الجيل الثالث من تويوتا افنسيس

[mtema99]

هذه هي الصوره الرسميه الاولى للسياره



اعلنت شركه تويوتا انها ستزيل الستار كاملا عن الجيل الثالث من السياره افنسيس في الثاني من اكتوبر في معرض باريس القادم
كما اعلنت عن المحركات و التي ستكون ست محركات بدلا من اربع 3 جازولين و 3 ديزل
3 محركات جازولين و هم

1800 سي سي DUAL VVTI يعطي 132 حصانا
1800 سي سي بالنظام الجديد VALVE MATIC و هو الاول من نوعه يعطي 147 حصانا باستهلاك للوقود يصل الى 6 ليتر كل 100 كلم
2000 سي سي VVTI القديم يعطي 152 حصانا

على ان يبدل ال 2000 بمحرك سعه 2000 ايضا و لكن من نوع VALVE MATIC قبل نهايه 2009
و يحل بدل من ال 1800 DUAL VVTI محرك ثالث بديل و لكنه سيكون 2500 VALVE MATIC ايضا

و اما الثلاث محركات الديزل
فهي
2000 سي سي ديزل يعطي 126 حصانا
2000 سي سي تيربو ديزل يعطي 150 حصانا
2200 ديزل و هو محرك المتواجد في LEXUS IS220d و يعطي 177 حصانا

هذا و هناك اتفاق تقريبا على ما سيكون شكلها من الامام
و هو ما تخيله المصممون في الصور الاتيه

[blazer]

شكلها حلو جدا
والمواتير دى جامد جدا ومناسبه لحجم العربيه اللى قريب من الكامرى
بس ياترى هيضحكوا علينا و ينزلوا لينا ماتور 1600 115 حصان زى ما عملوا فى الباسات

[أبو عبدالله]

مش عارف حاسس انها لو نزلت مصر مش هينزلوها 1600 سي سي
هزعل انا ساعتها قوي

شكرا على الخبر يا بشمهندس محمد

[Sharky]

لو حينزلوها مصر حتنزل 1600 سى سى موتور الكرولا الجديد زى ما عملوا فى الأفنسيس الحالية لما نزلت بموتور الكرولا القديمة

لإنهم مش حيقدروا ينزلوها بألكتر من 1600 سى سى لإنها ترى النور فى الأسواق المصرية لو أكتر من 1600 سى سى

[mtema99]

لا
متخافوش
لان حتى لو نزلت مصر 1600 مش هتنزل Vvti ولا Dual Vvti
هتنزل Valve Matic
و حتى الكورولا الحاليه هيغيروا ال 1600 Dual Vvti ب 1600 Valve Matic
145 حصان تقريبا و بستهلاك حوالي 6 لتر في كل 100 كلم

[Sharky]

بس تفتكر الموتور دا حينزل فى الكرولا الجنوب أفريقى برضه إللى بتنزل مصر و خاصة إن موتور Dual VVTI لس نازل فيها جديد و كانوا عاملين عليه إعلانات كتيرة ؟؟

[mtema99]

هما اعلنوا انهم هيغيروا كل المواتير لتكون بتكنولوجيا Valve Matic قبل نهايه 2010 إن شاء الله

[Sharky]

بس كده دا حيخلى موديل 2008 و 2009 مبيعاتهم تقل فى المستعمل و خاصة إذا نزل الموتور الجديد Valve Matic بسعر مقارب من موتور Dual VVTI

بس أنا خايف نسمع أسعار فلكية للكرولا الجنوب أفريقى بموتور Valve MAtic يعنى مثلا ممكن نسمع أرقام 180 الف !!

بس غريبة الحكاية دى دا موتور Dual VVTI مالحقش يقعد

بس على العموم واضح إن الموضة دلوقتى فى الشركات غنها تنزل مواتير بسة صغيرة بهورس باور على و إستهلاك للبنزين قليل و دا خاصة بعد إرتفاع إسعار البترول الحالية


يا ترى فيه أخبار عن مواتير 1300 و 1500 سى سى ؟؟

[mtema99]

لا تقدر تقول مثلا نوضح الفرق بين المواتير
Zf مواتير عاديه بعمود كامات على فتحات الداخل و الخارج
Vvti\vvtl-i استبدال عمود الكامات على الداخل ب Solenoids متحكم فيها كمبيوتر
Dual Vvti الغاء عمود الكامات تماما على الداخل و الخارج و استخدام الsolenoids الموصله ب كمبيوتر بدلا منهم
Valve Matic هو Dual Vvti بالاضافه الى استخدام تنقيط مباشر للوقود او بخ مباشر
و معاما كبس اكبر داخل البيستون
مما ينتج عزم و قدره اكبر بوقود اقل

و هناك نظام Valve Matic -i و ده مش هنشوفه قبل 2011 و احتمال في موديلات لكزس ذات الدفع الخلفي و الكراون

و هو نفس ال Valve Matic و لكن بالغاء الحدافه و استبدالها مولد طاقه و محرك كهربائي لتقليل نسبه الفقد الميكانيكي و زياده القدره و العزم و تقليل استهلاك الوقود اكثر

[شاهين - بنز]

شكلها حلو جدا
والمواتير دى جامد جدا ومناسبه لحجم العربيه اللى قريب من الكامرى
بس ياترى هيضحكوا علينا و ينزلوا لينا ماتور 1600 115 حصان زى ما عملوا فى الباسات

مينفعش تنزل بمتور أكبر من 1600 لإن ساعتها جماركها حتبقى 200% بدلا من 65% لل 1600

[mtema99]

لا
الافنسيس الشكل الحالي كانت نزله لينا 1600 عشان اصلا كان موجود فيها لاسواق اوروبا الشرقيه
اما الشكل الجديد 2009 او الجيل التالت
لن يكون منه 1600
و بالتأكيد لن تفصلنا تويوتا محرك خاص بنا وحدنا

[hazem_khidr]

شكرا يا استاذ محمد علي الخبر
شكلها عموما يشبه موديلات كورولا الحاليه
لكن برضه فيها روح الموديل السابق

[Sharky]

لا
الافنسيس الشكل الحالي كانت نزله لينا 1600 عشان اصلا كان موجود فيها لاسواق اوروبا الشرقيه
اما الشكل الجديد 2009 او الجيل التالت
لن يكون منه 1600
و بالتأكيد لن تفصلنا تويوتا محرك خاص بنا وحدنا

يبقى فى الحالة دى لن نراها فى السوق المصرية

[mtema99]

متبقاش متشائم قوي كده

[أبو عبدالله]

لا
الافنسيس الشكل الحالي كانت نزله لينا 1600 عشان اصلا كان موجود فيها لاسواق اوروبا الشرقيه
اما الشكل الجديد 2009 او الجيل التالت
لن يكون منه 1600
و بالتأكيد لن تفصلنا تويوتا محرك خاص بنا وحدنا

لا لا لا لا لا
متقولشي كده هزعل

مش معقولة

افينسيس حبيبتي مش هلاقيها بعد كده

راح الامل خلاص

وربنا يكرمنا جميعا ان شاء الله