاز

وشكرا

[sa3dawy]

ياباشا المنتدى منور بحضرتك وشكرا على ذوق حضرتك...اما بخصوص الاكصداام الخلفى فاعتقد انه اقوى من الامامى ..الامامى الصراحة هو الى باين فيه اوى موضوع البلاستيك دا ..يعنى بجد انت لو مسكته وكشفت علية اكيد هتقول لنفسك يا ترى لو خبطت خبطة جامدة لا قدر الله الاكصدام دا ممكن يستحمل يعنى هتقلق حبتين من الموضوع دا لان زى ما حضرتك عارف الاكصدام الامامى مهم جدا لحماية الموتور الى هو اهم حاجة بتهيألى ...لكن طبعا هو مثالى للخبطات الخفيفى زى ماتفضل الاخ ابو عبدالله لانه مرن جدا ومفيش مشاكل طبعا كده فى الركن والكلام دا...الدهاان حقيقى متوسط يعنى مش ممتاز ودا كلام ناس كتير اوى ...اما بخصوص صوت الموتور انا لقيت تقييم للياريس على سايت انجليزى بيقول ان الموتور (noisy engine)..بس طبعا زى مانت فاهم الناس دى متشددين اوى فى الحكم على اى عربية وبيطلعوا فيها القطط الفطسانة لان السوق عندهم كبير اوى والمنافسه فيه شديدة.. بس الحق يتقال العربية دى من امتع العربيات فى قيادتها (انا بقاررنها بالانسر البوما والكورولا 2006 والاوبترا لانى اختبرت العربيات دى بنفسى كويس) والصراحة الياريس بتتفوق عليهم فى كل حاجة تقريبا من حيث الباور (ودا واضح جدا) التابلوه (تابلوه الياريس تحفة وحديث) والسحب(من 0 الى 120) الياريس اسرعهم واعتقد هى دى السرعة القانونية فى مصر مادام مش عاوز تخاطر بحياتك.وطبعا الاماان الى بتتفوق فيه الياريس بجدارة ...الصراحة عربية من اجمل ما انتجته شركة تويوتا ...ناقصها بس كاوتش 16 مقاس عريض وجنوط رياضية وبكدة الثبات المتوسط بتاعها هيبقى ممتاز(على فكرة للامانة الثبات دا هو الحاجة الوحيدة الى احسن فى الانسر فقط)...معلش طولت عليكم بس ياريت كلامى يفيد حضراتكم عشان لو حد مقبل على شراء العربية او محتار جايز يفيدة المعلومات دى.......واسف تانى على الاطالة...

[ابوشريف]

كل الجديد اكصداماته بلاستيك ... يبقى ده مش عيب فى الياريس

بالنسبه لصوت الموتور فهو هادئ فى السلانسيه كثيرا ما افتكر العربيه مش دايره

واحاول ادورها لكن حكاية انك لازم تدوس دبرياج دى بتنقذنى ( كنت معتبرها عيب فى البدايه )

المفروض ملاك الياريس تبقى عينهم دايما على عداد الار بى ام نظرا لهدؤ موتورها

العيب الوحيد اللى انا شايفه فيها حاليا بس مش مدايقنى كتير هو عدم وجود عداد للحراره

وبالنسبه لتمنى الاخ سعداوى بوجود جنط 16 فى الياريس بقوله انت كده طماع بصراحه

الكرولا ال 1300 حتى 2007 نازله بجنط 14

والماتريكس بحجمها الكبير ده ايضا جنط 14

اللانسر ال 1300 حتى 2008 ايضا جنط 14

قول الحمدلله