>>> بونتو 2008 <<<

**amir** · 31-08-2008 07:14 PM

الحاضر الغائب في قسم الفيات اللهم سوي 5 ملاك ليها في المنتدي, شباب عايزين تقييم شامل ليها و شويه صور كده و استهلاك بنزين و خلافه علشان نقدر نرشحها لزمايلنا اللي مهتمين بيها, ده كفايه الوكيل و صمته الرهيب عنها و كأنها عيبه!!

**فادى** · 31-08-2008 11:05 PM

المشاركة الأصلية كتبت بواسطة mig44n

اه والله خسارة عربيات فيات الجديدة متدخلش المنافسة فى السوق المصرية

انا حاسس ان عربيات فيات هتنقرض وسط ابتلاع الشركات الكورية واليابانية للسوق المصرى.....

اصلها حاجة غريبة العربيات الى منزلاها فيات اسعارها عالية والى هيشترى مبيحبش المخاطرة فبترسى على عربية كورى او يابانى او اى عربية متقفلة فى مصر......
رغم ان العربيات بتاعت فيات ليها طابع جميل جدا ومختلف وفعلا هتحس انك راكب عربية مختلفة.....

فيات أسعارها أعلى من السيارات الكورية و اليابانية فى أى مكان, و ده يرجع الى سعر اليورو المرتفع و الأجور المرتفعة, كما أنه أيضا سعر التميز,
أنا موافق انو فيات تبقى أغلى من غيرها لأنها سيارة أوروبية عريقة, و كونها أغلى ده تمن التميز, و عموما هى أسعارها متقاربة مع فولكس و بيجو زميلاتها من الأوربيات.
المشكلة الأساسية فى مصر هى الدعاية, فهناك الكثير لا يعرفون أن هناك فيات فى مصر أصلا, أو على الأقل لا يعرفون سوى البونتو و الجراند بونتو نظرا لأنها بدأت تنتشر بعض الشىء,
و أعتقد أيضا أن أعداد سيارات فيات التى يستوردها الوكيل ليست بكثيرة, فمثلا أنا عام 2006 كنت بفكر أحجز فيات باليو, و لكن قالولى الدفعة الأولى كلها محجوزة و الدفعة التانية فى أول السنة, (الكلام ده كان فى شهر 4 يعنى كنت هستنى 8 شهور!!).
و حتى الأن لم أرى البرافو فى شوارعنا, و كل اللى أعرفهم مسمعوش أصلا عن عربية اسمها البرافو, هيشتروها ازاى طيب؟!
المشكلة الأساسية فى الدعاية, اعلانات السيارات اليابانية و الكورية و الصينية و حتى الأوروبية مغرقة البلد, جرايد و راديو و تليفزيون, لكن فيات و لا حس و لا خبر, و على فكرة ناس كتير متعرفش ايه موديلات فيات الموجودة فى مصر.

**mig44n** · 01-09-2008 01:16 AM

+1000
عندك حق فى كل الى قولتو....
يعنى انا لما شوفت البونتو الجديده بجد بجد يتقال عليها عربية....
وفعلا العربية من بره الشكل والصاج والفيبر بتاعها يحسسك انها عربية معمولة بفن...
الواحد كان بيستغرب على الناس الى بتشترى فيات جديده رغم ان عنده عربيات يابانى وكورى واضمن....
بس فعلا دلوقتى الى يجيب فيات يبقى متميز.....
وبحى كل الى جاب فيات جديدة على حسن الاختيار....

**tutankhamoun** · 01-09-2008 05:57 AM

مشكلة إرتفاع أسعار السيارات الفيات و الأوروبي عموما مثل فولكس فاجن و بيجو و سيات و سيتروين .......... الخ
ناتج عن عوامل عدة ألا و هي

1 - عملة اليورو المرتفعة القيمة
2 - غلاء الأيدي العاملة في القارة الأوروبية
3 - إرتفاع قيمة الضرائب في القارة ألأوروبية

و هو ما يدعوا بعض الشركات إلى تصنيع أو تجميع بعض الموديلات في بلاد أرخص مثل تركيا و الصين و البرازيل كما تفعل فيات
و البرازيل كما تفعل فولكس

و لأن الأسعار مبالغ فيها عندما تقارن نفس السيارة من دولة أوروبية بسيارة يابانية أو كورية أو ماليزية
فبالتأكيد الأوروبية ستخسر المنافسة
و هوما أدركته الشركات الأوروبية و التي بدورها تحاول فتح أسواق جديدة للتصنيع و البيع
أنظروا إلى مصر مثلا
كانت سوق أساسي لفيات و بيجو .............. فين هما دلوقتي ؟؟؟

موديلات فيات و بيجو و الأوروبي عموما بيبيع بإستحياء نظرا لعلوا السعر المبالغ فيه ( رأيي الشخصي ) و خصوصا لتساوي السيارات في القوة و الكماليات أو حتى بعض سيارات فيات التي تنزل بمواتير ضعيفة و لكنها مازالت غالية و مرتفعة الثمن

و بعدين أنا عايز أقول على حاجة
موضوع أنك راكب أوروبي و له ميزة تاني و الكلام ده
ده إحســـــــــــاس نفسي أكبر منه حقيقة واقعة
الأوروبي أصيل ... أه و قديم
بس مثلا الياباني متفوق في حاجات و ممتاز
الكوري أصبح مثل الياباني تماما في الفئات المتوسطة و العليا

أنا ركبت كل الأنواع من كل القارات
أمريكي و أوروبي و ياباني ..... و كوري
كلهم واحد ............ كلهم عربيات ................ و أنت حالتك النفسية اللي بتفرق

على العموم شركة فيات من أفضل الشركات التي أعشقها و أحبها و طبعا بالإضافة لبروتون ........ ماليزيا ........ربنا يباركلهم

إضافة أخيرة
وكيل فيات مش وكيل تقيل
لو وكيل كويس ......... كان عمل شوية إعلانات لتعريف الناس بالعربيات كويس و عمل أختبارات قيادة و ضمان كبير و كان جاب عربيات تركي و صيني وبرازيلي و كان عمل حاجة تقفيل مصري
و كانت ماركة فيات هاترجع تاني للسوق بقوة
بس بقى مفيش إمكانيات مادية فيما يبدوا عن أوماترا

و كل سنة و أنتم طيبين و رمضان كريم

**MomoMedo** · 01-09-2008 04:36 PM

انا بعشق حاجة اسمها فيات
بحس ان تصميماتهم فعلا بتبأى سابقة العصر
ومفيش دولة اسياوية مثلا بتعمل تصميمات جامدة زي تصميمات الدول الدول الاوروبية

**mig44n** · 01-09-2008 06:39 PM

معاك حق الفيات احلى حاجة فيها هو موضوع التصميمات.....
وعربيات الفيات ناجحه فى اوروبا وتعتبر عربيات اقتصادية....

**amir** · 02-09-2008 03:38 AM

المشاركة الأصلية كتبت بواسطة tutankhamoun

مشكلة إرتفاع أسعار السيارات الفيات

اسمحلي يا توت باشا اقتبس منك النقطه دي و مستني ردك, ازاي شايف ان الفيات بونتو 2008 غاليه علي سعرها مع انها ارخص من السيريون مثلا و شكلها اظرف بكتير سواء الخارجي او حتي التابلوه. و كل سنه و انت طيب و بخير و رمضان كريم

**tutankhamoun** · 02-09-2008 08:43 AM

المشاركة الأصلية كتبت بواسطة amir

اسمحلي يا توت باشا اقتبس منك النقطه دي و مستني ردك, ازاي شايف ان الفيات بونتو 2008 غاليه علي سعرها مع انها ارخص من السيريون مثلا و شكلها اظرف بكتير سواء الخارجي او حتي التابلوه. و كل سنه و انت طيب و بخير و رمضان كريم

أنا آسف يا دكتور
أنا كنت بتكلم عمومي ......... و لم أخص البونتو بالذكر
الوحيدة اللي مصنوعة في أيطاليا ( أوروبا ) من فيات و ثمنها معقول شوية هي البونتو
إنما بقية العائلة ................ مواتير ضعيفة و غالية

يعني عندك مثلا اللينيا .......... موتور تقريبا في السبعينيات كعدد أحصنة و 1400 ........... و ثمنها غالي شوية و مثلها سيارات اوروبية كتير علشان ما نظلمش فيات

و أنا قلت أسباب أرتفاع أسعار سيارتهم المصنوعة في أوروبا قبل كدا

بس هي البونتو ............. محترمة جدا و عن تجربة

-

-

الموضوع: >>> بونتو 2008 <<<

LinkBack

أدوات الموضوع

عرض

-

-

-

-

-

-

المواضيع المتشابهه

بونتو 2008 للبيع

تمبرا 94 ولا بونتو 2008

أنا بجد محتار اشتري افيو 2008 ولا بونتو 2008 ؟؟؟؟

بونتو 2008 ولا افيو2008 ؟؟؟؟

بونتو 2008 ولا افيو 2008؟؟

الكلمات الدلالية لهذا الموضوع

المفضلات

المفضلات

ضوابط المشاركة